മുംബൈ: ഏഷ്യ കപ്പ് ജേതാക്കളായ ഇന്ത്യന്‍ ടീമിന്റെ ട്രോഫി തിരിച്ചു നല്‍കണമെന്നാവശ്യപ്പെട്ട് ഏഷ്യന്‍ ക്രിക്കറ്റ് ബോര്‍ഡ് അധ്യക്ഷനും പാക് ക്രിക്കറ്റ് ബോര്‍ഡ് ചെയര്‍മാനുമായ മൊഹ്‌സിന്‍ നഖ്വിക്ക് ബി സി സി ഐ ഇമെയില്‍ അയച്ചു. ഇമെയിലില്‍ മൊഹ്‌സിന്‍ നഖ്വി മറുപടി നല്‍കിയില്ലെങ്കില്‍ ഐ സി സിയെ സമീപിക്കുമെന്ന് ബി സി സി ഐ സെക്രട്ടറി ദേവ്ജിത് സൈക്കിയ വ്യക്തമാക്കി.
ഏഷ്യ കപ്പ് ട്രോഫി കൈമാറാത്ത സംഭവത്തില്‍ പടിപടിയായുള്ള നടപടികളാണ് ബി സി സി ഐ സ്വീകരിക്കുന്നതെന്നും സൈക്കിയ പറഞ്ഞു. ഏഷ്യ കപ്പ് ഫൈനലിനു പിന്നാലെ നഖ്വിയില്‍ നിന്നും ട്രോഫി വാങ്ങാന്‍ സൂര്യകുമാര്‍ യാദവിന്റെ നേതൃത്വത്തിലുള്ള ഇന്ത്യന്‍ ടീം വിസമ്മതിച്ചതിരുന്നു.
ഇതിനു പിന്നാലെ നഖ്വി ട്രോഫിയുമായി കളം വിട്ടത്തോടെയാണ് വിവാദങ്ങള്‍ക്ക് തുടക്കമായത്. നഖ്വി സ്റ്റേഡിയം വിട്ടുപോയപ്പോള്‍ ഏഷ്യ കപ്പ് ട്രോഫിയും മെഡലുകളും അദ്ദേഹത്തിന്റെ കൂടെയുള്ളവര്‍ കൊണ്ടുപോവുകയായിരുന്നു.