ന്യൂജേഴ്‌സി: ക്രിസ്തീയ ഭക്തി ഗാനങ്ങളുടെ അപൂര്‍വ ശ്രേണിയുമായി അമേരിക്കയിലുടനീളം അനുഗ്രഹീത യാത്രയ്ക്കൊരുങ്ങുകയാണ് മലയാളത്തിലെ യുവ  ഗായകരായ ജാസി ഗിഫ്റ്റ്, സുദീപ് കുമാര്‍, മെറിന്‍ ഗ്രിഗറി, അനൂപ് കോവളം എന്നിവര്‍. അനേകം ഗാനമേളകള്‍ ലോകമെമ്പാടും അവതരിപ്പിച്ചിട്ടുണ്ടെങ്കിലും ഇതാദ്യമായാണ് ക്രിസ്ത്യന്‍ ഡിവോഷണല്‍ കോണ്‍സെര്‍ട്ടുമായി ഇവര്‍ അമേരിക്കന്‍ മലയാളികള്‍ക്ക് മുന്നിലേക്ക് എത്തുന്നത്. സ്റ്റാര്‍ എന്റര്‍ടൈന്‍മെന്റിന്റെ ബാനറിലാണ് അമേരിക്കന്‍ ഐക്യ നാടുകളില്‍ 2023 സെപ്തംബര്‍, ഒക്ടോബര്‍ മാസങ്ങളില്‍ ഈ അനുഗ്രഹീത ഗായകര്‍ പര്യടനത്തിനെത്തുവാന്‍ തയ്യാറെടുക്കുന്നത്.

ജാസി ഗിഫ്റ്റ്: ചലച്ചിത്ര സംഗീത സംവിധായകനും  പിന്നണി ഗായകനുമായ ജാസി ഗിഫ്റ്റ് ഫോര്‍ ദി പീപ്പിള്‍ എന്ന ചിത്രത്തിലെ \'ലജ്ജാവതിയെ\' എന്ന ഗാനത്തിന്റെ വിജയത്തിന് ശേഷമാണ് അദ്ദേഹം പ്രശസ്തനായത്.

2004-ലെ ഏറ്റവും നല്ല മലയാള ചിത്രമായി മാറിയ ഫോര്‍ ദി പീപ്പിളിന്റെ വിജയത്തിന് കാരണമായ ഗാനങ്ങള്‍ മലയാളത്തിലെ എക്കാലത്തെയും ഹിറ്റുകളിലൊന്നായിരുന്നു.   ഈ ചിത്രം പിന്നീട് തമിഴിലേക്ക് റീമേക്ക് ചെയ്യപ്പെട്ടു. കൂടാതെ തെലുങ്കില്‍ മല്ലിശ്വരിവേ എന്ന പേരിലും ഈ ഗാനം എല്ലാ ഭാഷകളിലും ഹിറ്റായി മാറി. 

മലയാളം, കന്നഡ, തമിഴ്, തെലുങ്ക് സിനിമകള്‍ക്കായി ഗാനങ്ങള്‍ രചിക്കുകയും പാടുകയും ചെയ്യുന്ന അദ്ദേഹത്തിന് ബാംഗ്ലൂര്‍ ടൈംസ് ഫിലിം അവാര്‍ഡില്‍ മികച്ച സംഗീത സംവിധായകനുള്ള അവാര്‍ഡ് നല്‍കി ആദരിച്ചു. കുട്ടിക്കാലം മുതല്‍ സംഗീതത്തില്‍ താത്പര്യമുള്ള അദ്ദേഹം പാശ്ചാത്യ സംഗീതത്തില്‍ വളരെയധികം സ്വാധീനം ചെലുത്തിയിരുന്നു. ഇളയരാജയെ ആരാധിക്കുകയും ഫ്രെഡി മെര്‍ക്കുറിയുടെ ആരാധകനുമായിരുന്ന അദ്ദേഹം ചെറുപ്പം മുതലേ പാശ്ചാത്യ പിയാനോയില്‍ മാസ്റ്റര്‍ ആയിരുന്നു. പിന്നീട് പ്രാദേശിക ബാന്‍ഡുകളില്‍ പാട്ടും കീബോര്‍ഡും വായിക്കാന്‍ തുടങ്ങി.

