കൊച്ചി: ഇന്ദ്രന്‍സിനെ പ്രധാന കഥാപാത്രമാക്കി മേനോക്കില്‍സ് ഫിലിംസിന്റെ ബാനറില്‍ അനില്‍ ടി വി നിര്‍മ്മിച്ച് സന്തോഷ് പുതുക്കുന്ന് സംവിധാനം ചെയ്ത 'കുണ്ഡലപുരാണം' പ്രേക്ഷക പിന്തുണയോടെ രണ്ടാം വാരത്തിലേയ്ക്ക് കടന്നു. ജൂണ്‍ 28ന് റിലീസ് ചെയ്ത ചിത്രത്തിന് വളരെ മികച്ച അഭിപ്രായങ്ങളാണ് ലഭിക്കുന്നത്. ചിത്രം കര്‍ണ്ണാടകയിലും പ്രദര്‍ശനം തുടങ്ങും.
'മോപ്പാള' എന്ന ചിത്രത്തിന് ശേഷം സന്തോഷ് പുതുക്കുന്ന് സംവിധാനം ചെയ്ത ഈ ചിത്രത്തിന്റെ രചന നിര്‍വ്വഹിച്ചത് സുധീഷ് കുമാറാണ്. ഇന്ദ്രന്‍സിനെ കൂടാതെ രമ്യ സുരേഷ്, ദിനേശ് പ്രഭാകര്‍, ഉണ്ണിരാജ, ബാബു അന്നൂര്‍ തുടങ്ങിയവരാണ് ചിത്രത്തില്‍ പ്രധാന വേഷങ്ങള്‍ ചെയ്തിരിക്കുന്നത്. ഏപ്രില്‍ മാസത്തില്‍ വറ്റി വരളുന്ന ഒരു ഗ്രാമത്തിന്റെ പശ്ചാത്തലവും അവിടെ വറ്റാത്ത ഉറവയുള്ള ഒരു കിണറിനെ ആശ്രയിച്ച് ജീവിക്കുന്ന ഒരുപറ്റം കുടുംബങ്ങളുടെയും കഥയാണ് കുണ്ഡലപുരാണം എന്ന ചിത്രത്തിലൂടെ പറയുന്നത്.
ചിത്രത്തിന്റെ ഛായാഗ്രാഹകന്‍ ശരണ്‍ ശശിധരന്‍. എഡിറ്റര്‍: ശ്യാം അമ്പാടി, സംഗീതം: ബ്ലസ്സന്‍ തോമസ്, ഗാനരചന വൈശാഖ് സുഗുണന്‍, സന്തോഷ് പുതുക്കുന്ന്. ചീഫ് അസോസ്സിയേറ്റ്: രജില്‍ കെയ്‌സി, വസ്ത്രാലങ്കാരം: സുകേഷ് താനൂര്‍, പ്രൊഡക്ഷന്‍ കണ്‍ട്രോളര്‍: അരവിന്ദന്‍ കണ്ണൂര്‍, സൗണ്ട് ഡിസൈന്‍സ്: രഞ്ജുരാജ് മാത്യു, കല: സീ മോന്‍ വയനാട്, സംഘട്ടനം: ബ്രൂസ് ലീ രാജേഷ്, ചമയം: രജീഷ് പൊതാവൂര്‍, ചീഫ് അസോസിയേറ്റ് ക്യാമറാമാന്‍: സുജില്‍ സായ്, പി ആര്‍ ഒ കാസബ്‌ളാങ്കാ ഫിലിം ഫാക്ടറി. വി എഫ് എക്‌സ് സാറ്റര്‍ഡേ സണ്‍ഡേ ഫിലിംസ്. ഓണ്‍ലൈന്‍ പാര്‍ട്ണര്‍: സിനിമാപ്രാന്തന്‍, ടൈറ്റില്‍: സുശീല്‍ ഇന്‍സ്റ്റാര്‍ട്ട്. പരസ്യകല ടൈറ്റില്‍: ലിജോ ജെറാള്‍ഡ് ചിറ്റിലപ്പിള്ളി.