വാഷിംഗ്ടണ്‍: ഗുരുതരമായ കുറ്റകൃത്യങ്ങള്‍ ചെയ്ത കുടിയേറ്റക്കാരെ യു എസില്‍ വെറുതെ വിടാന്‍ ബൈഡന്‍ ഭരണകൂടം അനുവദിക്കുകയാണെന്ന വാദത്തെ ശക്തിപ്പെടുത്താന്‍ റിപ്പബ്ലിക്കന്‍മാര്‍ പുതുതായി പുറത്തിറക്കിയ ഇമിഗ്രേഷന്‍ എന്‍ഫോഴ്സ്മെന്റ് ഡേറ്റ ചൂണ്ടിക്കാണിക്കുന്നു. എന്നാല്‍ അക്കങ്ങള്‍ പലതും തെറ്റായി വ്യാഖ്യാനിക്കപ്പെട്ടു.
കുറ്റകൃത്യങ്ങളില്‍ ശിക്ഷിക്കപ്പെട്ടവരോ ക്രിമിനല്‍ കുറ്റങ്ങള്‍ നേരിടുന്നവരോ ആയ ആളുകളെക്കുറിച്ചുള്ള വിവരങ്ങള്‍ക്കായി നല്‍കിയ അഭ്യര്‍Lനയ്ക്ക് മറുപടിയായി ഇമിഗ്രേഷന്‍ ആന്‍ഡ് കസ്റ്റംസ് എന്‍ഫോഴ്സ്മെന്റ് റിപ്പബ്ലിക്കന്‍ പ്രതിനിധി ടോണി ഗോണ്‍സാലെസിന് ഡേറ്റ പുറത്തുവിട്ടു. ഗോണ്‍സാലെസിന്റെ ടെക്‌സസ് ജില്ലയില്‍ മെക്‌സിക്കോ അതിര്‍ത്തിയോട് ചേര്‍ന്ന് 800 മൈല്‍ ദൂരമുണ്ട്.
ഗോണ്‍സാലെസ് കണക്കുകള്‍ ഓണ്‍ലൈനില്‍ പോസ്റ്റുചെയ്തതോടെ പ്രസിഡന്റ് തെരഞ്ഞെടുപ്പ് പ്രചരണത്തില്‍ ശക്തമായ പോയിന്റായി മാറി. കുടിയേറ്റവും അതിര്‍ത്തി സുരക്ഷയെക്കുറിച്ചുള്ള ബൈഡന്‍ ഭരണകൂടത്തിന്റെ കണക്കുകളും തെരഞ്ഞെടുപ്പിലെ പ്രധാന വിഷയമായി മാറി.
ജൂലൈ 21 വരെ ഇമിഗ്രേഷന്‍ ആന്റ് കസ്റ്റംസ് എന്‍ഫോഴ്‌സ്‌മെന്റിന്റെ മേല്‍നോട്ടത്തിലുള്ള 662,556 പേര്‍ ഒന്നുകില്‍ കുറ്റകൃത്യങ്ങള്‍ക്ക് ശിക്ഷിക്കപ്പെട്ടവരോ അല്ലെങ്കില്‍ ക്രിമിനല്‍ കുറ്റം ചുമത്തപ്പെട്ടവരോ ആണെന്ന് വ്യക്തമാക്കുന്നു. എന്നാല്‍ ഏകദേശം 15,000 പേര്‍ കസ്റ്റഡിയിലുണ്ടെങ്കിലും ബഹുഭൂരിപക്ഷവും അങ്ങനെയല്ല.
കസ്റ്റഡിയിലെടുത്തിട്ടില്ലാത്ത ആളുകളുടെ കണക്കുകളില്‍ വളരെ ഗുരുതരമായ കുറ്റകൃത്യങ്ങളില്‍ കുറ്റക്കാരാണെന്ന് കണ്ടെത്തി. നരഹത്യയ്ക്ക് 13,099, ലൈംഗികാതിക്രമത്തിന് 15,811, ആയുധ കുറ്റകൃത്യങ്ങള്‍ക്ക് 13,423, മോഷ്ടിച്ച വാഹനങ്ങള്‍ക്ക് 2,663, ട്രാഫിക് സംബന്ധമായ നിയമലംഘനങ്ങള്‍ 77,074ഉം ആക്രമണം 62,231ഉം അപകടകരമായ മയക്കുമരുന്ന് 56,533ഉം ആയിരുന്നു.
ഹോംലാന്‍ഡ് സെക്യൂരിറ്റി ഡിപ്പാര്‍ട്ട്മെന്റ് പിന്നീട് ട്രംപ് ഭരണകൂടവും മറ്റ് പ്രസിഡന്‍സികളും ഉള്‍പ്പെടെയുള്ളതാണ് ഈ സംഖ്യകളെന്നും കസ്റ്റഡിയിലില്ലാത്തവരെ സംസ്ഥാനമോ പ്രാദേശിക ഏജന്‍സിയോ തടഞ്ഞുവയ്ക്കാമെന്നും വ്യക്തമാക്കി.
