ബ്രസീല്‍: ഈ ആഴ്ച ബ്രസീലിലെ തെക്കേ അറ്റത്തുള്ള സംസ്ഥാനമായ റിയോ ഗ്രാന്‍ഡെ ഡോ സുളില്‍ കനത്ത മഴയില്‍ 60 പേരെങ്കിലും മരണപ്പെട്ടതായി ശനിയാഴ്ച വൈകുന്നേരം പ്രാദേശിക അധികാരികള്‍ അറിയിച്ചു.
ഉറുഗ്വേയുടെയും അര്‍ജന്റീനയുടെയും അതിര്‍ത്തിയിലുള്ള സംസ്ഥാനത്തെ 497 നഗരങ്ങളില്‍ മൂന്നില്‍ രണ്ട് ഭാഗത്തെയും കൊടുങ്കാറ്റ് ബാധിച്ചതിനാല്‍ 74 പേരെ ഇപ്പോഴും കാണാനില്ലെന്നും 69,000-ത്തിലധികം പേര്‍ പലായനം ചെയ്തിട്ടുണ്ടെന്നും റിയോ ഗ്രാന്‍ഡെ ഡോ സുളിന്റെ സിവില്‍ ഡിഫന്‍സ് അതോറിറ്റി അറിയിച്ചു.
കഴിഞ്ഞ ദിവസം മൊത്തം 55-ലധികം മരണങ്ങള്‍ റിപ്പോര്‍ട്ട് ചെയ്തതിന് ശേഷം ഏഴ് മരണങ്ങള്‍ കൂടെ കൊടുങ്കാറ്റുമായി ബന്ധപ്പെട്ടിട്ടുണ്ടോ എന്ന് ഇപ്പോള്‍ അന്വേഷിക്കുകയാണെന്ന് പ്രാദേശിക അതോറിറ്റി അറിയിച്ചു.
സംസ്ഥാനത്തിന്റെ വിവിധ ഭാഗങ്ങളില്‍ വെള്ളപ്പൊക്കത്തില്‍ റോഡുകളും പാലങ്ങളും തകര്‍ന്നു. കൊടുങ്കാറ്റ് മണ്ണിടിച്ചിലിനും ഒരു ചെറിയ ജലവൈദ്യുത നിലയത്തിലെ അണക്കെട്ടിന്റെ ഭാഗിക തകര്‍ച്ചയ്ക്കും കാരണമായി. ബെന്റോ ഗോണ്‍കാല്‍വ്‌സ് നഗരത്തിലെ രണ്ടാമത്തെ അണക്കെട്ടും തകരാന്‍ സാധ്യതയുള്ളതായി അധികൃതര്‍ അറിയിച്ചു.
റിയോ ഗ്രാന്‍ഡെ ഡോ സുളിന്റെ തലസ്ഥാനമായ പോര്‍ട്ടോ അലെഗ്രെയില്‍, ഗൈബ തടാകം കരകവിഞ്ഞൊഴുകിയതെടെ തെരുവുകളില്‍ വെള്ളപ്പൊക്കമുണ്ടായി.
പോര്‍ട്ടോ അലെഗ്രെയുടെ അന്താരാഷ്ട്ര വിമാനത്താവളത്തിലെ എല്ലാ വിമാന സര്‍വീസുകളും അനിശ്ചിതകാലത്തേക്ക് നിര്‍ത്തിവച്ചു.
കൊടുങ്കാറ്റുകളില്‍ നിന്നും അതിന്റെ അനന്തരഫലങ്ങളില്‍ നിന്നും കരകയറാന്‍ റിയോ ഗ്രാന്‍ഡെ ഡോ സുളിന് ഒരു 'മാര്‍ഷല്‍ പ്ലാന്‍' ആവശ്യമാണെന്ന് സ്റ്റേറ്റ് ഗവര്‍ണര്‍ എഡ്വാര്‍ഡോ ലെയ്റ്റ് ശനിയാഴ്ച വൈകുന്നേരം മാധ്യമപ്രവര്‍ത്തകരോട് പറഞ്ഞുയ. രണ്ടാം ലോക മഹായുദ്ധത്തിനുശേഷം യൂറോപ്പിന്റെ സാമ്പത്തിക വീണ്ടെടുക്കലിനുള്ള പദ്ധതിയെ പരാമര്‍ശിച്ചു.
വ്യാഴാഴ്ച റിയോ ഗ്രാന്‍ഡെ ഡോ സുള്‍ സന്ദര്‍ശിച്ച ബ്രസീല്‍ പ്രസിഡന്റ് ലൂയിസ് ഇനാസിയോ ലുല ഡ സില്‍വ രക്ഷാപ്രവര്‍ത്തനങ്ങള്‍ക്കായി ഞായറാഴ്ച സംസ്ഥാനത്തേക്ക് മടങ്ങുമെന്ന് അദ്ദേഹത്തിന്റെ കമ്മ്യൂണിക്കേഷന്‍ മേധാവി പൗലോ പിമെന്റ ശനിയാഴ്ച പറഞ്ഞു.
പ്രദേശത്തിന് ആവശ്യമുള്ളതെന്തും പിന്തുണയ്ക്കുന്നതിന് തന്റെ സര്‍ക്കാര്‍ സംസ്ഥാന, നഗര അധികാരികളുമായി നിരന്തരം ബന്ധപ്പെടുന്നുണ്ടെന്ന് ലുല എക്സില്‍ പറഞ്ഞു.
സംസ്ഥാനത്തിന്റെ വടക്കന്‍, വടക്കുകിഴക്കന്‍ മേഖലകളില്‍ ഞായറാഴ്ച വരെ മഴ പ്രതീക്ഷിക്കാം. എന്നാല്‍ മഴയുടെ അളവ് കുറഞ്ഞുവരികയാണ്. ഇത് ആഴ്ചയില്‍ ആദ്യം ഉണ്ടായതില്‍ താഴെയായിരിക്കുമെന്ന് സംസ്ഥാന കാലാവസ്ഥാ അതോറിറ്റി അറിയിച്ചു.
ഉഷ്ണമേഖലാ, ധ്രുവാന്തരീക്ഷങ്ങള്‍ക്കിടയിലുള്ള ഭൂമിശാസ്ത്രപരമായ കൂടിച്ചേരല്‍ പോയിന്റിലാണ് റിയോ ഗ്രാന്‍ഡെ ഡോ സുള്‍ സ്ഥിതി ചെയ്യുന്നത്.
കാലാവസ്ഥാ വ്യതിയാനം മൂലം ഈ പാറ്റേണ്‍ തീവ്രമാകുകയാണെന്ന് പ്രാദേശിക ശാസ്ത്രജ്ഞര്‍ വിശ്വസിക്കുന്നു.
ബ്രസീലില്‍ കനത്ത മഴ പ്രളയം: 60 പേര്‍ മരിച്ചു; 69,000 പേര്‍ പലായനം ചെയ്തു
