ഫിലാഡല്‍ഫിയ: അമേരിക്ക റീജിയന്‍ വേള്‍ഡ് മലയാളി കൗണ്‍സില്‍ ഫാമിലി കോണ്‍ഫറന്‍സ് ഏപ്രില്‍ 28 മുതല്‍ 30 വരെ ന്യൂജേഴ്‌സി വുഡ് ബ്രിഡ്ജില്‍ ഉള്ള എ പി എ ഹോട്ടലില്‍ നടത്തുന്നതാണ്.

ലോകത്തിന്റെ വിവിധ പല ഭാഗങ്ങളില്‍ നിന്നുമുള്ള വേള്‍ഡ് മലയാളി കൗണ്‍സിലിന്റെ അംഗങ്ങള്‍ ഈ കോണ്‍ഫറന്‍സില്‍ വന്നു സംബന്ധിക്കുന്നതാണ്. അമേരിക്ക റീജിയന്റെ നേതൃത്വത്തില്‍ നടക്കുന്ന ഈ സമ്മേളനത്തിന് റീജിയന്‍ പ്രസിഡന്റ് ഡോ. തങ്കം അരവിന്ദ്, ചെയര്‍മാന്‍ ഹരി നമ്പൂതിരി, ജനറല്‍ സെക്രട്ടറി ബിജു ചാക്കോ, കോണ്‍ഫ്രന്‍സ് ചെയര്‍മാന്‍ തോമസ് മൊട്ടയ്ക്കല്‍, കോണ്‍ഫ്രന്‍സ് കണ്‍വീനര്‍ ജിനേഷ് തമ്പി എന്നിവരുടെ നേതൃത്വത്തില്‍ വിപുലമായ കമ്മിറ്റി ചുക്കാന്‍ പിടിക്കുന്നു.

പ്രൊഫഷണല്‍ ഫോറം, യൂത്ത് ഡിബേറ്റ്, മലയാളി മങ്ക, മലയാളി മന്നന്‍ മത്സരം, ഏഷ്യാനെറ്റും വേള്‍ഡ് മലയാളിയും ചേര്‍ന്നൊരുക്കുന്ന അവാര്‍ഡ് നൈറ്റും കോണ്‍ഫറന്‍സിന്റെ ഈ വര്‍ഷത്തെ പ്രത്യേകതകളാണ്.  പ്രശസ്ത ഗായകന്‍ ചാള്‍സ് ആന്റണിയുടെ ശ്രുതി മധുരമായ ഗാനങ്ങള്‍ പ്രോഗ്രാമില്‍ ഉടനീളം ഉണ്ടായിരിക്കും.

ഈ വര്‍ഷത്തെ കോണ്‍ഫറന്‍സില്‍ പങ്കെടുക്കുന്ന കുടുംബങ്ങള്‍ക്ക് മൂന്നുദിവസം ഏറ്റവും ആനന്ദകരമായി ചെലവിടുവാനും അമേരിക്കയിലെ ടെന്‍ഷന്‍ നിറഞ്ഞ ജീവിതക്രമത്തില്‍ നിന്നും ഒരു അവധി നല്‍കി പുത്തന്‍ ഉണര്‍വോടെ പ്രവര്‍ത്തന പന്ഥാവിലേക്ക് തിരികെ മടങ്ങുവാനും സാധിക്കുന്ന രീതിയിലാണ് ഇത്

ക്രമീകരിച്ചിരിക്കുന്നത്.

കോണ്‍ഫറന്‍സ് ചെയര്‍മാന്‍ തോമസ് മൊട്ടയ്ക്കല്‍ ഏവരെയും സ്വാഗതം ചെയ്തു.

കൂടുതല്‍ വിവരങ്ങള്‍ക്ക് പ്രസിഡന്റ് ഡോ. തങ്കം അരവിന്ദ്- 908 477 9895, ചെയര്‍മാന്‍ ഹരി നമ്പൂതിരി- 956 243 1043, കോണ്‍ഫറന്‍സ് ചെയര്‍മാന്‍ തോമസ് മൊട്ടയ്ക്കല്‍- 732 887 1066, കോണ്‍ഫറന്‍സ് കണ്‍വീനര്‍ ജിനേഷ് തമ്പി- 347 543 6272. 

- ജീമോന്‍ റാന്നി