കോവിഡ് വ്യാപനം: ഇന്ത്യയില്‍ നിന്നുള്ളവര്‍ക്ക് യാത്ര വിലക്കി ന്യൂസിലാന്റ്


APRIL 8, 2021, 9:12 AM IST

വെല്ലിംഗടണ്‍: കൊറോണ വൈറസ് കേസുകള്‍ ഉയര്‍ന്ന രാജ്യത്തെത്തുടര്‍ന്ന് ന്യൂസിലാന്റ് പ്രധാനമന്ത്രി ജസീന്ദ ആര്‍ഡെര്‍ന്‍ ഇന്ത്യയില്‍ നിന്നുള്ള എല്ലാ യാത്രക്കാര്‍ക്കും പ്രവേശനം താല്‍ക്കാലികമായി നിര്‍ത്തിവച്ചു.ഏപ്രില്‍ 11 ന് പ്രാദേശിക സമയം വൈകിട്ട് 4 മുതല്‍ ഏപ്രില്‍ 28 വരെ സസ്പെന്‍ഷന്‍ ആരംഭിക്കുമെന്ന് ആര്‍ഡെര്‍ന്‍ വാര്‍ത്താ സമ്മേളനത്തില്‍ പറഞ്ഞു. ഈ സമയത്ത് യാത്ര പുനരാരംഭിക്കുന്നതിനുള്ള റിസ്‌ക് മാനേജ്‌മെന്റ് നടപടികള്‍ സര്‍ക്കാര്‍ പരിശോധിക്കും.

ഇന്ത്യയില്‍ നിന്നുള്ള ന്യൂസിലാന്റ് പൗരന്മാര്‍ക്കും യാത്രാവിലക്ക് ബാധകമാണ്.ഇന്ത്യയില്‍ പ്രതിദിന കോവിഡ് 1.25 ലക്ഷം കവിഞ്ഞ് സര്‍വകാല റെക്കോര്‍ഡിലെത്തിയ പശ്ചാത്തലത്തിലാണ് ന്യൂസിലാന്റ് നടപടി.

Other News