ഒരു നൂറ്റാണ്ടിന് ശേഷം ആദ്യമായി വിദേശ കടത്തില്‍ വീഴ്ച വരുത്തി റഷ്യ


JUNE 27, 2022, 11:32 PM IST

മോസ്‌കോ: ഒരു നൂറ്റാണ്ടിന് ശേഷം ആദ്യമായി വിദേശ കറന്‍സി കടത്തില്‍ വീഴ്ച വരുത്തി റഷ്യ. 1918ന് ശേഷം ആദ്യത്തെ സംഭവമാണിത്. വിദേശ കടക്കാര്‍ക്കുള്ള പേയ്‌മെന്റ് റൂട്ടുകള്‍ അടച്ചുപൂട്ടിയ പാശ്ചാത്യ ഉപരോധങ്ങളെ തുടര്‍ന്നാണ് റഷ്യക്ക് പുതിയ സാമ്പത്തിക ചരിത്രം എഴുതേണ്ടി വന്നത്. 

യുക്രെയ്ന്‍ അധിനിവേശത്തെ തുടര്‍ന്ന് ചുമത്തിയ പിഴകള്‍ക്ക് രാജ്യം കൃത്യമായ വഴികള്‍ കണ്ടെത്തിയിരുന്നെങ്കിലും ഏകദേശം 100 മില്യന്‍ ഡോളറിന്റെ പലിശക്കെണി റഷ്യക്കു മേല്‍ വീഴുകയായിരുന്നു. പലിശ അടക്കേണ്ടതിന്റെ ഗ്രേസ് പിര്യേഡ് മെയ് 27ന് കാലഹരണപ്പെട്ടിരുന്നു. ഒരു സമയപരിധി നഷ്ടപ്പെട്ടാല്‍ അത് വീഴ്ചയായാണ് കണക്കാക്കുക. 

സാമ്പത്തികവും രാഷ്ട്രീയവുമായി രാജ്യം അതിവേഗം പുറന്തള്ളപ്പെടുന്നതിന്റെ ഭയാനകമായ അടയാളമാണിത്. മാര്‍ച്ച് തുടക്കം മുതല്‍ രാജ്യത്തിന്റെ യൂറോ ബോണ്ടുകള്‍ താഴ്ന്ന തലത്തിലാണ് വ്യാപാരം നടത്തിയത്. സെന്‍ട്രല്‍ ബാങ്കിന്റെ വിദേശ കരുതല്‍ ശേഖരം മരവിപ്പിച്ചു. ആഗോള സാമ്പത്തിക വ്യവസ്ഥയില്‍ നിന്ന് ഏറ്റവും വലിയ ബാങ്കുകള്‍ വിച്ഛേദിക്കപ്പെടുകയും ചെയ്തു. 

എന്നല്‍ സമ്പദ്‌വ്യവസ്ഥയ്ക്കും വിപണികള്‍ക്കും ഇതിനകം വരുത്തിയ നാശനഷ്ടങ്ങള്‍ വിലയിരുത്തുമ്പോള്‍ ഇപ്പോഴത്തെ അവസ്ഥ പ്രതീകാത്മകമാണ്. മാത്രമല്ല ഇരട്ടഅക്ക പണപ്പെരുപ്പം ഏറ്റവും മോശം സാമ്പത്തികാവസ്ഥ കൈകാര്യം ചെയ്യുന്നതിലേക്കാണ് എത്തിച്ചത്. 

ഏതെങ്കിലും ബില്ലുകള്‍ അടക്കാനുള്ള ഫണ്ട് തങ്ങളുടെ പക്കലുണ്ടെന്നും പണമടക്കാതിരിക്കാന്‍ നിര്‍ബന്ധിതരായതാണെന്നും പറഞ്ഞ് റഷ്യ വീഴ്ചയ്‌ക്കെതിരെ സംസാരിച്ചിരുന്നു. 40 മില്യന്‍ ഡോളര്‍ കുടിശ്ശികയുള്ള പരമാധികാര കടം റൂബിൡലേക്ക് മാറുമെന്ന് കഴിഞ്ഞ ആഴ്ച പ്രഖ്യാപിച്ചു. പാശ്ചാത്യര്‍ കൃത്രിമമായി നിര്‍മിച്ചതാണെന്നു പറഞ്ഞ ഫോഴ്‌സ് മജ്യൂര്‍ (നിയമപരമായി കരാര്‍ ചെയ്യപ്പെട്ട ഒരു കാര്യം ചെയ്യുന്നതില്‍ നിന്നും ഒരാളെ തടയുന്ന മുന്‍കൂട്ടി കാണാത്ത സാഹചര്യങ്ങള്‍) വിമര്‍ശിച്ചു. 