ഓസ്‌കാര്‍ ജേതാവ് എം എം കീരവാണി, ഹാരിസ് ജയരാജ്, ദേവിശ്രീ പ്രസാദ്, യുവന്‍ ശങ്കര്‍ രാജ, അനിരുദ്ധ് രവിചന്ദര്‍ തുടങ്ങിയ നിരവധി ദക്ഷിണേന്ത്യന്‍ സംഗീതജ്ഞര്‍ക്കൊപ്പം അദ്ദേഹം പ്രവര്‍ത്തിച്ചിട്ടുണ്ട്. കൂടാതെ ദക്ഷിണേന്ത്യയില്‍ നിന്നുള്ള നിരവധി സംഗീത സംവിധായകരുമായി സഹകരിച്ചു. ശ്രേയാ ഘോഷാലും സോനു നിഗവും ചേര്‍ന്ന് പാടിയ സഞ്ജു വെഡ്സ് ഗീത എന്ന ചിത്രത്തിന് വേണ്ടി അദ്ദേഹം ഗാനങ്ങള്‍ രചിച്ചു.

തിരുവനന്തപുരം യൂണിവേഴ്സിറ്റി കോളേജില്‍ നിന്ന് ഫിലോസഫിയില്‍ ബിരുദാനന്തര ബിരുദവും കണ്ണൂര്‍ യൂണിവേഴ്സിറ്റിയില്‍ നിന്ന് ഫിലോസഫിയില്‍ പി എച്ച് ഡിയും നേടിയിട്ടുണ്ട്. 2021 ഡിസംബര്‍ 24-ന് കേരള സംസ്ഥാന വികസന കോര്‍പ്പറേഷന്റെ ചെയര്‍മാനായി ജാസി ഗിഫ്റ്റിനെ നിയമിച്ചു. കണ്ണൂര്‍ സര്‍വകലാശാലയില്‍ നിന്ന് ഇന്‍ഫര്‍മേഷന്‍ ടെക്നോളജി/ ഫിസിക്സില്‍ പി എച്ച്ഡി നേടിയ ഡോ. അതുല്യയാണ് പത്‌നി. 

സുദീപ് കുമാര്‍: 2012ലെ കേരളാ സ്റ്റേറ്റ് ഫിലിം അവാര്‍ഡ്, 2014ലെ കേരളം ഫിലിം ക്രിട്ടിക്‌സ് അവാര്‍ഡ്, റേഡിയോ മിര്‍ച്ചി സൗത്ത് ഇന്ത്യന്‍ അവാര്‍ഡ്, വനിതാ ഫിലിം അവാര്‍ഡ് തുടങ്ങി നിരവധി അംഗീകാരങ്ങള്‍ കരസ്ഥമാക്കിയ യുവ ഗായകനാണ് സുദീപ് കുമാര്‍. 

1975 മെയ് 25ന് ആലപ്പുഴയില്‍ ജനനം. സാഹിത്യകാരനും വാഗ്മിയുമായ കൈനകരി സുരേന്ദ്രന്റെയും രാജമ്മയുടെയും മൂത്തപുത്രന്‍. ആലപ്പുഴ എസ് ഡി കോളേജില്‍ നിന്ന് മലയാള സാഹിത്യത്തിലും തിരുവനന്തപുരം ലോ കോളേജില്‍ നിന്ന് നിയമത്തിലും ബിരുദം. 1998ല്‍ ജോണി സാഗരികയുടെ കാസറ്റുകളില്‍ പാടിത്തുടങ്ങി സംഗീതരംഗത്ത് ശ്രദ്ധേയനായി. വിനയന്‍ സംവിധാനം ചെയ്ത ഊമപ്പെണ്ണിന് ഉരിയാടാപ്പയ്യന്‍ എന്ന ചിത്രത്തിലൂടെ മലയാള പിന്നണി ഗാനരംഗത്ത് അരങ്ങേറ്റം കുറിച്ചു.  ഇരുന്നൂറിലധികം ചലച്ചിത്ര ഗാനങ്ങളും ആയിരത്തിലധികം ക്രിസ്തീയ ഗാനങ്ങളും ഉള്‍പ്പെടെ അയ്യായിരത്തോളം ഗാനങ്ങള്‍ പാടിയിട്ടുള്ള സുദീപ് കുമാര്‍ ഈ വര്‍ഷം തന്റെ കരിയറിന്റെ സുവര്‍ണ ജൂബിലി ആഘോഷിക്കുകയാണ്. മഹാ സംഗീതജ്ഞന്‍ ജി ദേവരാജന്‍ മാസ്റ്റര്‍ പുതിയ നൂറ്റാണ്ടിലെ വാഗ്ദാനങ്ങളായി അഞ്ചു യുവ ഗായകരെ തിരഞ്ഞെടുത്തതില്‍ ഒരാളാണ് സുദീപ് കുമാര്‍. എന്റെ ശാരികേ (മാടമ്പി), എന്തെടി എന്തെടി (ശിക്കാര്‍), ചെമ്പകപ്പൂങ്കാട്ടിലെ (രതിനിര്‍വേദം), മധുരം ഗായതി (ബനാറസ്), മനസ് മയക്കി (അറബിയും ഒട്ടകവും പി മാധവന്‍ നായരും), തെളിവെയിലഴകില്‍ (മഹേഷിന്റെ പ്രതികാരം),  കൊണ്ടോരാം (ഒടിയന്‍) തുടങ്ങിയ ഗാനങ്ങള്‍ ഈ അടുത്ത വര്‍ഷങ്ങളില്‍ ഹിറ്റ് ചാര്‍ട്ടുകളില്‍ ഇടം പിടിച്ച ഏറ്റവും ശ്രദ്ധിക്കപ്പെട്ട ഗാനങ്ങളാണ്. പ്രമുഖ സംഗീത സംവിധായകന്‍ എം ജയചന്ദ്രന്റെ സംഗീത സംവിധാനത്തില്‍ മുപ്പതോളം ഗാനങ്ങള്‍ ആലപിച്ചിട്ടുള്ള സുദീപ് മലയാളത്തിലെ മിക്കവാറും എല്ലാ സംവിധായകര്‍ക്ക് വേണ്ടിയും ഗാനങ്ങള്‍ ആലപിച്ചിട്ടുണ്ട്,

