കോട്ടയം: സഭയ്ക്കുണ്ടായ ബുദ്ധിമുട്ടുകള്‍ സഭാ വിശ്വാസികള്‍ മനസിലാക്കി ഇത്തവണ തദ്ദേശ തെരഞ്ഞെടുപ്പില്‍ വോട്ട് ചെയ്യുമെന്ന് ഓര്‍ത്തോഡോക്‌സ് സഭാ മെത്രാപോലീത്ത ഡോ. യൂഹാനോന്‍ മാര്‍ ദീയസ് കോറോസ് മെത്രാപ്പോലീത്ത.
സഭയ്ക്ക് പ്രത്യേക രാഷ്ട്രീയ നിലപാടില്ലെന്നും അര്‍ഹതപ്പെട്ട ആളുകള്‍ക്ക് എല്ലാ പാര്‍ട്ടികളും സീറ്റ് നല്‍കിയിട്ടുണ്ടെന്നാണ് മനസിലാക്കുന്നതെന്നും വിശ്വസികള്‍ തിരിച്ചറിവുള്ളവരായതിനാല്‍ അതനുസരിച്ച് അവര്‍ പ്രവര്‍ത്തിക്കുമെന്നും അദ്ദേഹം പറഞ്ഞു.
സഭാതര്‍ക്ക കേസില്‍ സുപ്രിം കോടതി വിധി നടപ്പാക്കണമെന്നാണ് സഭയുടെ നിലപാട്. അതില്‍ മാറ്റമില്ല. എന്നാല്‍ വിട്ടുവീഴ്ചയ്ക്കും സമവായത്തിനും സഭ അന്നും ഇന്നും തയാറാണ്. ആറ് പള്ളികളുടെ വിധി പുറത്ത് വരാനുണ്ട്. അതിനു ശേഷം ചര്‍ച്ചകള്‍ സജീവമാകുമെന്നും മെത്രാപോലീത്ത പറഞ്ഞു. ജനങ്ങള്‍ നേരിടുന്ന പ്രശ്‌നങ്ങളില്‍ തീരുമാനം ഉണ്ടായില്ലെങ്കില്‍ സഭാ മക്കള്‍ അതനുസരിച്ച് പ്രവര്‍ത്തിക്കും. വന്യമൃഗ ശല്യം, റബര്‍വില തുടങ്ങിയ ജനകീയ പ്രശ്‌നങ്ങള്‍ ഇലക്ഷനില്‍ പ്രതിഫലിക്കുമെന്നും സഭാ നേതാക്കള്‍ പറഞ്ഞു.