ബെയ്റൂത്ത്: യു എസ് യാത്രയ്ക്ക് കേന്ദ്ര സര്‍ക്കാര്‍ അനുമതി നിഷേധിച്ചത് അസാധാരണ നടപടിയെന്ന് വ്യവസായ മന്ത്രി പി രാജീവ്. ലബനനില്‍ യാക്കോബായ സഭ അധ്യക്ഷന്റെ സ്ഥാനാരോഹണ ചടങ്ങില്‍ പങ്കെടുത്തശേഷം യു എസിലേക്കു പോകാനായിരുന്നു പദ്ധതി.
അനുമതി നിഷേധിച്ചത് എന്തിനെന്ന് അറിയില്ലെന്നും സ്വാഭാവികമായി ലഭിക്കേണ്ടതായിരുന്നെന്നും മന്ത്രി പറഞ്ഞു. പബ്ലിക് അഡ്മിനിസ്‌ട്രേഷന്‍ അംഗീകാരം രാജ്യത്തിനു കിട്ടുന്നത് ചരിത്രത്തിലാദ്യമാണ്. കേരളത്തിന്റെ നേട്ടം ലോകത്തെ അറിയിക്കാനായില്ല. പ്രബന്ധം ഓണ്‍ലൈനായി അവതരിപ്പിക്കാം.
അംഗീകാരം കേന്ദ്ര പ്രതിനിധികള്‍ വാങ്ങട്ടെയെന്നും അദ്ദേഹം പറഞ്ഞു. 28 മുതല്‍ ഏപ്രില്‍ ഒന്നുവരെ വാഷിങ്ടണ്‍ ഡിസിയില്‍ നടക്കുന്ന അമേരിക്കന്‍ സൊസൈറ്റി ഓഫ് പബ്ലിക് അഡ്മിനിസ്‌ട്രേഷന്റെ സമ്മേളനത്തിനാണ് മന്ത്രി പോകാനിരുന്നത്. മന്ത്രിതലത്തില്‍ പങ്കെടുക്കേണ്ട പരിപാടിയല്ലെന്നു ചൂണ്ടിക്കാട്ടിയാണ് കേന്ദ്രസര്‍ക്കാര്‍ അനുമതി നിഷേധിച്ചത്.