ചലച്ചിത്ര പിന്നണി ഗായകരുടെ സംഘടനയായ സമത്തിന്റെ   പ്രസിഡന്റായി പ്രവര്‍ത്തിച്ചു വരുന്നു. ഗുരുവായ ദേവരാജന്‍ മാസ്റ്ററെ കുറിച്ചെഴുതിയ രാഗം തരംഗിണി എന്ന പുസ്തകം ഒലിവ് ബുക്ക്‌സ് പ്രസിദ്ധീകരിച്ചിട്ടുണ്ട്. നര്‍ത്തകിയും അഭിനേത്രിയുമായ കലാമണ്ഡലം സോഫിയ ജെയിംസ് ആണ് പത്‌നി. രണ്ടു പെണ്‍കുട്ടികള്‍ മിന്‍സാര, നിഹാര.

മെറിന്‍ ഗ്രിഗറി: \'നോക്കി നോക്കി നോക്കി നിന്നു\' എന്ന ഒറ്റ ഗാനം കൊണ്ട് തന്നെ മലയാള സിനിമ സംഗീതാസ്വാദകരുടെ മനം കവര്‍ന്ന ഗായികയാണ് സ്റ്റാര്‍ സിങ്ങര്‍ സീസണ്‍ സിക്‌സ് വിജയിയായ മെറിന്‍. അള്‍ത്താര വിളക്കിന്റെ സൗന്ദര്യവും ആധുനിക സംഗീതത്തിന്റെ വിസ്മയവും ചേരുന്ന \'നസ്രേത്തിന്‍ നാട്ടിലെ പാവനേ\' എന്ന ഗാനം ആലാപന മാധുര്യം കൊണ്ട് പ്രേക്ഷകമനസുകള്‍ നെഞ്ചിലേറ്റിയ ഗാനമാണ്.

സ്റ്റാര്‍ സിംഗര്‍ ഷോയുടെ ആറാം സീസണിന്റെ കിരീടം നേടിയ പ്രതിഭാധനയായ ഗായിക മെറിന്‍ ഗ്രിഗറിയെ സ്റ്റാര്‍ സിംഗര്‍ ആരാധകര്‍ ഇപ്പോഴും ഓര്‍ക്കുന്നു. ഷോയിലെ ആദ്യത്തെ 100 മാര്‍ക്ക് നേടുന്നത് മുതല്‍ ട്രോഫി ഉയര്‍ത്തുന്നത് വരെ മെറിന്‍ ഏറ്റവും ഇഷ്ടപ്പെട്ട മത്സരാര്‍ഥികളില്‍ ഒരാളായിരുന്നു.

