ചുഴലിക്കാറ്റിനിടയിലും ഗോള്‍ഫ് കളി; ട്രംപിനെതിരെ വീണ്ടും ലണ്ടന്‍ മേയറുടെ പരിഹാസം


SEPTEMBER 3, 2019, 4:32 PM IST

യുഎസ് പ്രസിഡന്റ് ട്രംപും ലണ്ടന്‍ മേയറും തമ്മിലുള്ള പരിഹാസ യുദ്ധം തുടരുന്നു.

ഇക്കുറി സാദിഖ് ഖാനാണ് പരിഹാസ ശരം എയ്തത്. വിനാശകരമായ ഡോറിയന്‍ ചുഴലിക്കാറ്റിനെ നിരീക്ഷിക്കുമെന്ന് അവകാശപ്പെട്ടിട്ടും ട്രംപ് ഗോള്‍ഫ് കളിച്ചതാണ് ലണ്ടന്‍ മേയര്‍ സാദിഖ് ഖാനെ ചൊടിപ്പിച്ചത്.

''ഗോള്‍ഫ് കോഴ്സിലെ  ചുഴലിക്കാറ്റിനെ നേരിടുന്നതിനാല്‍ ട്രംപ്   വളരെ തിരക്കിലാണ്,'' എന്നായിരുന്നു ഖാന്‍ ഞായറാഴ്ച പൊളിറ്റിക്കോയ്ക്ക് നല്‍കിയ അഭിമുഖത്തില്‍ പരിഹസിച്ചത്.

2016 മുതലാണ് ട്രംപും ഖാനും തമ്മിലുള്ള കൊമ്പുകോര്‍ക്കല്‍ ആരംഭിച്ചത്.മുസ്ലീങ്ങളെ യുഎസില്‍ പ്രവേശിക്കുന്നത് നിരോധിക്കുക എന്ന ആശയം ട്രംപ് ആദ്യമായി അവതരിപ്പിച്ച പ്പോളായിരുന്നു അത്.യുഎസ് പ്രസിഡന്റിനെ ''വൈറ്റ് നാഷണലിസത്തിനായുള്ള ആഗോള പോസ്റ്റര്‍ ബോയ്'' എന്നാണ് മേയര്‍ ഒരു നിരീക്ഷക ലേഖനത്തില്‍ വിശേഷിപ്പിച്ചത്. അതിനുപകരമായി  തന്നെ ''കല്ലെറിയുന്ന പരാജിതന്‍'' എന്നാണ് ട്രംപ് ഖാനെ വിളിച്ചത്.ഡോറിയന്‍ ചുഴലിക്കാറ്റിനെ നേരിടുന്നതിനുള്ള ഫെഡറല്‍ സംഘത്തെ നയിക്കുന്നതിനായി വ്യാഴാഴ്ച അവസാന നിമിഷം പോളണ്ടിലേക്കുള്ള തന്റെ ആസൂത്രിത യാത്ര ട്രംപ് റദ്ദാക്കിയിരുന്നു, 

എന്നാല്‍ ശനിയാഴ്ച തന്റെ ഗോള്‍ഫ് കോഴ്സുകളിലൊന്നില്‍ അദ്ദേഹം മണിക്കൂറുകള്‍ ചെലവഴിക്കുകയാണുണ്ടായത്. തിങ്കളാഴ്ചയും ഇതുതുടര്‍ന്നുവെന്ന് ഖാന്‍ പറഞ്ഞു.ലേബര്‍ ഡേ  വാരാന്ത്യത്തിനായി വെള്ളിയാഴ്ച വൈറ്റ് ഹൗസില്‍ നിന്ന് പുറപ്പെട്ടപ്പോള്‍ പ്രസിഡന്റ് ചുഴലിക്കാറ്റിന്റെ വേളയില്‍ ക്യാമ്പ് ഡേവിഡില്‍ കഴിയുമെന്ന സൂചനയാണ് പ്രസിഡന്റ് ട്രംപ് നല്‍കിയത്. എന്നാല്‍ വിര്‍ജീനിയയിലെ സ്റ്റെര്‍ലിംഗിലെ ട്രംപ് നാഷണല്‍ ഗോള്‍ഫ് ക്ലബിലേക്ക് മേരിലാന്‍ഡിലെ പ്രസിഡന്റിന്റെ വാസസ്ഥാനത്തു നിന്ന് ഹെലികോപ്റ്ററില്‍ ട്രംപ് അങ്ങോട്ടും ഇങ്ങോട്ടും പറക്കുന്നതായി റിപ്പോര്‍ട്ടര്‍മാര്‍ കണ്ടു.

തിങ്കളാഴ്ച രാവിലെ 10: 10 ന് വിര്‍ജീനിയ കോഴ്സിലെത്തിയ പ്രസിഡന്റ് 2:15 ന് പുറപ്പെട്ടതായി പ്രസ് പൂള്‍ റിപ്പോര്‍ട്ടുകളും പറയുന്നു.അതേസമയം അവധിക്കാല വാരാന്ത്യത്തില്‍ ട്രംപിന്റെ സമയം കൃത്യമായി ഉപയോഗിച്ചതിനെക്കുറിച്ച് വൈറ്റ് ഹൗസിന് ധാരണയുണ്ട്.  'ഓരോ മണിക്കൂറിലും' ട്രംപിന് ഡോറിയന്‍ ചുഴലിയെക്കുറിച്ചുള്ള അപ്ഡേറ്റുകള്‍ ലഭിച്ചുവെന്ന് വൈറ്റ് ഹൗസ് പ്രസ് സെക്രട്ടറി സ്റ്റെഫാനി ഗ്രിഷാം പറഞ്ഞു.

Other News