ട്വിറ്ററില്‍ നിന്ന് പിരിച്ചുവിടപ്പെട്ട ഉദ്യോഗസ്ഥര്‍ക്ക് അര്‍ഹമായ നഷ്ടപരിഹാരം ലഭിക്കുന്നതിന് ട്വിറ്റര്‍ ഉടമ എലോണ്‍ മസ്‌കിനെതിരെ കേസുമായി പോകാന്‍ യുഎസ് കോടതി അനുമതി നല്‍കി.
മുന്‍ സിഇഒ പരാഗ് അഗര്‍വാള്‍ ഉള്‍പ്പെടെയുള്ള മുന്‍ ട്വിറ്റര്‍ എക്സിക്യൂട്ടീവുകളുടെ പിരിച്ചുവിടല്‍ വേതനം ലഭിക്കുന്നതിനായി എലോണ്‍ മസ്‌കിനെതിരെ നിയമനടപടികള്‍ തുടരാന്‍ യുഎസിലെ കാലിഫോര്‍ണിയ ജില്ലാ കോടതി ജഡ്ജിയാണ് അനുവദിച്ചതെന്ന് ബ്ലൂംബെര്‍ഗ് റിപ്പോര്‍ട്ട് ചെയ്തു.
നവംബര്‍ 1 ന് (യുഎസ് സമയം) വൈകി പുറപ്പെടുവിച്ച ഒരു വിധിയില്‍, പിരിച്ചുവിട്ട ട്വിറ്റര്‍ എക്‌സിക്യൂട്ടീവുകള്‍ക്ക് കോടീശ്വരന്‍ ഏറ്റെടുക്കുന്ന സമയത്തും അവര്‍ രാജിവയ്ക്കുന്നതിന് മുമ്പും അവരുടെ ജോലി അവസാനിപ്പിച്ചതിന് ശതകോടീശ്വരനെതിരെ നിയമ നടപടി തുടരാമെന്ന് ജഡ്ജി വിധിച്ചു. അഗര്‍വാള്‍, മുന്‍ സിഎഫ്ഒ നെഡ് സെഗാള്‍, മുന്‍ നിയമ, നയ മേധാവി വിജയ ഗാഡ്ഡെ, കമ്പനിയുടെ മുന്‍ ജനറല്‍ കൗണ്‍സല്‍ സീന്‍ എഡ്ജെറ്റ് എന്നിവരാണ് കേസ് ഫയല്‍ ചെയ്തത്.
2022-ല്‍ ആണ് മസ്‌ക് ട്വിറ്റര്‍ ഏറ്റെടുത്തത്. ഉടന്‍ തന്നെ സോഷ്യല്‍ മീഡിയ പ്ലാറ്റ്ഫോമിനെ 'എക്‌സ്' എന്ന് പേരുമാറ്റുകയും ചെയ്തു.
ഒരു വര്‍ഷത്തെ ശമ്പളത്തിനും ഏറ്റെടുക്കല്‍ വിലയില്‍ മൂല്യമുള്ള അണ്‍വെസ്റ്റഡ് സ്റ്റോക്ക് അവാര്‍ഡുകള്‍ക്കും തുല്യമായ പിരിച്ചുവിടല്‍ ആനുകൂല്യങ്ങള്‍ മസ്‌ക് തങ്ങള്‍ക്ക് നല്‍കാനുണ്ടെന്നാണ് മുന്‍ എക്‌സിക്യൂട്ടീവുകള്‍ അവകാശപ്പെടുന്നത്.
എക്സിന്റെ പ്രതിനിധികള്‍ ചോദ്യങ്ങളോട് ഉടന്‍ പ്രതികരിച്ചില്ല.
മുന്‍ സിഇഒ പരാഗ് അഗര്‍വാള്‍ ഉള്‍പ്പെടെ പിരിച്ചുവിട്ട ട്വിറ്റര്‍ എക്‌സിക്യൂട്ടീവുകള്‍ക്ക് ഇലോണ്‍ മസ്‌കിനെതിരെ കേസ് തുടരാന്‍ യുഎസ് ജഡ്ജി അനുമതി നല്‍കി