തടങ്കലില്ലാത്ത ആളെന്നതിനര്‍ഥം ഐ സി ഇ കസ്റ്റഡിയില്‍ തടങ്കലില്‍ വെച്ചിട്ടില്ലെന്നാണെന്നും എന്നാല്‍ അയാള്‍ സ്റ്റേറ്റ് ജയിലില്‍ ആയിരിക്കാമെന്നുമാണെന്ന് ഹോംലാന്‍ഡ് സെക്യൂരിറ്റി സെക്രട്ടറി അലജാന്‍ഡ്രോ മയോര്‍കാസ് പറഞ്ഞു.
പലരും ഇമിഗ്രേഷന്‍ കോടതിയില്‍ അവരുടെ കേസുകളുടെ ഫലങ്ങള്‍ക്കായി കാത്തിരിക്കുകയാണ്. മറ്റുള്ളവരെ അവരുടെ രാജ്യങ്ങള്‍ തിരിച്ചെടുക്കാത്തതിനാല്‍ ജയില്‍ ശിക്ഷ പൂര്‍ത്തിയാക്കി വിട്ടയച്ചു.
ക്രിമിനല്‍ രേഖകളുള്ള കുടിയേറ്റക്കാരെ ബൈഡന്‍ ഭരണകൂടം രാജ്യത്തേക്ക് അനുവദിക്കുന്നുവെന്നും അവര്‍ ഇവിടെയായിരിക്കുമ്പോള്‍ കുറ്റകൃത്യങ്ങള്‍ ചെയ്യുന്നവരെ പുറത്താക്കാന്‍ വേണ്ടത്ര ശ്രമിക്കുന്നില്ലെന്നും റിപ്പബ്ലിക്കന്‍മാര്‍ ഡേറ്റ ചൂണ്ടിക്കാട്ടി പറയുന്നു.
അമേരിക്കയിലേക്ക് നിയമലംഘനവും കുറ്റകൃത്യവും കൊണ്ടുവരുന്നുവെന്ന് കുടിയേറ്റക്കാരെ ആവര്‍ത്തിച്ച് ചിത്രീകരിച്ച ട്രംപ് '13,000 പേര്‍ കൊലപാതകക്കുറ്റങ്ങളുമായി അതിര്‍ത്തി കടന്ന്' എന്ന വാക്കുകള്‍ ഉപയോഗിച്ച് ഡേറ്റയുടെ ഒന്നിലധികം സ്‌ക്രീന്‍ഷോട്ടുകള്‍ ട്വീറ്റ് ചെയ്തു.
ഡേറ്റ തെറ്റായി വ്യാഖ്യാനിക്കുകയായിരുന്നുവെന്ന് ഹോംലാന്‍ഡ് സെക്യൂരിറ്റി പ്രസ്താവനയില്‍ പറഞ്ഞു.
ഡേറ്റ പതിറ്റാണ്ടുകള്‍ മുതലുള്ള കണക്കാണെന്നും കഴിഞ്ഞ 40 വര്‍ഷമോ അതില്‍ കൂടുതലോ രാജ്യത്ത് പ്രവേശിച്ച വ്യക്തികളും ഇതില്‍ ഉള്‍പ്പെടുന്നുണ്ടെന്നും അവരില്‍ ഭൂരിഭാഗവും ഈ ഭരണത്തിന് വളരെ മുമ്പുതന്നെ കസ്റ്റഡി നിര്‍ണയം നടത്തിയിരുന്നുവെന്നും ഏജന്‍സി പറഞ്ഞു.
അമേരിക്കയില്‍ തുടരാന്‍ അവകാശമില്ലാത്തവരെ നാടുകടത്താന്‍ എന്താണ് ചെയ്തതെന്നും ഡിപ്പാര്‍ട്ട്മെന്റ് ഊന്നിപ്പറഞ്ഞു. കഴിഞ്ഞ വര്‍ഷം 700,000-ത്തിലധികം ആളുകളെ നീക്കം ചെയ്യുകയോ തിരികെ അയക്കുകയോ ചെയ്തു. ഇത് 2010ന് ശേഷമുള്ള ഏറ്റവും ഉയര്‍ന്ന സംഖ്യയാണെന്ന് ഹോംലാന്‍ഡ് സെക്യൂരിറ്റി പറഞ്ഞു. പ്രസിഡന്റ് ജോ ബൈഡന്‍ അധികാരമേറ്റതിനുശേഷം 180,000 പേര്‍ ക്രിമിനല്‍ കുറ്റക്കാരാണ്.