വാഷിംഗ്ടണ്‍: വൈറ്റ് ഹൗസിന് സമീപം സ്ഥാപിച്ച സുരക്ഷാ ബാരിക്കേഡുകളില്‍ ഇടിച്ച യു-ഹാള്‍ ട്രക്കിന്റെ ഡ്രൈവര്‍ ഇന്ത്യന്‍ വംശജനെന്ന് പോലീസ് തിരിച്ചറിഞ്ഞു.

മിസോറിയിലെ ചെസ്റ്റര്‍ഫീല്‍ഡില്‍ നിന്നുള്ള 19 കാരനായ സായ് വര്‍ഷിത് കാണ്ടുലയാണ് അപകടമുണ്ടാക്കിയതെന്നാണ് യുഎസ് പാര്‍ക്ക് പോലീസ് പറയുന്നത്.

വൈറ്റ് ഹൗസിന് സമീപമുള്ള പാര്‍ക്കിലെ സുരക്ഷാ ബാരിയറില്‍ ട്രക്ക് ഇടിച്ചുകയറിയതിനെത്തുടര്‍ന്ന് തിങ്കളാഴ്ച വൈകിട്ടാണ് സീക്രട്ട് സര്‍വീസ് കണ്ടുലയെ കസ്റ്റഡിയിലെടുത്തത്. അന്വേഷകര്‍ ട്രക്ക് പരിശോധിച്ചപ്പോള്‍ നാസി പതാക നീക്കം ചെയ്‌തെങ്കിലും അപകടകരമായ ഒന്നും കണ്ടെത്തിയില്ല. നടപ്പാതയില്‍ ചുവപ്പും വെള്ളയും കറുത്ത പതാകയും സ്ഥാപിച്ചിരിക്കുന്നത് ഫോക്‌സ് 5 പോസ്റ്റ് ചെയ്ത ദൃശ്യങ്ങളില്‍ കാണാം.

യു-ഹാള്‍ ട്രക്ക് 16-ാം സ്ട്രീറ്റിലെ ലഫായെറ്റ് പാര്‍ക്കിന്റെ വടക്ക് ഭാഗത്തെ ബാരിക്കേഡുകളില്‍ രാത്രി 10 മണിക്ക് മുമ്പാണ് ഇടിച്ചതെന്ന് രഹസ്യ സേവന വക്താവ് ആന്റണി ഗുഗ്ലിയല്‍മി പറഞ്ഞു.

വൈറ്റ് ഹൗസ് ഗേറ്റില്‍ നിന്ന് നല്ല ദൂരത്തിലായിരുന്നു അപകടം. പക്ഷേ സംഭവം നടന്നയുടനെ റോഡും നടപ്പാതയും പോലീസ് അടച്ചു, സമീപത്തുള്ള ഹേ-ആഡംസ് ഹോട്ടലിലെ താമസക്കാരെയും ഒഴിപ്പിക്കേണ്ടിവന്നു. 'ലഫായെറ്റ് സ്‌ക്വയറിലെ സുരക്ഷാ തടസ്സങ്ങളില്‍ ഡ്രൈവര്‍ മനഃപൂര്‍വം ഇടിച്ചതാകാമെന്നാണ് പ്രാഥമിക അന്വേഷണത്തില്‍ കണ്ടെത്തിയതെന്ന് ഗുഗ്ലിയല്‍മി പറഞ്ഞു.ഇതും വായിക്കാം.... ഹിറ്റ്‌ലറെ പുകഴ്ത്തി; പ്രസിഡന്റിനെ വധിക്കുമെന്ന് ഭീഷണി