ഡെറാഡൂണ്: തെറ്റിദ്ധരിപ്പിക്കുന്ന പരസ്യങ്ങള് നല്കിയതിന് പിന്നാലെ പതഞ്ജലിയുടെ 14 ഉത്പന്നങ്ങളുടെ ലൈസന്സ് ഉത്തരാഖണ്ഡ് റദ്ദാക്കി. തെറ്റിദ്ധരിപ്പിക്കുന്ന പരസ്യ കേസുമായി ബന്ധപ്പെട്ട് പതഞ്ജലിയുടെ ദിവ്യ ഫാര്മസി നിര്മ്മിക്കുന്ന 14 ഉത്പന്നങ്ങളുടെ ലൈസന്സ് സസ്പെന്ഡ് ചെയ്തതായി ലൈസന്സിംഗ് ബോഡി സുപ്രിം കോടതിയില് സമര്പ്പിച്ച സത്യവാങ്മൂലത്തില് പറഞ്ഞു.
ദിവ്യ ഫാര്മസിയുടെ ദൃഷ്ടി ഐ ഡ്രോപ്പ്, സ്വസാരി ഗോള്ഡ്, സ്വസാരി വതി, ബ്രോങ്കോം, സ്വസരി പ്രവാഹി, സ്വസാരി അവലേ, മുക്ത വതി എക്സ്ട്രാ പവര്, ലിപിഡോം, ബിപി ഗ്രിറ്റ്, മധുഗ്രിറ്റ്, മധുനാശിനി വാതി എക്സ്ട്രാ പവര്, ലിവാമൃത് അഡ്വാന്സ്, ലിവോഗ്രിറ്റ്, ഇയെ ഗോള്ഡ് എന്നിവ നിരോധിച്ച ഉത്പന്നങ്ങളില് ഉള്പ്പെടുന്നു.
രാംദേവും ആചാര്യ ബാലകൃഷ്ണയും പ്രസിദ്ധീകരിച്ച മാപ്പപേക്ഷയുമായി ബന്ധപ്പെട്ട വിഷയം സുപ്രിം കോടതി ഏപ്രില് 30ന് പരിഗണിക്കും.