ഒട്ടാവ: ഗ്യാസ് വില ലിറ്ററിന് 3 സെന്റ് ഉയര്‍ന്ന് 166.9 സെന്റ് ആകുന്നതോടെ നവംബറിന് ശേഷമുള്ള ഏറ്റവും ഉയര്‍ന്ന നിരക്കിലെത്തുമെന്ന് കനേഡിയന്‍സ് ഫോര്‍ അഫോര്‍ഡബിള്‍ എനര്‍ജി പ്രസിഡന്റ് ഡാന്‍ മക്ടീഗ് റിപ്പോര്‍ട്ട് ചെയ്തു. ഒട്ടാവയിലെ പെട്രോള്‍ പമ്പുകളില്‍ ഗ്യാസ് വില ലിറ്ററിന് 5 സെന്റ് കൂടിയിരുന്നു.

നവംബര്‍ 10ന് ശേഷം ഒട്ടാവയിലും ഒന്റാരിയോയിലുടനീളമുള്ള ഏറ്റവും ഉയര്‍ന്ന പെട്രോള്‍ വിലയായിരിക്കും ഇതെന്നും ഡാന്‍ മക്ടീഗ് കൂട്ടിച്ചേര്‍ത്തു.

Ottawagasprices.com അനുസരിച്ച്, ഒട്ടാവയില്‍ പെട്രോള്‍ വില ലിറ്ററിന് ഒരു വര്‍ഷം മുമ്പ് 1.97 ഡോളര്‍ ആയിരുന്നു. സപ്ലൈയും ഡിമാന്‍ഡും, യുഎസ് കടത്തിന്റെ പരിധിയിലെ പ്രശ്‌നങ്ങളും കനേഡിയന്‍ ഡോളറിന്റെ മൂല്യവും നോണ്‍-ലീനിയര്‍ വില വര്‍ദ്ധനയ്ക്ക് കാരണമാകുന്നതിനാല്‍, അടുത്തയാഴ്ച വീണ്ടും വില വര്‍ദ്ധിക്കുമെന്നും എന്നാല്‍, അതിനു മുന്നേ ഗ്യാസ് വില വാരാന്ത്യത്തില്‍ കുറയുമെന്ന് മക്ടീഗ് പറയുന്നു.