ന്യൂയോര്ക്ക്: യു എസ് റേറ്റിംഗ് ഏജന്സിയായ ഫിച്ച് ചൈനയുടെ പൊതു ധനകാര്യത്തില് അപകടസാധ്യതകള് വര്ധിച്ചതായി ചൂണ്ടിക്കാട്ടി പരമാധികാര ക്രെഡിറ്റ് റേറ്റിംഗ് സ്ഥിരതയില് നിന്ന് നെഗറ്റീവ് ആയി താഴ്ത്തി.
ഡിസംബറില് മൂഡീസിന്റെ സമാനമായ നീക്കത്തെ തുടര്ന്നാണ് ഗ്രേഡ് താഴ്ത്തുന്നത്. പ്രാദേശിക സര്ക്കാരുകള്ക്കും സംസ്ഥാന സ്ഥാപനങ്ങള്ക്കും ജാമ്യം നല്കാനും സ്വത്ത് പ്രതിസന്ധി നിയന്ത്രിക്കാനുമുള്ള ചെലവുകള് ചൂണ്ടിക്കാട്ടി മൂഡീസ് ചൈനയുടെ ക്രെഡിറ്റ് റേറ്റിംഗില് തരംതാഴ്ത്തല് മുന്നറിയിപ്പ് നല്കിയിരുന്നു.
ചൈനയുടെ സര്ക്കാര് കമ്മി 2023ലെ 5.8 ശതമാനത്തില് നിന്ന് 2024ല് മൊത്ത ആഭ്യന്തര ഉത്പാദനത്തിന്റെ 7.1 ശതമാനമായി ഉയരുമെന്നാണ് ഫിച്ച് പറയുന്നത്.
ചൈനയുടെ ധനമന്ത്രാലയം ഫിച്ച് റേറ്റിംഗിനെ 'ശോചനീയം' എന്നാണ് വിശേഷിപ്പിച്ചത്. സാമ്പത്തിക വളര്ച്ച പ്രോത്സാഹിപ്പിക്കാനുള്ള ബീജിംഗിന്റെ ശ്രമങ്ങള് പ്രതിഫലിപ്പിക്കുന്നതില് ഫിച്ചിന്റെ പരമാധികാര ക്രെഡിറ്റ് റേറ്റിംഗ് രീതിശാസ്ത്രം പരാജയപ്പെട്ടുവെന്നാണ് കാണാന് കഴിയുന്നതെന്നാണ് ഫലം കാണിക്കുന്നതെന്നാണ് ചൈന വിശദീകരിച്ചത്.
യു എസിന്റെ ഡബ്ള് എ റേറ്റിംഗുകള് മികച്ചതും സ്ഥിരതയുള്ളതുമെന്ന് ഫിച്ച് സ്ഥിരീകരിക്കുന്നു
ചൈനയുടെ സാമ്പത്തിക വളര്ച്ച കഴിഞ്ഞ വര്ഷത്തെ 5.2 ശതമാനത്തില് നിന്ന് 2024ല് 4.5 ശതമാനമായി കുറയുമെന്നാണ് ഫിച്ചിന്റെ പ്രവചനം.
എങ്കിലും വരും വര്ഷങ്ങളിലെ വളര്ച്ചയെ പിന്തുണയ്ക്കുന്നതില് ധനനയം ഒരു പ്രധാന പങ്ക് വഹിക്കാന് സാധ്യത കൂടുതലാണെന്നും ഇത് കടം സ്ഥിരമായ മുകളിലേക്കുള്ള പ്രവണതയില് നിലനിര്ത്തുമെന്നും ഫിച്ച് പറഞ്ഞു.
ഫിച്ച് അതിന്റെ കാഴ്ചപ്പാട് താഴ്ത്തിയപ്പോള് ചൈനയുടെ ദീര്ഘകാല വിദേശ- കറന്സി ഇഷ്യൂവര് ഡിഫോള്ട്ട് റേറ്റിംഗ് എയില് നിലനിര്ത്തി.
2024 സാമ്പത്തിക വര്ഷത്തിലെ ഇന്ത്യയുടെ ജി ഡി പി വളര്ച്ചാ കണക്ക് ഫിച്ച് 7.8 ശതമാനമായാണ് ഉയര്ത്തിയത്.
മറ്റൊരു പ്രധാന ആഗോള റേറ്റിംഗ് ഏജന്സിയായ എസ് ആന്റ് പി ചൈനയെ എ ആയാണ് റേറ്റ് ചെയ്തത്. മൂഡിസിന്റെ എ1ന് തുല്യമായ റേറ്റിംഗാണിത്.
ഷി ജിന്പിംഗ് സര്ക്കാര് സമ്പദ്വ്യവസ്ഥയിലേക്ക് ഫണ്ട് പമ്പ് ചെയ്തതോടെ ചൈനയുടെ പൊതുകടം കഴിഞ്ഞ കുറച്ച് വര്ഷങ്ങളായി കുതിച്ചുയര്ന്നിരുന്നു. ബാങ്ക് ഫോര് ഇന്റര്നാഷണല് സെറ്റില്മെന്റ് പ്രകാരം 2024ല് പൊതുകടം മൊത്ത ആഭ്യന്തര ഉത്പാദനത്തിന്റെ 80 ശതമാനത്തിനടുത്താണുള്ളത്.