അറ്റ്‌ലാന്റാ: റാന്നി നെല്ലിക്കാമണ്‍ പുല്ലമ്പള്ളില്‍ വടക്കേപറമ്പില്‍ പ്രൊഫ. സഖറിയാ മാത്യുവിന്റെയും സുധ സഖറിയായുടെയും മകന്‍ ഡോ. ഫെലിക്‌സ് മാത്യു സഖറിയാ (36) ഹൃദയാഘാതം മൂലം അറ്റ്‌ലാന്റായില്‍ നിര്യാതനായി. 

അന്തരിച്ച പ്രശസ്ത ചലച്ചിത്ര താരം ക്യാപ്റ്റന്‍ രാജുവിന്റെ സഹോദരിയുടെ മകനാണ്. കൃപാ സഖറിയയാണ് ഏക സഹോദരി. അറ്റ്‌ലാന്റാ മാര്‍ത്തോമ്മാ ഇടവകാംഗമാണ്.

അറ്റ്‌ലാന്റായിലെ എമോറി യൂണിവേഴ്‌സിറ്റി ഹോസ്പിറ്റലില്‍ ഡോക്ടറായി ജോലിയില്‍ പ്രവേശിക്കാനിരിക്കെ അപ്രതീക്ഷിതമായി ഉണ്ടായ ഡോ. ഫെലിക്‌സിന്റെ വേര്‍പാട്   അറ്റ്‌ലാന്റായിലെ മലയാളി സമൂഹത്തെയാകെ ദുഃഖത്തിലാഴ്ത്തി.                                                                         

പൊതുദർശനം മെയ്‌ 20 ശനിയാഴ്ച വൈകിട്ട് 4 മുതൽ 8 മണി വരെ അറ്റ്ലാന്റാ മാർത്തോമ്മാ ദേവാലയത്തിൽ (6015 Old Stone Mountain Rd, Stone Mountain, GA 30087) വെച്ച് നടത്തപ്പെടും.

സംസ്കാരം മെയ് 21 ഞായറാഴ്ച ഉച്ചക്ക് 1.30ന് അറ്റ്ലാന്റാ മാർത്തോമ്മ ദേവാലയത്തിൽ വെച്ചുള്ള സംസ്കാര ശുശ്രുഷക്ക് ശേഷം എറ്റേണൽ ഹിൽസ് മെമ്മറി ഗാർഡൻസ് സെമിത്തേരിയിൽ (3700 Stone Mountain  Hwy, Snellville, GA 30079) സംസ്കരിക്കും. 

ഡോ. ഫെലിക്സിന്റെ പെട്ടെന്ന് ഉണ്ടായ വേർപാടിൽ മാർത്തോമ്മാ സഭയുടെ നോർത്ത് അമേരിക്ക - യൂറോപ്പ് ഭദ്രാസന അധിപൻ ബിഷപ് ഡോ. ഐസക് മാർ ഫിലക്സിനോസ് അനുശോചിച്ചു.

സംസ്കാര ചടങ്ങുകൾ Youtube.com/mtcatlanta/Live എന്ന വെബ്സൈറ്റിൽ ദർശിക്കാവുന്നതാണ്.