പാലക്കാട്: പാലക്കാട് എം പി വി കെ ശ്രീകണ്ഠന്റെ ഭാര്യ കോങ്ങാട് എം എല് എ തുളസി!. ഒരേ വീട്ടില് നിന്നാണ് പാലക്കാട് ജില്ലയെ പ്രതിനിധീകരിക്കുന്ന രണ്ടുപേര് രംഗത്തെത്തിയത്.
സി പി എമ്മിന്റെ സിറ്റിങ് എം എല് എയായിരുന്ന കെ ശാന്തകുമാരിയെയാണ് തുളസി 3706 വോട്ടുകള്ക്ക് പരാജയപ്പെടുത്തിയത്.
കേരളത്തിലെ ഒന്നാം നിയമസഭയിലെ അംഗങ്ങളായിരുന്ന ടി വി തോമസും ഭാര്യ കെ ആര് ഗൗരിയമ്മയുമാണ് ആദ്യമായി ഒരു വീട്ടില് നിന്ന് ജനപ്രതിനിധികളായി എത്തിയ രണ്ടുപേര്. ഇരുവരും മന്ത്രിമാരുമായിരുന്നു. ഇവര്ക്ക് ശേഷവും നിരവധി പേര് ഒരേ വീട്ടില് നിന്നും നിയമ നിര്മാണ സഭകളിലെത്തിയിട്ടുണ്ട്.
കെ കരുണാകരന് മുഖ്യമന്ത്രിയായിരിക്കെ മകന് കെ മുരളീധരന് കോഴിക്കോടു നിന്നും ലോക്സഭയിലേക്ക് തെരഞ്ഞെടുക്കപ്പെട്ടിരുന്നു. മുന് ധനമന്ത്രി കെ എം മാണി നിയമസഭാംഗമായപ്പോള് മകന് ജോസ് കെ മാണി കോട്ടയത്തു നിന്നും പാര്ലമെന്റ് അംഗമായിരുന്നു.
ആര് ബാലകൃഷ്ണപിള്ള കൊട്ടാരക്കരയില് നിന്നും മകന് കെ ബി ഗണേഷ് കുമാര് പത്തനാപുരത്ത് നിന്നും നിയമസഭയിലെത്തിയവരാണ്.