റഷ്യയുടെ സാമ്പത്തിക പ്രതിസന്ധിയും 1998ലെ റൂബിള്‍ തകര്‍ച്ചയും ഉണ്ടായപ്പോള്‍ പ്രസിഡന്റ് ബോറിസ് യെല്‍റ്റ്‌സിന്‍ സര്‍ക്കാര്‍ പ്രാദേശിക കടത്തിന്റെ 40 ബില്യന്‍ ഡോളര്‍ കുടിശ്ശിക വരുത്തി. 

1918ല്‍ വ്‌ളാഡിമിര്‍ ലെനിനിന്റെ കീഴിലുള്ള ബോള്‍ഷെവിക്കുകകള്‍ രാജ്യത്തിന്റെ അമ്പരപ്പിക്കുന്ന സാറിസ്റ്റ് കാലഘട്ടത്തിലെ കടബാധ്യത നിരസിച്ചപ്പോഴാണ് വിദേശ കടക്കാരുമായി ബന്ധപ്പെട്ട് റഷ്യ അവസാനമായി ഈ സ്ഥിതി അനുഭവിച്ചത്. ബാങ്കേഴ്‌സ് ആന്റ് ബോള്‍ഷെവിക്‌സ്: ഇന്റര്‍നാഷണല്‍ ഫിനാന്‍സ് ആന്റ് ദി റഷ്യന്‍ റവല്യൂഷന്‍ എന്ന ഗ്രന്ഥത്തിന്റെ രചയിതാവ് ലൂമിസ് സെയ്ല്‍സ് മാലിക്കിന്റെ അഭിപ്രായത്തില്‍ താരതമ്യപ്പെടുത്തുമ്പോള്‍ വിദേശികളുടെ കൈവശം ഏകദേശം 20 ബില്യന്‍ ഡോളറിന്റെ റഷ്യയുടെ യൂറോ ബോണ്ടുകള്‍ ഏപ്രിലിന്റെ തുടക്കത്തില്‍ തന്നെ ഉണ്ടായിരുന്നു. 

2018ന് ശേഷം ആദ്യമായി റഷ്യയുടെ കടം വിദേശത്ത് 50 ശതമാനത്തില്‍ താഴെയാണ്. ഉപരോധങ്ങളാണ് പണമടക്കുന്നതില്‍ നിന്ന് തടഞ്ഞതെന്നും അതുകൊണ്ട് ഇത് തങ്ങളുടെ തെറ്റല്ലെന്നും പറയുന്നത് ന്യായീകരിക്കാവുന്ന ഒഴിവുകഴിവാണോ എ്ന്ന് മാലിക്ക് ചോദിച്ചു. പരമാധികാര സ്ഥാപനത്തിന്റെ ഭാഗത്തു നിന്നുമുണ്ടായ ഒരു നടപടിക്കുള്ള പ്രതികരണമാണ് ഉപരോധങ്ങള്‍ എന്നുള്ളതാണ് വിശാലമായ പ്രശ്‌നമെന്നും യുക്രെയ്ന്‍ അധിനിവേശത്തെ പരാമര്‍ശിച്ച് അദ്ദേഹം പറഞ്ഞു. ചരിത്രം പിന്നീട് ഇതിനെ വിലയിരുത്തുമെന്നാണ് താന്‍ കരുതുന്നതെന്നും മാലിക്ക് പറഞ്ഞു. 

സ്ഥിതിഗതികളെ പ്രഹസനം എ്ന്നാണ് ധനമന്ത്രി ആന്റണ്‍ സിലുവാനോവ് തള്ളിക്കളഞ്ഞത്. കിഴക്കന്‍ യുക്രൈയ്‌നിലെ സംഘര്‍ഷങ്ങള്‍ക്കിടയിലും ഊര്‍ജ്ജ കയറ്റുമതിയില്‍ നിന്ന് സംസ്ഥാന ഖജനാവിലേക്ക് ആഴ്ചയില്‍ കോടിക്കണക്കിന് ഡോളര്‍ ഒഴുകിയെത്തുമ്പോള്‍ രാജ്യത്തിന് പണം നല്കാനുള്ള മാര്‍ഗ്ഗവും ഇച്ഛാശക്തിയും ഉണ്ടെന്ന് അദ്ദേഹം ആവര്‍ത്തിച്ചു. ആര്‍ക്കും അവര്‍ക്കിഷ്ടമുള്ളത് പ്രഖ്യാപിക്കാമെങ്കിലും സംഭവിക്കുന്നത് എ്താണെന്ന് മനസ്സിലാകുന്ന ആര്‍ക്കും ഇത് ഒരു തരത്തിലും സ്ഥിരസ്ഥിതിയല്ലെന്ന് അറിയമാമെന്നും സിലുനോവ് പറഞ്ഞു. 

