ഏറെ ദുരൂഹതകളുമായി ആര്‍ ജെ മഡോണ; ഒഫീഷ്യല്‍ സെക്കന്‍ഡ് ലുക്ക് പോസ്റ്റര്‍ പുറത്തിറങ്ങി


JULY 10, 2021, 2:24 PM IST

കൊച്ചി: ഹിച്ച്കോക്ക് എന്റര്‍ടൈന്‍മെന്റ്‌സിന്റെ ബാനറില്‍ നവാഗതനായ ആനന്ദ് കൃഷ്ണരാജ് സംവിധാനം ചെയ്യുന്ന ത്രില്ലര്‍ ചിത്രം ആര്‍ ജെ മഡോണയുടെ പുതിയ പോസ്റ്റര്‍ പുറത്തിറക്കി. അമലേന്ദു കെ രാജ്, ഷെര്‍ഷാ ഷെരീഫ്, അനില്‍ ആന്റോ എന്നിവരാണ് പോസ്റ്ററില്‍ ഉള്ളത്. മുന്‍പ് പുറത്തിറങ്ങിയ പോസ്റ്ററുകള്‍ വ്യത്യസ്തത കൊണ്ട് പ്രേക്ഷകശ്രദ്ധ നേടിയിരുന്നു.

മഡോണ എന്ന റേഡിയോ ജോക്കി തനിക്കേറ്റവും പ്രിയപ്പെട്ട ആളോടൊപ്പം ഒരു ദിവസം ചിലവഴിക്കാന്‍ തീരുമാനിക്കുന്നതും എന്നാല്‍ തികച്ചും അപരിചിതമായ സ്ഥലത്തും വ്യക്തിയുടെയും മുമ്പില്‍ എത്തിച്ചേരുന്നതുമാണ് ചിത്രത്തിന്റെ കഥാപശ്ചാത്തലം. മലയാളി പ്രേക്ഷകരെ ആസ്വാദനത്തിന്റെ വേറൊരു തലത്തില്‍ എത്തിക്കുന്ന മേക്കിങ്ങിലാണ് മിസ്റ്ററി ത്രില്ലറായ ആര്‍ ജെ മഡോണ പ്രേക്ഷകര്‍ക്ക് മുന്‍പില്‍ എത്തുക.

സംവിധായകന്‍ കൂടിയായ ആനന്ദ് കൃഷ്ണരാജ് തന്നെയാണ് എഴുത്തും ചിത്രസംയോജനവും നിര്‍വഹിച്ചിരിക്കുന്നത്. ജിജോ ജേക്കബ്, നീലിന്‍ സാന്‍ഡ്ര, ജയ് വിഷ്ണു തുടങ്ങിയവരാണ് മറ്റ് അഭിനേതാക്കള്‍.

ഛായാഗ്രഹണം: അഖില്‍ സേവ്യര്‍, സംഗീതം: രമേശ് കൃഷ്ണന്‍ എം കെ, വരികള്‍: ഹൃഷികേശ് മുണ്ടാണി, ആര്‍ട്ട് ഡയറക്ടര്‍: ഡാനി മുസിരിസ്, സൗണ്ട് ഡിസൈന്‍: ജെസ്വിന്‍ മാത്യൂ ഫെലിക്‌സ്, മേക്കപ്പ്: മഹേഷ് ബാലാജി, ചീഫ് അസോസിയേറ്റ് ഡയറക്ടര്‍: ഫ്രാന്‍സിസ് ജോസഫ് ജീര, അസോസിയേറ്റ് ഡയറക്ടര്‍: നിരഞ്ജന്‍, വി എഫ് എക്‌സ്: മനോജ് മോഹന്‍, ടൈറ്റില്‍ ഡിസൈന്‍: സനല്‍ പി കെ, പോസ്റ്റര്‍ ഡിസൈന്‍: ജോസഫ് പോള്‍സണ്‍, ഡി ഐ: ലിജു പ്രഭാകര്‍, മിക്‌സ് എന്‍ജിനീയര്‍: ജിജുമോന്‍ ടി ബ്രൂസ്, പി ആര്‍ ഒ: പി ശിവപ്രസാദ്, ഡിജിറ്റല്‍ മാര്‍ക്കറ്റിംഗ്: എം ആര്‍ പ്രൊഫഷണല്‍.

Other News