ഒന്റാരിയോ: കേരള ഹിന്ദു ഫെഡറേഷന്‍ ഓഫ് കാനഡയുടെ പ്രതിമാസ പ്രഭാഷണ പരിപാടിയില്‍ വത്സന്‍ തില്ലങ്കേരി കുംഭമേളയുടെ പ്രാധാന്യം എന്ന വിഷയത്തെ ആസ്പദമാക്കി സംസാരിയ്ക്കും. ഫെബ്രുവരി എട്ടിന് ശനിയാഴ്ച ടൊറന്റോ സമയം വൈകിട്ട് എട്ടരയ്ക്കാണ് പ്രഭാഷണം.
ലോകത്തിലെ ഏറ്റവും വലിയ സാംസ്‌കാരിക സംഗമമാണ് പ്രയാഗ് രാജില്‍ നടക്കുന്ന കുംഭമേള. ആധ്യാത്മിയവും ഭൗതികവുമായ വിഷയങ്ങളെ ആസ്പദമാക്കി നാല്‍പതോളം പ്രഭാഷണ പരിപാടികള്‍ കഴിഞ്ഞ മൂന്നുവര്‍ഷക്കാലമായി കേരള ഹിന്ദു ഫെഡറേഷന്‍ ഓഫ് കാനഡ സഘടിപ്പിച്ചിട്ടുണ്ട്. നാല്‍പതു കോടിയില്‍ അധികം ആളുകള്‍ പങ്കെടുക്കുന്ന കുംഭമേളയുടെ പ്രാധാന്യം പുതു തലമുറയ്ക്ക് പകര്‍ന്നു നല്‍കുന്നതിന്റെ ഭാഗമായാണ് 'കുംഭമേളയുടെ 'പ്രാധാന്യം എന്ന വിഷയത്തെ ആസ്പദമാക്കിയുള്ള പ്രഭാഷണം എന്ന് ഭാരവാഹികള്‍ അറിയിച്ചു.