കൊച്ചി: അമിത്ത് ചക്കാലക്കല്, വിനയ് ഫോര്ട്ട്, മോക്ഷ (കള്ളനും ഭഗവതിയും ഫെയിം), പുതുമുഖങ്ങളായ ആരതി നായര്, എനാക്ഷി എന്നിവരെ മുഖ്യ കഥാപാത്രങ്ങളാക്കി ഈസ്റ്റ് കോസ്റ്റ് വിജയന് സംവിധാനം ചെയ്യുന്ന 'ചിത്തിനി' സിനിമയുടെ സെക്കന്റ് ലുക്ക് പോസ്റ്റര് പുറത്തിറങ്ങി. പുതുമയും ആകാംക്ഷയും നിറഞ്ഞതാണ് പോസ്റ്റര്.
ബിഗ് ബജറ്റില് ഹൊറര്, ഫാമിലി, ഇമോഷണല്, ത്രില്ലര് വിഭാഗത്തിലൊരുങ്ങുന്ന ചിത്രം ഈസ്റ്റ് കോസ്റ്റ് കമ്മ്യൂണിക്കേഷന്സാണ് നിര്മ്മിക്കുന്നത്. ചിത്രത്തിന്റെ പോസ്റ്റ് പ്രോഡക്ഷന് ജോലികള് പുരോഗമിച്ചുകൊണ്ടിരിക്കുന്നു. ഈസ്റ്റ് കോസ്റ്റ് നിര്മ്മിക്കുന്ന ഏഴാമത്തെ ചിത്രമാണ് 'ചിത്തിനി'.
മലമ്പുഴ, കവ, ധോണി ഫോറസ്റ്റ്, പുതുശ്ശേരി, ചിങ്ങഞ്ചിറ, കൊടുമ്പ്, വാളയാര്, ചിറ്റൂര്, തത്തമംഗലം, കൊല്ലങ്കോട്, കലാമണ്ഡലം തുടങ്ങി പാലക്കാടും പരിസര പ്രദേശങ്ങളിലുമായി നിരവധി ലൊക്കേഷനുകളില് 52 ദിവസം കൊണ്ടാണ് ചിത്രീകരണം പൂര്ത്തിയാക്കിയത്.
'കള്ളനും ഭഗവതിയും' എന്ന ചിത്രത്തിനു ശേഷം കെ വി അനിലിന്റെ കഥയ്ക്ക് ഈസ്റ്റ് കോസ്റ്റ് വിജയനും കെ വി അനിലും ചേര്ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്.
ഈസ്റ്റ് കോസ്റ്റ് വിജയന്, സന്തോഷ് വര്മ്മ, സുരേഷ് എന്നിവരുടെ വരികള്ക്ക് യുവ സംഗീത സംവിധായകരില് ശ്രദ്ധേയനായ രഞ്ജിന് രാജാണ് സംഗീത സംവിധാനം നിര്വ്വഹിക്കുന്നത്. നാല് ഗാനങ്ങളാണ് ചിത്രത്തിലുള്ളത്. സത്യപ്രകാശ്, ഹരി ശങ്കര്, കപില് കപിലന്, സന മൊയ്തുട്ടി എന്നിവരാണ് ഗാനങ്ങള് ആലപിച്ചിരിക്കുന്നത്. ചിത്രത്തിലെ ഒരു ഫോക്ക് സോംഗിനായി വയനാട്ടിലെ നാടന് പാട്ട് കലാകാരന്മാരും ഭാഗമായിട്ടുണ്ട്.
ജോണി ആന്റണി, ജോയ് മാത്യൂ, സുധീഷ്, ശ്രീകാന്ത് മുരളി, ജയകൃഷ്ണന്, മണികണ്ഠന് ആചാരി, സുജിത്ത് ശങ്കര്, പ്രമോദ് വെളിയനാട്, രാജേഷ് ശര്മ്മ, ഉണ്ണിരാജ, അനൂപ് ശിവസേവന്, കൂട്ടിക്കല് ജയചന്ദ്രന്, ജിബിന് ഗോപിനാഥ്, ജിതിന് ബാബു, ശിവ ദാമോദര്, വികാസ്, പൗളി വത്സന്, അമ്പിളി അംബാലി എന്നിവരാണ് മറ്റു പ്രധാന താരങ്ങള്.
രതീഷ് റാം ആണ് ക്യാമറാമാന്. ജോണ്കുട്ടി എഡിറ്റിങ്ങും രഞ്ജിത്ത് അമ്പാടി മേക്കപ്പും ധന്യ ബാലകൃഷ്ണന് വസ്ത്രാലങ്കാരവും നിര്വ്വഹിക്കുന്നു. പി ആര് ഓ: എം കെ ഷെജിന്.