ഗ്രേസ് പിര്യേഡ് അവസാനിച്ചതാണ് അദ്ദേഹത്തിന്റെ അഭിപ്രായത്തിന് പ്രേരിപ്പിച്ചത്. മെയ് 27ന് ഡോളര്‍- യൂറോ ഡിനോമിനേറ്റഡ് ബോണ്ടുകള്‍ക്കുള്ള കൂപ്പണ്‍ പേയ്‌മെന്റുകള്‍ നിക്ഷേപകര്‍ക്ക് ലഭിക്കാത്തതിനെ തുടര്‍ന്ന് 30 ദിവസത്തെ വിന്‍ഡോ പ്രവര്‍ത്തനക്ഷമമായി. യു എസ് ബോണ്ട് ഹോള്‍ഡര്‍മാരെ അനുവദിച്ചിരുന്ന ഒരു ഇളവ് നീക്കം ചെയ്ത് യു എസ് ട്രഷറി ഉപരോധത്തിന്റെ പഴുതടച്ചതോടെ പണം കുടുങ്ങി. റഷ്യയില്‍ നിന്നും പേയ്‌മെന്റുകള്‍ സ്വീകരിക്കുക, ഒരാഴ്ചയ്ക്ക് ശേഷം റഷ്യയുടെ പണമടക്കല്‍ ഏജന്റ്, നാഷണല്‍ സെറ്റില്‍മെന്റ് ഡിപ്പോസിറ്ററി, യൂറോപ്യന്‍ യൂണിയന്‍ ഉപരോധത്തിലാക്കി. 

പകരം റൂബിളിലെ ഉചിതമായ തുക പ്രാദേശിക പേയ്‌മെന്റ് ഏജന്റിന് കൈമാറഇയാല്‍ വിദേശ കറന്‍സി ബോണ്ടുകളുടെ റഷ്യയുടെ ബാധ്യതകള്‍ നിറവേറ്റപ്പെടുന്നതായി വ്‌ളാഡിമിര്‍ പുടിന്‍ പുതിയ നിയന്ത്രണങ്ങള്‍ അവതരിപ്പിച്ചു. ധനമന്ത്രലായം വ്യാഴം, വെള്ളി ദിവസങ്ങളില്‍ പ്രസ്തുത നിയമങ്ങള്‍ക്ക് അനുസരിച്ച് ഏകദേശം 400 മില്യന്‍ ഡോളറിന് തുല്യമായ ഏറ്റവും പുതിയ പലിശ പേയ്‌മെന്റുകള്‍ നടത്തി. എന്നാല്‍ അണ്ടര്‍ലയിംഗ് ബോണ്ടുകള്‍ക്കൊന്നും പ്രാദേശികമായി സെറ്റില്‍മെന്റ് അനുവദിക്കുന്ന കറന്‍സി നിബന്ധനകളില്ല. 

ആത്യന്തികമായി നയതന്ത്ര സ്വത്തുക്കള്‍ അവകാശപ്പെടുന്ന ഘട്ടത്തിലേക്ക് എത്തുകയാണെങ്കില്‍ നയതന്ത്ര ബന്ധം വിച്ഛേദിക്കുന്നതിനും നേരിട്ടുള്ള സംഘട്ടനത്തിലേക്ക് കടക്കുന്നതിനും തുല്യമാണെന്ന് സിലുവാനോവ് പറഞ്ഞു. അങ്ങനെയൊരു അവസ്ഥയുണ്ടായാല്‍ തികച്ചും വ്യത്യസ്തമാണ് ലോകത്താണ് അത് തങ്ങളെ എത്തിക്കുകയെന്നും അതുകൊണ്ടുതന്നെ ഈ കേസില്‍ വ്യത്യസ്തമായി പ്രതികരിക്കേണ്ടതുണ്ടെന്നും അദ്ദേഹം പറഞ്ഞു.

Other News