ആദ്യമായി ലിറ്റില്‍ മാസ്റ്റേഴ്‌സ് 2007, പിന്നെ ഏഷ്യാനെറ്റിലെ ജൂനിയര്‍ മ്യൂസിക് റിയാലിറ്റി ഷോ, ഐഡിയ സ്റ്റാര്‍ സിംഗര്‍ സീസണ്‍ സിക്‌സ് വിജയി, ഏഷ്യാനെറ്റിലെ മ്യൂസിക് റിയാലിറ്റി ഷോ എന്നീ നിരവധി ചാനല്‍ പരിപാടികളുടെ ടൈറ്റില്‍ ജേതാവായാണ് മെറിന്‍ ഗ്രിഗറി എന്ന പാട്ടുകാരി മലയാളി മനസുകളില്‍ ഇടം നേടിയത്.

റോമാക്കാര്‍ (കുയില്‍ പാടിയ), വേഗം (നീര്‍പളുങ്കിന്‍ നനവ്), ഓടും രാജ ആടും റാണി (ഇത്തിരിപ്പൂ ചന്തം), തിലോത്തമ (ദീനാനുകമ്പ തന്‍), ജോമോന്റെ സുവിശേഷങ്ങള്‍ (നോക്കി നോക്കി), 1971 അതിരുകള്‍ക്കപ്പുറം (ദൂരെയവാണി), നീരവം (കിളികളായ് പാറുന്ന), കൈതോലച്ചാത്തന്‍ (മഴയില്‍ നനയും), ജോസഫ് (ഉയിരിന്‍ നാഥനേ), സത്യം പറഞ്ഞാല്‍ വിശ്വാസിക്കോ (ഇല്ലിക്കൂടിനുള്ളില്‍), ഓര്‍മയില്‍ ഒരു ശിശിരം (കൈനീട്ടി ആരോ, പൂന്തേന്നാലിന്‍), പൊറിഞ്ചു മറിയം ജോസ് (പേട പടയണ പെരുന്നാള്‍), എന്റെ സാന്ത (വെള്ളിപ്പഞ്ഞി കൊട്ടിട്ടു), പുരോഹിതന്‍ (നസ്രത്തിന്‍ നാട്ടില്‍), ജാക്ക് ആന്‍ഡ് ജില്‍ (ഇങ്കെയും ഇല്ലത്), വര്‍ത്തമാനം (സിന്ദഗി), കുഞ്ഞെല്‍ദോ (മനസ്സു നന്നാവട്ടെ), തമ്പച്ചി (ഈറന്‍ തൂവാല), മാഡി (ആരീരാരം പാടുവാനേന്‍), പത്താം വളവ് (ആരാധന ജീവ നാഥാ) തുടങ്ങി അനേകം സിനിമാ പാട്ടുകള്‍ അനേകം ആല്‍ബങ്ങളിലും പാടിയിട്ടുണ്ട്.  2012 മുതല്‍ ഇന്ത്യയിലും വിദേശത്തുമായി സജീവമായി ഗാനമേളകള്‍ അവതരിപ്പിക്കുന്നു. സംഗീതജ്ഞനായ  ഉസ്താദ് ഫൈയാസ് ഖാനില്‍ നിന്ന് ഹിന്ദുസ്ഥാനി സംഗീതം പഠിക്കുന്നു. ഗുഡ്നെസ് ടി വിയിലെ ദാവീദിന്റെ കിന്നാരങ്ങളില്‍ ജഡ്ജിയായും \'സ രി ഗ മാ പാ കേരളം\' എന്ന മ്യൂസിക് റിയാലിറ്റി ഷോയുടെ സെലിബ്രിറ്റി മെന്ററുമായാണ് മെറിന്‍ ഇപ്പോള്‍ പ്രേക്ഷകര്‍ക്ക് മുന്‍പില്‍ എത്തുന്നത്.  

ഇംഗ്ലീഷ് ലിറ്ററേച്ചര്‍ പൂര്‍ത്തിയാക്കിയ കോഴിക്കോടുകാരിയായ മെറിന്‍ ഇപ്പോള്‍ പൈലറ്റായ അങ്കിത് ജോസഫിനും ഏഴ് മാസം പ്രായമുള്ള മകള്‍ നതാഷയ്ക്കുമൊപ്പം കൊച്ചിയില്‍ സ്ഥിരതാമസമാണ്, 

