ശമ്പളം മുടങ്ങിയ നഗരസഭാ ജീവനക്കാര്‍ പണിമുടക്കുന്നു; ഡല്‍ഹിയില്‍ വാക്‌സിന്‍ വിതരണം താളം തെറ്റും


JANUARY 13, 2021, 6:40 AM IST

ന്യൂഡല്‍ഹി: കോവിഡിനെതിരായ പോരാട്ടത്തിന്റെ ഏറ്റവും നിര്‍ണായകമായ വാക്‌സിനേഷന്‍ ഡ്രൈവ് ആരംഭിക്കുന്നതിനായി ഡല്‍ഹി തയ്യാറെടുക്കുന്നതിനിടയില്‍ ശമ്പള കുടിശ്ശിക വേണമെന്ന് ആവശ്യപ്പെട്ട് നഗര സഭകളിലെ ജീവനക്കാര്‍ നടത്തുന്ന പണിമുടക്ക് വാക്‌സിന്‍ വിതരണത്തെ പ്രതിസന്ധിയിലാക്കും.

വാക്‌സിനേഷന്‍ പരിപാടി ജനുവരി 16 മുതല്‍ നഗരത്തില്‍ ആരംഭിക്കും, മുനിസിപ്പല്‍ ജീവനക്കാര്‍ - പ്രാഥമികാരോഗ്യ പ്രവര്‍ത്തകര്‍, നഴ്‌സിംഗ് സ്റ്റാഫ്, അധ്യാപകര്‍ തുടങ്ങിയവരാണ് പദ്ധതി നടത്തിപ്പിന്റെ ഭാഗമാകുന്നത്.

പ്രധാനമായും നോര്‍ത്ത് ദില്ലി മുനിസിപ്പല്‍ കോര്‍പ്പറേഷനില്‍ നിന്നുള്ള നഴ്സുമാര്‍, പാരാമെഡിക് സ്റ്റാഫ്, വാര്‍ഡ് ബോയ്‌സ്, പ്രൈമറി ടീച്ചര്‍മാര്‍, നാഗരിക സ്ഥാപനങ്ങളിലെ മറ്റ് വകുപ്പുകളിലെ ജീവനക്കാര്‍ എന്നിവര്‍ കഴിഞ്ഞ 3-5 മാസമായി തീര്‍പ്പാക്കാത്ത ശമ്പളം നല്‍കാത്തതിനെതിരെ ജനുവരി 7 മുതല്‍ പണിമുടക്കുകയാണ്.

പ്രക്ഷോഭം നടത്തുന്ന ജീവനക്കാര്‍, പ്രത്യേകിച്ചും നാഗരിക സംഘടനകളുടെ ആരോഗ്യ, വിദ്യാഭ്യാസ വകുപ്പുകളില്‍ നിന്നുള്ളവര്‍, അവരുടെ ശമ്പളം കുടിക തന്നുതീരുന്നതുവരെ വാക്‌സിനേഷന്‍ ഡ്രൈവില്‍ സഹകരിക്കില്ല എന്ന് പറഞ്ഞു.

മൂന്ന് നാഗരിക സ്ഥാപനങ്ങളില്‍ നിന്ന് നഴ്സുമാര്‍, പാരാമെഡിക് സ്റ്റാഫ്, സാനിറ്റേഷന്‍ സ്റ്റാഫ്, അധ്യാപകര്‍ എന്നിവര്‍ പ്രതിരോധ കുത്തിവയ്പ്പ് പ്രക്രിയയില്‍ ഏര്‍പ്പെടുമെന്ന് എംസിഡി എംപ്ലോയീസ് യൂണിയന്‍ കണ്‍വീനര്‍ എ പി ഖാന്‍ പറഞ്ഞു. എന്നാല്‍ ''സമ്പൂര്‍ണ നിസ്സഹകരണം'' ആയിരിക്കുമെന്നാണ് തീരുമാനം..

വാക്‌സിനേഷന്‍ പരിപാടിയില്‍ ഞങ്ങളുടെ നിസ്സഹകരണത്തെക്കുറിച്ച് നാഗരിക സംഘടനകളുടെ ആരോഗ്യ-വിദ്യാഭ്യാസ വകുപ്പുകളുടെ ബന്ധപ്പെട്ട മേധാവികളുമായി ആശയവിനിമയം നടത്തി. ഇത് ഞങ്ങളുടെ നിലനില്‍പ്പിന്റെ കാര്യമാണ്, സ്ഥിരമായ ശമ്പളമില്ലാതെ ഞങ്ങള്‍ക്ക് തുടരാന്‍ കഴിയില്ല. നോര്‍ത്ത് കോര്‍പ്പറേഷനിലെ നഴ്സുമാര്‍ക്കും പാരാമെഡിക് സ്റ്റാഫുകള്‍ക്കും ശമ്പളം ലഭിച്ചിട്ട് മൂന്ന് മാസമായി. 2020 ജൂലൈ മുതല്‍ അധ്യാപകര്‍ക്ക് ശമ്പളം നല്‍കിയിട്ടില്ല, ''ഖാന്‍ പറഞ്ഞു.

