വാഷിംഗ്ടണ്: കാല് നൂറ്റാണ്ടു കാലത്തോളം കണക്ടിക്കട്ടില് നിന്നുള്ള യു എസ് മുന് സെനറ്ററും 2000ല് ഡെമോക്രാറ്റിക് പാര്ട്ടിയുടെ വൈസ് പ്രസിഡന്റ് സ്ഥാനാര്ഥിയുമായിരുന്ന ജോ ലീബര്മാന് അന്തരിച്ചു. 82 വയസ്സായിരുന്നു.
യു എസ് പ്രസിഡന്റ് ടിക്കറ്റില് ചേരുന്ന ആദ്യത്തെ ജൂതനാണഅ ലീബര്മാന്.
1989 മുതല് 2013 വരെ യു എസ് സെനറ്റില് സേവനമനുഷ്ഠിച്ച ലീബര്മാന് ഇറാഖ് യുദ്ധത്തോടുള്ള എതിര്പ്പ് ഉള്പ്പെടെ നിരവധി വിഷയങ്ങളില് ഡെമോക്രാറ്റ് പാര്ട്ടിയുമായി അഭിപ്രായ വ്യത്യാസം പ്രകടമാക്കിയിരുന്നു.
2024-ലെ പൊതുതെരഞ്ഞെടുപ്പില് മൂന്നാം കക്ഷി പ്രസിഡന്റ് ടിക്കറ്റ് സ്ഥാപിക്കാന് ലക്ഷ്യമിട്ടുള്ള മധ്യപക്ഷ രാഷ്ട്രീയ ഗ്രൂപ്പായ നോ ലേബല്സിന്റെ സ്ഥാപക ചെയര്മാനായാണ് അദ്ദേഹം സമീപ വര്ഷങ്ങളില് അറിയപ്പെട്ടിരുന്നത്.
അമേരിക്കന് രാഷ്ട്രീയ ജീവിതത്തിലെ അവിഭാജ്യ വ്യക്തിത്വമായിരുന്നു സെനറ്റര് ലീബര്മാനെന്നും പാര്ട്ടിയേക്കാള് തന്റെ രാജ്യത്തെയാണ് എപ്പോഴും അദ്ദേഹം മുമ്പില് പ്രതിഷ്ഠിച്ചതെന്നും മൂന്നാം കക്ഷി രാഷ്ട്രീയ ഗ്രൂപ്പായ നോ ലേബല്സ് പ്രസ്താവനയില് പറഞ്ഞു.
1942-ല് കണക്റ്റിക്കട്ടിലെ സ്റ്റാംഫോര്ഡില് ജനിച്ച ലീബര്മാന് 1989-ല് യുഎസ് സെനറ്റിലേക്ക് പ്രവേശിക്കുന്നതിന് മുമ്പ് സ്റ്റേറ്റ് സെനറ്ററായും സ്റ്റേറ്റ് അറ്റോര്ണി ജനറലായും സേവനമനുഷ്ഠിച്ചിരുന്നു.
യു എസിലെ ഏറ്റവും പ്രമുഖ ജൂത രാഷ്ട്രീയക്കാരില് ഒരാളായിരുന്നു ലീബര്മാന്.
മിതവാദി ഡെമോക്രാറ്റ് എന്ന നിലയില് പാര്ട്ടി നിലപാടുകളും സ്വന്തം പാര്ട്ടിയിലെ അംഗങ്ങളെ ലളിതമായി മറികടക്കുന്നതിലും ലീബര്മാന് വാഷിംഗ്ടണില് പ്രശസ്തി നേടി.
2000-ല് ഡെമോക്രാറ്റിക് പ്രസിഡന്ഷ്യല് ടിക്കറ്റില് ഗോര് ലീബര്മാനെ തന്റെ മത്സരാര്ഥിയായി തെരഞ്ഞെടുത്തു. അമേരിക്കന് ചരിത്രത്തിലെ ഒരു പ്രസിഡന്റ് തെരഞ്ഞെടുപ്പിലെ ഏറ്റവും വിവാദപരമായ നിഗമനങ്ങളിലൊന്നില് റിപ്പബ്ലിക്കന് ജോര്ജ്ജ് ഡബ്ല്യു ബുഷിനോടും അദ്ദേഹത്തിന്റെ വൈസ് പ്രസിഡന്റ് സ്ഥാനാര്ഥി ഡിക്ക് ചെനിയോടും അവര് പരാജയപ്പെടുകയായിരുന്നു.