അനൂപ് കോവളം: അനൂപ് കോവളം എന്നറിയപ്പെടുന്ന അനൂപ് കുമാര്‍ മലയാള സംഗീത രംഗത്തെ മികച്ച  വാഗ്ദാനങ്ങളിലൊന്നാണ്, അര്‍പ്പണബോധത്തോടെ സംഗീത രംഗത്തെ കാണുന്ന അനൂപ് ഏറ്റവും മികച്ച പ്രൊഫഷണല്‍ സംഗീതജ്ഞരില്‍ ഒരാളാണ്. വളരെ ചെറുപ്പത്തില്‍ തന്നെ സംഗീത യാത്ര ആരംഭിച്ച അദ്ദേഹം സ്‌കൂള്‍ കാലഘട്ടത്തില്‍ തന്നെ നിരവധി തവണ \'കലാപ്രതിഭ\' പട്ടം നേടിയിട്ടുണ്ട്. അതിനുശേഷം നിരവധി റിയാലിറ്റി ഷോകളില്‍ ഓര്‍ക്കസ്ട്രയെ നയിച്ചുകൊണ്ട് അദ്ദേഹം തന്റെ കഴിവ് പ്രകടിപ്പിച്ചു, ഏഷ്യാനെറ്റിലെ ഏറ്റവും ജനപ്രിയമായ സ്റ്റാര്‍ സിംഗര്‍ ലോകമെമ്പാടുമുള്ള അനേകം സ്റ്റേജുകളില്‍ ഗാനമേളകള്‍ അവതരിപ്പിച്ചിട്ടുണ്ട്.

ഒരു മള്‍ട്ടി- ഇന്‍സ്ട്രുമെന്റലിസ്റ്റ്, ഗായകന്‍ എന്നീ നിലകളില്‍ 20 വര്‍ഷത്തിലേറെയായി ഡോ. കെ ജെ യേശുദാസ്, എസ് പി ബാലസുബ്രഹ്മണ്യം, കെ എസ് ചിത്ര, ഹരിഹരന്‍ തുടങ്ങിയവര്‍ക്കൊപ്പം അനേകം  വേദികള്‍ പങ്കിട്ടിട്ടുള്ള സംഗീത സംവിധായകനും പ്രോഗ്രാമറുമാണ് അനൂപ്.

ശരത്ത്, ജെറി അമല്‍ദേവ്, ബേണി- ഇഗ്‌നേഷ്യസ്, എം ജി തുടങ്ങിയ പ്രശസ്ത സംഗീത സംവിധായകരുടെ പ്രോഗ്രാമറായി പ്രവര്‍ത്തിച്ചിട്ടുണ്ട്. സംഗീത സംവിധായകന്‍ ശരത്തിന് വേണ്ടി നിരവധി റീ- റെക്കോര്‍ഡിംഗ് ജോലികള്‍ അദ്ദേഹം പൂര്‍ത്തിയാക്കിയിട്ടുണ്ട്, നിരവധി ആല്‍ബങ്ങള്‍ക്ക് വേണ്ടിയും ഷോര്‍ട്ട് ഫിലിമുകള്‍ക്കും ടെലി സീരിയലുകള്‍ക്കും പരസ്യങ്ങള്‍ക്കും പാട്ടുകള്‍ക്കും റീ-റെക്കോര്‍ഡിംഗുകള്‍ക്കുമായി ജിംഗിള്‍സ് രചിച്ചിട്ടുണ്ട്.

ഏഷ്യാനെറ്റ്, മഴവില്‍ മനോരമ, ഫ്‌ളവേഴ്സ് ടി വി തുടങ്ങിയ ചാനലുകളുടെ നിരവധി റിയാലിറ്റി ഷോകളില്‍ ജനപ്രിയ സാന്നിധ്യമാണ്. 

ഈ നാല് ജനപ്രിയ ഗായകര്‍ ജാസി ഗിഫ്റ്റ്, സുദീപ് കുമാര്‍, മെറിന്‍ ഗ്രിഗറി, അനൂപ് കോവളം എന്നിവര്‍ ഒന്ന് ചേര്‍ന്ന് ആലപിക്കുന്ന ഗാനങ്ങള്‍ക്കായ് കാത്തിരിക്കുക.

കൂടുതല്‍ വിവരങ്ങള്‍ക്കും ബുക്കിങ്ങിനും വിളിക്കുക- ജോസഫ് ഇടിക്കുള- 201-421-5303, ബോബി വര്‍ഗീസ്- 201-669-1477. 

വാര്‍ത്ത- ജോസഫ് ഇടിക്കുള