അമ്മയെയും  മകളെയും നിഷ്ഠൂരം കൊന്ന പ്രതിയുടെ വധശിക്ഷ വൈദ്യുതി ചെയറിലിരുത്തി നടപ്പാക്കി 


AUGUST 18, 2019, 3:34 AM IST

ടെനിസി : അമ്മയെയും പതിനഞ്ചു വയസുള്ള മകളെയും ക്രൂരമായി പീഡിപ്പിച്ചശേഷം കുത്തി കൊലപ്പെടുത്തിയ പ്രതിയുടെ വധശിക്ഷ ഇലക്ട്രിക് ചെയറിലിരുത്തി നടപ്പാക്കി. പ്രതി സ്റ്റീഫൻ മൈക്കിൾ വെസ്റ്റിന് (56) 1987 ലാണ് കോടതി വധശിക്ഷ വിധിച്ചത്.

1986 ലായിരുന്നു മൈക്കിൾ ഇരുവരെയും കൊലപ്പെടുത്തിയത്. അമ്മയും മകളും താമസിച്ചിരുന്ന വീട്ടിൽ അതിക്രമിച്ചു കയറിയ പ്രതി മകൾ ഷെയ്‌ലാ റൊമിൻസിനെ (15) പീഡപ്പിച്ച ശേഷം പതിനാലു തവണ കുത്തി കൊലപ്പെടുത്തുകയായിരുന്നു. തുടർന്ന് അമ്മ വാണ്ട നെമിൻസിനെയും കുത്തിക്കൊന്നു.നാല്‍പതു തവണയാണ് വാണ്ടയെ കുത്തിയത്.

33 വർഷം ജയിലിൽ കഴിഞ്ഞ പ്രതി അവസാന നിമിഷം വരെ മോചനത്തിനായി ശ്രമിച്ചുവെങ്കിലും നിഷ്‌ഫലമായി.ടെനിസിയി‍ൽ സാധാരണ വിഷം കുത്തിവച്ചാണ് വധശിക്ഷ നടപ്പാക്കുന്നതെങ്കിലും പ്രതിക്ക് ഇലക്ട്രിക് ചെയർ ആവശ്യപ്പെടുന്നതിനുള്ള നിയമം നിലവിലുണ്ടെന്നതിനാൽ ആ രീതി അവലംബിക്കുകയായിരുന്നു.

ജയിലിൽ വധശിക്ഷ നടപ്പാക്കുമ്പോൾ പുറത്ത് ഫ്രാങ്ക്‌ലിൻ കമ്മ്യൂണി ചർച്ച് സീനിയർ പാസ്റ്റർ കെവിൻ റിഗ്‌സിന്റെ നേതൃത്വത്തിൽ വധശിക്ഷയ്ക്കെതിരെ പ്രതിഷേധ പ്രകടനം നടത്തി.

Other News