കോഴിക്കോട് നിന്ന് ബംഗളൂരുവിലേക്ക് യാത്ര ചെയ്തിരുന്ന സ്വകാര്യ സ്ലീപ്പർ ബസ് അപകടത്തിൽപ്പെട്ട് നാല് മലയാളികൾ മരിച്ചു. മൈസൂരു-ബംഗളൂരു പാതയിലെ ചന്നപട്ടണയ്ക്കു സമീപം പുലർച്ചെ മൂന്ന് മണിയോടെയായിരുന്നു സംഭവം.
കൊയിലാണ്ടി സ്വദേശികളായ മുഹമ്മദ് ഫർഹാൻ (22), റഫീസ് (45), റഷീദ് (45) എന്നിവരും മാഹി സ്വദേശിയായ സാക്കിർ (27) ഉം ആണ് മരണപ്പെട്ടത്.
ഡ്രൈവർ ഉറങ്ങിപ്പോയതിനെ തുടർന്ന് ബസ് നിയന്ത്രണം വിട്ട് റോഡിന്റെ നടുവിലുള്ള ഡിവൈഡറിൽ ഇടിക്കുകയായിരുന്നു. കോഴിക്കോട് നിന്ന് പുറപ്പെട്ട പി.കെ. ട്രാവൽസിന്റെ ബസാണ് അപകടത്തിൽപ്പെട്ടത്. ഇടിയുടെ ശക്തിയിൽ ബസിന്റെ മുൻവശം പൂർണമായും തകർന്നു.
പെരുന്നാൾ ആഘോഷങ്ങൾ കഴിഞ്ഞ് ബംഗളൂരുവിലെ ജോലി സ്ഥലങ്ങളിലേക്കും കോളജുകളിലേക്കും മടങ്ങുകയായിരുന്നവരാണ് ബസിലുണ്ടായിരുന്നത്. മറ്റ് യാത്രക്കാർക്ക് ചെറിയ പരിക്കുകൾ മാത്രമാണ് ഉണ്ടായത്. പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു.
സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.
മൈസൂരുവിന് സമീപം ബസ് അപകടം: നാല് മലയാളികൾ മരിച്ചു
