തിരുവനന്തപുരം: നേപ്പാളില്‍ കുടുങ്ങി കിടക്കുന്ന മലയാളികളായ വിനോദ സഞ്ചാരികളുടെ സുരക്ഷ ഉറപ്പാക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍ കേന്ദ്ര വിദേശകാര്യ മന്ത്രി എസ് ജയശങ്കറിന് കത്തയച്ചു.
കുടുങ്ങി കിടക്കുന്നവരെ അടിയന്തരമായി നാട്ടിലെത്തിക്കുന്നതിനും യാത്രാ സൗകര്യം ഏര്‍പ്പെടുത്തുന്നതിനും കേന്ദ്രം ഇടപെടണമെന്നാണ് കത്തിലെ ആവശ്യം. വിനോദ സഞ്ചാരത്തിനായി നേപ്പാളിലെ പൊഖ്‌റയിലെത്തിയവരാണ് കുടുങ്ങിയത്. നേപ്പാളില്‍ പ്രക്ഷോഭമുണ്ടായതിന് സമീപമാണ് ഇവര്‍ കഴിയുന്നത്.