ബാങ്കോക്ക് : മ്യാന്‍മറിലെ ഷാന്‍ സംസ്ഥാനത്തെ നാന്‍ നെയ്ന്റ് ബുദ്ധ വിഹാരത്തില്‍ 3 ബുദ്ധ സന്യാസിമാര്‍ ഉള്‍പ്പെടെ 22 പേരെ വെടിവെച്ചു കൊന്നു. കഴിഞ്ഞയാഴ്ച പട്ടാളമാണ് കൂട്ടക്കൊല നടത്തിയതെന്ന് പ്രവാസി ദേശീയ സര്‍ക്കാര്‍ ആരോപിച്ചു. അതേസമയം ആരോപണം നിഷേധിച്ച് പട്ടാള ഭരണകൂട വക്താവ് സാ മിന്‍ രംഗത്തെത്തി.

വിമത ഗ്രൂപ്പുകളാകാം കൂട്ടക്കൊലയ്ക്ക് പിന്നെലെന്നും അദ്ദേഹം പറഞ്ഞു.

രണ്ടാഴ്ചയായി നാന്‍ നെയ്ന്റില്‍ കെഎന്‍ഡിഎഫ്, കെആര്‍യു വിമത പോരാളി സംഘങ്ങളും സര്‍ക്കാര്‍ സേനയും തമ്മില്‍  ആക്രമണം രൂക്ഷമാണ്.

2021 ഫെബ്രുവരിയില്‍ ഓങ് സാന്‍ സൂച്ചിയുടെ നേതൃത്വത്തിലുള്ള ജനകീയ സര്‍ക്കാരിനെ അട്ടിമറിച്ച പട്ടാളം ഭരണം പിടിച്ചശേഷം മ്യാന്‍മര്‍ സംഘര്‍ഷഭരിതമാണ്. ജനകീയ പ്രക്ഷോഭങ്ങളില്‍ മൂവായിരത്തിലേറെ പേര്‍ കൊല്ലപ്പെട്ടു. സൂച്ചിയും മറ്റു നേതാക്കളും തടവറയിലാണ്.