കൊല്ലം: ശബരിമല സ്വര്‍ണത്തട്ടിപ്പുമായി ബന്ധപ്പെട്ട കേസില്‍ അറസ്റ്റിലായ തിരുവാഭരണം മുന്‍ കമ്മിഷണര്‍ കെ എസ് ബൈജുവിനെ കോടതി വീണ്ടും റിമാന്‍ഡ് ചെയ്തു. 14 ദിവസമാണ് റിമാന്‍ഡ് കാലാവധി. കേസില്‍ ബൈജുവിന്റെ ജാമ്യാപേക്ഷ കൊല്ലം വിജിലന്‍സ് കോടതി തള്ളിയിരുന്നു.
ശനിയാഴ്ച നാലു മണിവരെ എസ് ഐ ടി കസ്റ്റഡിയിലായിരുന്നു ബൈജു. കസ്റ്റഡി സമയം അവസാനിച്ചതോടെയാണ് കോടതിയില്‍ ഹാജരാക്കി വീണ്ടും റിമാന്‍ഡ് ചെയ്തത്. സ്വര്‍ണക്കൊള്ള കേസില്‍ ഏഴാം പ്രതിയാണ് ബൈജു. കേസിലെ മുഖ്യ പ്രതിയായ ഉണ്ണികൃഷ്ണന്‍ പോറ്റിയുടെ കൈവശം സ്വര്‍ണപ്പാളികള്‍ കൊടുത്തു വിടുന്ന സമയത്തും മഹസര്‍ തയാറാക്കുമ്പോഴും ബൈജുവായിരുന്നു തിരുവാഭരണം കമ്മിഷണര്‍.