നിലമ്പൂര്: കോണ്ഗ്രസ് നേതാവും വയനാട് ലോക്സഭാ മണ്ഡലം യുഡിഎഫ് സ്ഥാനാര്ത്ഥിയുമായ രാഹുല് ഗാന്ധിക്കെതിരായ അധിക്ഷേപ പരാമര്ശത്തിലാണ് പൊലീസിന്റെ നടപടി. രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി. തെരഞ്ഞെടുപ്പ് പ്രചാരണയോഗത്തിലാണ് അന്വര് അധിക്ഷേപ പരാമര്ശം നടത്തിയത്.
മണ്ണാര്കാട് കോടതി നിര്ദേശപ്രകാരം പാലക്കാട് നാട്ടുകല് പൊലീസാണ് കേസെടുത്തത്. ഹൈക്കോടതി അഭിഭാഷകന് ബൈജു നോയല് നല്കിയ സ്വകാര്യ ഹര്ജിയിലാണ് കോടതി നാട്ടുകല് പൊലീസിന് നിര്ദേശം നല്കിയത്. പാലക്കാട് എടത്തനാട്ടുകരയില് നടന്ന എല്ഡിഎഫ്
പേരിനൊപ്പമുള്ള ഗാന്ധി എന്ന പേര് കൂട്ടി ഉച്ചരിക്കാന് പോലും യോഗ്യതയില്ലാത്ത ആളായി രാഹുല് മാറിയെന്നായിരുന്നു അന്വര് പറഞ്ഞത്. രാഹുല് ഗാന്ധിയുടെ ഡിഎന്എ പരിശോധിക്കണമെന്നും അന്വര് ആവശ്യപ്പെട്ടിരുന്നു.
മുഖ്യമന്ത്രി പിണറായി വിജയനെ കേന്ദ്ര സര്ക്കാര് ഇതുവരെ ജയിലില് ആക്കാത്തത് എന്തുകൊണ്ടാണെന്ന് ചോദിച്ച് രാഹുല് നടത്തിയ പ്രസംഗത്തിന് മറുപടിയായാണു അന്വര് അധിക്ഷേപ പ്രസംഗം നടത്തിയത്.