ദുബായ്: സെപ്റ്റംബര്‍ 9ന് ആരംഭിക്കുന്ന ഏഷ്യ കപ്പ് ക്രിക്കറ്റ് ടൂര്‍ണമെന്റിനുള്ള യു എ ഇ ടീം പ്രഖ്യാപിച്ചു. 17-അംഗ ടീമില്‍ തിരുവനന്തപുരം സ്വദേശി അലിഷാന്‍ ഷറഫു ഇടം പിടിച്ചു. 22 വയസുകാരനായ അലിഷാന്‍ യു എ ഇ അണ്ടര്‍ 19 ടീമിന്റെ മുന്‍ ക്യാപ്റ്റനാണ്.
മുഹമ്മദ് വസീം നയിക്കുന്ന യു എ ഇ ടീം സെപ്റ്റംബര്‍ പത്തിന് തങ്ങളുടെ ആദ്യ മത്സരത്തില്‍ ഇന്ത്യയെ നേരിടും. അലിഷാന്‍ അടക്കം 7 ഇന്ത്യന്‍ വംശജര്‍ യു എ ഇ ടീമിലുണ്ട്. രാഹുല്‍ ചോപ്ര, ഹര്‍ഷിദ് കൗശിക്, സിമ്രന്‍ജിത് സിങ്, ധ്രുവ് പരാശര്‍, ആര്യാംശ് ശര്‍മ, ഏഥന്‍ ഡിസൂസ എന്നിവരാണ് ടീമിലെ മറ്റ് ഇന്ത്യക്കാര്‍.