കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്‌സിനെ ഒന്നിനെതിരേ മൂന്നു ഗോളുകള്‍ക്ക് ബെംഗളൂരു പരാജയപ്പെടുത്തി.
ബെംഗളൂരുവിന്റെ എഡ്ഗാര്‍ മെന്‍ഡസിന്റെ ഇരട്ടഗോളും ഹോര്‍ഹെ പെരേര ഡയസിന്റെ ഒരു ഗോളും ചേര്‍ന്നാണ് ബ്ലാസ്റ്റേഴ്‌സിന് ബെംഗളൂരു വമ്പന്‍ പരാജയം നല്‍കിയത്. ഹെസൂസ് ഹിമെനെ ഇന്‍ജുറി ടൈമില്‍ പെനല്‍റ്റിയില്‍ നേടിയ ഒറ്റ ഗോളാണ് ബ്ലാസ്റ്റേഴ്‌സിന് ആശ്വാസമായത്.
സീസണിലെ ആറു കളികളില്‍ നിന്ന് അഞ്ചാം ജയമാണ് ബംഗളൂരു നേടിയത്. ഒരു സമനിലയടക്കം നിലവില്‍ 16 പോയിന്റ് ബംഗളൂരുവിന് സ്വന്തമാണ്. ആറു കളികള്‍ക്കിടെ രണ്ടു തോല്‍വികള്‍ വഴങ്ങിയ ബ്ലാസ്റ്റേഴ്‌സിന് 8 പോയിന്റാണ് ഉള്ളത്.