ന്യൂഡല്ഹി: തെരുവുനായ വിഷയത്തില് കോടതി വിധിയെ വിമര്ശിച്ച മുന് കേന്ദ്രമന്ത്രിയും ബി ജെ പി നേതാവുമായ മനേക ഗാന്ധിയുടെ നടപടിയില് അതൃപ്തി പ്രകടിപ്പിച്ച് സുപ്രിംകോടതി. യാതൊരു ചിന്തയുമില്ലാതെയാണ് മനേക ഗാന്ധി അഭിപ്രായപ്രകടനം നടത്തിയതെന്ന് ജസ്റ്റിസുമാരായ വിക്രംനാഥ്, സന്ദീപ് മേത്ത, എന് വി അന്ജാരിയ എന്നിവരടങ്ങിയ ബെഞ്ച് പറഞ്ഞു. ഇപ്പോള് കോടതിയലക്ഷ്യ നടപടിയിലേക്ക് കടക്കുന്നില്ലെന്നും ബെഞ്ച് പറഞ്ഞു.
തെരുവുനായ വിഷയത്തില് സ്വമേധയാ എടുത്ത കേസില് വാദം കേള്ക്കുകയായിരുന്നു സുപ്രിം കോടതി. മനേക ഗാന്ധി കേന്ദ്രമന്ത്രിയായിരുന്ന കാലത്ത് തെരുവുനായ പ്രശ്നം പരിഹരിക്കാന് കക്ഷി ബജറ്റില് എന്ത് വിഹിതം വകയിരുത്തിയെന്ന് ജസ്റ്റിസ് സന്ദീപ് മേത്ത മനേക ഗാന്ധിയുടെ അഭിഭാഷകനോട് ചോദിച്ചു. വിവിധ മൃഗസ്നേഹിക്കളുടെയും നായയുടെ ആക്രമണത്തില് പരുക്കേറ്റവരുടെയും വാദം കേള്ക്കുകയായിരുന്നു കോടതി. കേസ് ജനുവരി 28ന് വീണ്ടും പരിഗണിക്കും.