കൊച്ചി: യെമനിലെ ജയിലില് വധശിക്ഷ കാത്ത് കഴിയുന്ന മലയാളി നഴ്സ് നിമിഷപ്രിയയുടെ മോചനത്തിനായി അമ്മ പ്രേമകുമാരി യെമനിലേക്ക് തിരിക്കും. ശനിയാഴ്ചയാണ് കൊച്ചിയില് നിന്ന് ഇവര് യെമനിലേക്ക് വിമാനം കയറുന്നത്. യെമന് പൗരന് തലാല് അബ്ദുമഹ്ദി 2017ല് കൊല്ലപ്പെട്ട കേസിലാണ് നിമിഷപ്രിയക്ക് കോടതി വധശിക്ഷ വിധിച്ചത്. ശിക്ഷയില് ഇളവു നല്കണമെന്നാണ് നിമിഷപ്രിയയുടെ ആവശ്യം.
അപേക്ഷ നേരത്തെ യെമന് കോടതി തള്ളിയിരുന്നു. ഇതിനെതിരെ നല്കിയ അപ്പീല് യെമന് സുപ്രീംകോടതിയും തള്ളി. ശരിയത്ത് നിയമപ്രകാരമുള്ള ദിയാധനം കൊല്ലപ്പെട്ട തലാല് അബ്ദുമഹ്ദിന്റെ കുടുംബം സ്വീകരിച്ചാല് ശിക്ഷയില് ഇളവ് ലഭിക്കാന് സാധ്യതയുണ്ടെന്നാണ് നിമിഷ പ്രിയയുടെ കുടുംബത്തിന്റെ വാദം. ഇതിനായുള്ള ചര്ച്ചക്കാണ് ഇപ്പോള് പ്രേമകുമാരി യെമനിലേക്ക് പോകുന്നത്.