ന്യൂയോര്‍ക് : ഇന്‍സ്ട്രുമെന്റ് പാനല്‍ ഡിസ്‌പ്ലേയിലെ പ്രശ്‌നം കാരണം യുഎസില്‍ 355,000ത്തിലധികം ട്രക്കുകള്‍ തിരിച്ചുവിളിക്കുന്നതായി ഫോര്‍ഡ് മോട്ടോര്‍ കമ്പനി അറിയിച്ചു. നാഷണല്‍ ഹൈവേ ട്രാഫിക് സേഫ്റ്റി അഡ്മിനിസ്‌ട്രേഷന്‍ ഓഗസ്റ്റ് 27ബുധനാഴ്ചയാണ് ഇക്കാര്യം അറിയിച്ചത്.
2025-2026 മോഡലുകളായ Ford F-550 SD, F-450 SD, F-350 SD, F-250 SD, 2025 മോഡലായ Ford F-150 എന്നിവയെയാണ് തിരിച്ചുവിളിക്കല്‍ ബാധിക്കുക.
വാഹനത്തിന്റെ ഡാഷ്‌ബോര്‍ഡിലെ ഡിജിറ്റല്‍ ഡിസ്‌പ്ലേ നിയന്ത്രിക്കുന്നത് ഇന്‍സ്ട്രുമെന്റ് പാനല്‍ ക്ലസ്റ്ററാണ്. വേഗത, ഇന്ധന നില, നാവിഗേഷന്‍ തുടങ്ങിയ നിര്‍ണ്ണായക വിവരങ്ങളാണ് ഇതില്‍ കാണിക്കുന്നത്.
ഇന്‍സ്ട്രുമെന്റ് പാനല്‍ ഡിസ്‌പ്ലേയിലെ തകരാര്‍ 355,000ത്തിലധികം ട്രക്കുകള്‍ തിരിച്ചു വിളിക്കുന്നതായി ഫോര്‍ഡ് മോട്ടോര്‍ കമ്പനി
