സൂപ്പര്‍ താരം ക്രിസ്റ്റ്യാനോ റൊണാള്‍ഡോ സൗദി ക്ലബ്ബായ അല്‍ നസറില്‍ ചേര്‍ന്നു. റെക്കോര്‍ഡ് തുക നല്‍കിയാണ് ക്ലബ്ബ് റൊണാള്‍ഡോയെ നേടിയത്. പ്രതിവര്‍ഷം 620 കോടിയാണ് റൊണാള്‍ഡോയുടെ പ്രതിഫലമെന്നാണ് റിപ്പോര്‍ട്ട്. കഴിഞ്ഞ മാസമാണ് മാഞ്ചസ്റ്റര്‍ യുണൈറ്റഡ് റൊണാള്‍ഡോയുമായുള്ള കരാര്‍ അവസാനിപ്പിച്ചത്.

റൊണാള്‍ഡോ സൗദി ക്ലബ്ബിലേക്ക് എത്തുമെന്ന് മുന്‍പുതന്നെ അഭ്യൂഹങ്ങളുണ്ടായിരുന്നു. 7 എന്ന നമ്പരുള്ള ജേഴ്‌സിയുമായി റൊണാള്‍ഡോ നില്‍ക്കുന്ന ചിത്രം പങ്കുവച്ചാണ് അല്‍പ സമയം മുന്‍പ് തങ്ങളുടെ ഔദ്യോഗിക ഹാന്‍ഡിലിലൂടെ അല്‍ നസര്‍ അറിയിപ്പ് നടത്തിയത്. ചരിത്രം സംഭവിക്കുന്നു. ഇത് ക്ലബ്ബിന് മാത്രമല്ല, ഞങ്ങളുടെ ലീഗിനും ഞങ്ങളുടെ രാജ്യത്തിനും വരും തലമുറയ്ക്കും ക്രിസ്റ്റ്യാനോ റൊണാള്‍ഡോയുടെ വരവ് പ്രചോദനമാകും. അല്‍ നസറിലേക്ക് റൊണാള്‍ഡോയ്ക്ക് സ്വാ?ഗതം. അല്‍ നസറിന്റെ ഔദ്യോഗിക ട്വീറ്റ് ഇങ്ങനെ.

<blockquote class="twitter-tweet"><p lang="en" dir="ltr">History in the making. This is a signing that will not only inspire our club to achieve even greater success but inspire our league, our nation and future generations, boys and girls to be the best version of themselves. Welcome <a href="https://twitter.com/Cristiano?ref_src=twsrc%5Etfw">@Cristiano</a> to your new home <a href="https://twitter.com/AlNassrFC?ref_src=twsrc%5Etfw">@AlNassrFC</a> <a href="https://t.co/oan7nu8NWC">pic.twitter.com/oan7nu8NWC</a></p>&mdash; AlNassr FC (@AlNassrFC_EN) <a href="https://twitter.com/AlNassrFC_EN/status/1608935670520909825?ref_src=twsrc%5Etfw">December 30, 2022</a></blockquote> <script async src="https://platform.twitter.com/widgets.js" charset="utf-8"></script>

'മറ്റൊരു രാജ്യത്തെ പുതിയ ഫുട്ബോള്‍ ലീഗിനൊപ്പമുള്ള പുത്തന്‍ അനുഭവങ്ങള്‍ക്കായി കാത്തിരിക്കുന്നു. അല്‍ നസറിന്റെ കാഴ്ച്ചപ്പാടുകള്‍ വളരെ പ്രചോദനം നല്‍കുന്നുണ്ട'്. ക്രിസ്റ്റിയാനോ റൊണാള്‍ഡോ ഒരു സൗദി മാധ്യമത്തോട് പറഞ്ഞത് ഇങ്ങനെ. 2025 വരെയാണ് ക്രിസ്റ്റ്യാനോ അല്‍ നസറിലുണ്ടാകുക. റൊണാള്‍ഡോ സൗദി ക്ലബ്ബില്‍ ചേര്‍ന്നതോടെ താരത്തിന്റെ ചാമ്പ്യന്‍സ് ലീഗ് മോഹങ്ങള്‍ കൂടിയാണ് അവസാനിക്കുന്നത്.

അതേസമയം ക്രിസ്റ്റ്യാനോ റൊണാള്‍ഡോ സൗദി ക്ലബ് അല്‍-നസര്‍ ടീമിലെത്തിയതിന് പിന്നാലെ ക്ലബിന്റെ സോഷ്യല്‍ മീഡിയ അക്കൗണ്ടുകളിലും വന്‍ കുതിപ്പ് അനുഭവപ്പെട്ടു. നാല് ഇരട്ടി ഫോളോവേഴ്സാണ് വിവിധ സോഷ്യല്‍ മീഡിയ അക്കൗണ്ടുകളിലുണ്ടാക്കിയത്. താരം ക്ലബില്‍ ചേര്‍ന്ന വാര്‍ത്തകള്‍ ഔദ്യോഗികമായി പുറത്തുവിടുമ്പോള്‍ അല്‍-നസ്റിന്റെ ഇന്‍സ്റ്റഗ്രാം അക്കൗണ്ടില്‍ 8.60 ലക്ഷം ഫോളോവര്‍മാരായിരുന്നു. എന്നാല്‍ ഇപ്പോള്‍ അത് മണിക്കൂറുകള്‍ മാത്രം പിന്നിടുമ്പോള്‍ 3.1 മില്യനാണ്.

ഫേസ്ബുക്കിലും ട്വിറ്ററിലുമെല്ലാം സമാനമായ കുതിപ്പുണ്ടായിട്ടുണ്ട്. ഫേസ്ബുക്ക് അക്കൗണ്ടില്‍ ഫോളോവര്‍മാരുടെ എണ്ണം 1.74 ലക്ഷത്തില്‍നിന്ന് 6.61 ലക്ഷം ആയാണ് ഉയര്‍ന്നിരിക്കുന്നത്. ഏകദേശം അഞ്ചിരട്ടിയോളം വരും ഈ കുതിച്ചുചാട്ടം. അതേസമയം, ട്വിറ്ററില്‍ ഇന്നലെ പ്രഖ്യാപനത്തിനു തൊട്ടുമുന്‍പ് 90,000 ഫോളോവര്‍മാരാണ് ഉണ്ടായിരുന്നത്. 4.37 ലക്ഷമാണ് ഇപ്പോഴത്തെ കണക്ക്.