കെ ജി പരമേശ്വരൻ നായർ
തിരുവനന്തപുരം: പ്രമുഖ മാധ്യമപ്രവർത്തകൻ കെ ജി പരമേശ്വരൻ നായർ (94) അന്തരിച്ചു. 35 വർഷം കേരള കൗമുദിയിൽ പത്രപ്രവർത്തകനായിരുന്നു. തിരുവനന്തപുരം പ്രസ് ക്ലബ് പ്രസിഡൻ്റായി സേവനമനുഷ്ഠിച്ചു. \'കേരള നിയമസഭ ചരിത്രവും ധർമവും\' ഉൾപ്പെടെ ഒട്ടേറെ പുസ്തകങ്ങൾ രചിച്ചിട്ടുണ്ട്.
സംസ്ഥാന സർക്കാരിൻ്റെ 2021ലെ സ്വദേശാഭിമാനി- കേസരി പുരസ്കാരം, പട്ടം താണുപിള്ള അവാർഡ്, കെ സി സെബാസ്റ്റ്യൻ അവാർഡ് തുടങ്ങിയ പുരസ്കാരങ്ങൾ ലഭിച്ചിട്ടുണ്ട്. ദീർഘകാലം നിയമസഭാ ലേഖകനായിരുന്നതിന് സഭയുടെ ആദരവും ലഭിച്ചു.