വിവിധ ഘട്ടങ്ങളിലായി നടത്തുന്ന വന്‍തോതിലുള്ള വാക്‌സിനേഷന്‍ പരിപാടിയില്‍ മൂന്ന് മുനിസിപ്പാലിറ്റികളിലെ 3,500 ഓളം ജീവനക്കാരെ ഉള്‍പ്പെടുത്താന്‍ സാധ്യതയുണ്ട്.

നോര്‍ത്ത് ദില്ലി മുനിസിപ്പല്‍ കോര്‍പ്പറേഷനില്‍ 64 വാക്‌സിനേഷന്‍ കേന്ദ്രങ്ങളുണ്ട്. ഹിന്ദു റാവു, കസ്തൂര്‍ബ, ഗിര്‍ധാര്‍ ലാല്‍ എന്നിങ്ങനെ മൂന്ന് ആശുപത്രികളിലാണിത്. നോര്‍ത്ത് കോര്‍പ്പറേഷനിലെ ആയിരത്തോളം ജീവനക്കാര്‍ക്ക് വാക്‌സിനേഷന്‍ പ്രോഗ്രാമിനായി പരിശീലനം നല്‍കിയിരുന്നു. അതുപോലെ, സൗത്ത് ദില്ലി മുനിസിപ്പല്‍ കോര്‍പ്പറേഷനിലെ വാക്‌സിനേഷന്‍ കേന്ദ്രങ്ങളുടെ എണ്ണം 58 ആണ്, 800 ഓളം തൊഴിലാളികള്‍ക്ക് പരിശീലനം നല്‍കിയിട്ടുണ്ട്. വാക്‌സിനേഷന്‍ പ്രോഗ്രാമിനായി 32 കേന്ദ്രങ്ങള്‍ ഉണ്ടാക്കി 250 ഓളം ജീവനക്കാര്‍ക്ക് പരിശീലനം നല്‍കിയിട്ടുണ്ടെന്ന് ഈസ്റ്റ് ദില്ലി മുനിസിപ്പല്‍ കോര്‍പ്പറേഷന്റെ (ഇഡിഎംസി) അധികൃതര്‍ അറിയിച്ചു.

1,000 (വാക്‌സിനേഷന്‍) കേന്ദ്രങ്ങള്‍ ഉപയോഗിച്ച് വാക്‌സിനേഷന്‍ ഡ്രൈവ് ആരംഭിച്ചുകഴിഞ്ഞാല്‍, ഈ ബൂത്തുകള്‍ പ്രവര്‍ത്തിപ്പിക്കാന്‍ പരിശീലനം ലഭിച്ച 3,500 പേരെ ആവശ്യമാണെന്ന് സര്‍ക്കാര്‍ കണക്കാക്കിയിട്ടുണ്ടെന്ന് സംസ്ഥാന ആരോഗ്യ വകുപ്പിലെ ഉദ്യോഗസ്ഥര്‍ പറഞ്ഞു.

3,500 ഉദ്യോഗസ്ഥരില്‍ 1,750 പേര്‍ മുനിസിപ്പല്‍ കോര്‍പ്പറേഷനുകളിലെ (എംസിഡി) തൊഴിലാളികളായിരിക്കും. ഡോക്ടര്‍മാര്‍, നഴ്സുമാര്‍, പാരാമെഡിക് സ്റ്റാഫ്, അധ്യാപകര്‍ എന്നിവരടങ്ങുന്ന ഉദ്യോഗസ്ഥരാണ് വാക്‌സിനേഷന്‍ ബൂത്തുകള്‍ പ്രവര്‍ത്തിപ്പിക്കുക.

എംസിഡി ജീവനക്കാരുടെ പണിമുടക്ക് ഉടന്‍ തന്നെ ബാധിക്കില്ലെന്ന് സര്‍ക്കാര്‍ ഉദ്യോഗസ്ഥര്‍ പറഞ്ഞു. ''പക്ഷേ, ഈ മാസം അവസാനത്തോടെ പ്രതിസന്ധി അവസാനിക്കുന്നില്ലെങ്കില്‍, പ്രധാന പ്രതിരോധ കുത്തിവയ്പ്പ് പ്രോഗ്രാം ആരംഭിച്ചുകഴിഞ്ഞാല്‍ ഗുരുതരമായ ചില മനുഷ്യശക്തി പ്രതിസന്ധി നേരിടേണ്ടിവരും,'' രണ്ടാമത്തെ മുതിര്‍ന്ന ഉദ്യോഗസ്ഥന്‍ പറഞ്ഞു.

ദില്ലിയിലെ വെറും 89 കേന്ദ്രങ്ങളില്‍ നിന്നാണ് ആദ്യ ഘട്ടം ആരംഭിക്കുന്നത്. അതിനാല്‍, പണിമുടക്കിന് കാര്യമായ സ്വാധീനമുണ്ടാകില്ല. 89 കേന്ദ്രങ്ങളില്‍ ഒന്നും എംസിഡി സൗകര്യങ്ങളില്ല. മനുഷ്യശക്തിയുടെ ആവശ്യകത ഞങ്ങള്‍ കണക്കാക്കിയിട്ടുണ്ട്, ആദ്യ ഘട്ടത്തില്‍ 50-60 എംസിഡി തൊഴിലാളികളെ മാത്രമേ ആവശ്യമുള്ളൂവെന്ന് കണ്ടെത്തി, ''ഉദ്യോഗസ്ഥര്‍ പറഞ്ഞു.

Other News