മലിനീകരണം കുറഞ്ഞ വേനല്‍ക്കാല മിശ്രിതങ്ങളിലേക്ക് പെട്രോള്‍ മാറുമെന്നതിനാല്‍ സാധാരണ വര്‍ഷത്തിന്റെ ആദ്യ പകുതിയില്‍ പമ്പില്‍ വില ഉയരുന്നത് സ്വാഭാവികമാണ്. എന്നാല്‍ 2024ല്‍ ചെലവുകള്‍ സാധാരണയേക്കാള്‍ വേഗത്തില്‍ വര്‍ധിച്ചത്. വിദേശത്തെ ഭൗമരാഷ്ട്രീയം മുതല്‍ കാലാവസ്ഥാ വ്യതിയാനം വരെ ഇതിന് കാരണമായി ചൂണ്ടിക്കാണിക്കപ്പെടുന്നു.
അമേരിക്കന്‍ ഓട്ടോമൊബൈല്‍ അസോസിയേഷന്‍ പറയുന്നതനുസരിച്ച് ഒരു വര്‍ഷം മുമ്പുള്ളതിനേക്കാള്‍ 3 ശതമാനം വര്‍ധനയും 2024-ന്റെ തുടക്കത്തേക്കാള്‍ 14 ശതമാനം കൂടുതലുമാണ് അുഭവപ്പെടുന്നത്. കഴിഞ്ഞ ബുധനാഴ്ച ഒരു ഗ്യാലന് അണ്‍ലെഡഡ് ഗ്യാസോലിന് യു എസിലുടനീളം ശരാശരി 3.54 ഡോളറായിരുന്നു വില.
സാള്‍ട്ട് ലേക്ക് സിറ്റി ഏരിയയില്‍ കഴിഞ്ഞ ഒരു മാസത്തിനിടെ പെട്രോള്‍ പമ്പുകള്‍ ഏകദേശം 61 സെന്റാണ് വില വര്‍ധിപ്പിച്ചത്. ഗ്യാലന് 3.77 ഡോളറായി. മെട്രോപൊളിറ്റന്‍ സെന്റ് ലൂയിസില്‍ അതേ കാലയളവില്‍ ഏകദേശം 51 സെന്റ് വില വര്‍ധിച്ച് 3.44 ഡോളറും ചിക്കാഗോലാന്‍ഡില്‍ 39 സെന്റ്് ഉയര്‍ന്ന് ഡോളറുമായി.
ആദ്യ പാദത്തില്‍ പണപ്പെരുപ്പം പ്രതീക്ഷിച്ചതിലും വര്‍ധിക്കാനാണ് ഈ ഉയര്‍ച്ച സഹായിച്ചത്. ഒരു വര്‍ഷം മുമ്പുള്ള ഫെബ്രുവരിയിലെ ഉപഭോക്തൃ- വില സൂചികയുടെ വര്‍ധനയുടെ 60 ശതമാനത്തിലധികം ഗ്യാസോലിനും ഷെല്‍ട്ടറുമാണ് സംഭാവന ചെയ്തത്. ലേബര്‍ ഡിപ്പാര്‍ട്ട്മെന്റ് പറയുന്നതനുസരിച്ച് സെപ്റ്റംബറിന് ശേഷമുള്ള ആദ്യ മാസമാണ് പമ്പിലെ ചെലവ് ഉയര്‍ന്നത്.
ഫെഡറല്‍ റിസര്‍വിന്റെ പണപ്പെരുപ്പ ഗേജില്‍ അസ്ഥിരമായ ഭക്ഷണ, ഊര്‍ജ്ജ ചെലവുകള്‍ ഉള്‍പ്പെടുന്നില്ല.
പെട്രോള്‍ വില വര്‍ധിക്കുമ്പോള്‍ എല്ലാവര്‍ക്കും അത് അനുഭവപ്പെടുമെന്നതാണ് വസ്തുത. ന്യൂയോര്‍ക്ക് ഹാര്‍ബറിലേക്കുള്ള ഗ്യാസോലിന് കയറ്റുമതി ചെലവ് വര്‍ഷത്തിന്റെ തുടക്കത്തില്‍ നിന്നും 31 ശതമാനം ഉയര്‍ന്നു. കഴിഞ്ഞ പാദത്തില്‍ ഇതേ കാലയളവിലെ ശരാശരി 20 ശതമാനം വര്‍ധനയേക്കാള്‍ വേഗത്തിലാണ് ഇത്.
ഇപ്പോഴും പെട്രോള്‍ വിലയില്‍ അപകട സാധ്യത കാണുന്നുണ്ടെന്നാണ് ബാങ്ക് ഓഫ് അമേരിക്ക അടുത്തിടെ ഒരു കുറിപ്പില്‍ പറഞ്ഞത്. ഈ വര്‍ഷം, സൗദിയുടെയും റഷ്യയുടെയും നേതൃത്വത്തിലുള്ള ഒപെക് പ്ലസ് കാര്‍ട്ടലിലെ അംഗങ്ങള്‍ ഉത്പാദനം വെട്ടിക്കുറച്ചത് യു എസ് ക്രൂഡിന്റെ വില ബാരലിന് 16 ശതമാനം വര്‍ധിച്ച് 83.17 ഡോളറായി ഉയര്‍ത്തി.
എനര്‍ജി ഇന്‍ഫര്‍മേഷന്‍ അഡ്മിനിസ്‌ട്രേഷന്റെ കണക്കനുസരിച്ച് ഫെബ്രുവരിയില്‍ രണ്ടാഴ്ചത്തേക്ക് യു എസ് റിഫൈനറി ഉപയോഗം 81 ശതമാനത്തില്‍ താഴെയായി കുറഞ്ഞു. ഇത് കോവിഡ് വ്യാപനത്തിന് ശേഷമുള്ള ഏറ്റവും കുറഞ്ഞ നിരക്കാണിത്.
റഷ്യയില്‍ യുക്രെയ്‌നിയന്‍ ഡ്രോണ്‍ ആക്രമണ പ്രചാരണം പ്രധാന റിഫൈനറികളെ ബാധിച്ചു. എങ്കിലും മെയ് മുതല്‍ മൊത്ത വ്യാപാര ഗ്യാസോലിന് വില കുറയ്ക്കാന്‍ രാജ്യത്തുടനീളമുള്ള സംഭരണ ടാങ്കുകളില്‍ കൂടുതല്‍ ഇന്ധനമെത്തുന്നത് സഹായിച്ചേക്കുമെന്നാണ് പ്രതീക്ഷിക്കുന്നത്.