ടെഹ്റാൻ: യുദ്ധത്തെ തുടർന്ന് 50 ദിവസമായി നിർത്തിവെച്ചിരുന്ന ആഭ്യന്തര വിമാന സർവീസുകൾ പുനരാരംഭിക്കാൻ ഇറാൻ ഒരുങ്ങുന്നു. ബുധനാഴ്ച രാവിലെ മുതൽ രാജ്യത്തിനുള്ളിലെ വിമാന സർവീസുകൾ വീണ്ടും തുടങ്ങുമെന്ന് സർക്കാർ മാധ്യമമായ IRIB റിപ്പോർട്ട് ചെയ്തു.
ഇതിനുമുമ്പ്, രാജ്യത്തെ രണ്ട് ആഭ്യന്തര വിമാനത്താവളങ്ങൾ പ്രവർത്തനക്ഷമമാകുമെന്ന് എയർപോർട്ട്സ് അതോറിറ്റി വ്യക്തമാക്കിയിരുന്നു. വിമാന ഗതാഗതം ഘട്ടംഘട്ടമായി പുനഃസ്ഥാപിക്കുന്നതിനായുള്ള നടപടികളാണ് ഇപ്പോൾ പുരോഗമിക്കുന്നത്.
അതേസമയം, ടെഹ്റാനിലെ ഇമാം ഖൊമേനി ഇന്റർനാഷണൽ എയർപോർട്ടിൽ നിന്ന് തുർക്കിയിലേക്കും ഒമാനിലേക്കും വിമാന സർവീസുകൾ ഉടൻ പുനരാരംഭിക്കുമെന്നും റിപ്പോർട്ടുണ്ട്. തസ്നിം ന്യൂസ് ഏജൻസിയാണ് ഈ വിവരം പുറത്തുവിട്ടത്.
യുദ്ധത്തിന്റെ പശ്ചാത്തലത്തിൽ രാജ്യത്തെ വിമാന ഗതാഗതം ഏറെക്കാലം നിലച്ചിരുന്നു. ഇപ്പോൾ സ്ഥിതിഗതികൾ ഭാഗികമായി സാധാരണ നിലയിലേക്കു മടങ്ങിയതോടെ, വിമാന സർവീസുകൾ വീണ്ടും ആരംഭിക്കുന്നത് യാത്രക്കാർക്ക് ആശ്വാസമാകും.
യുദ്ധത്തിന് ശേഷം ഇറാൻ ആഭ്യന്തര വിമാന സർവീസ് പുനരാരംഭിക്കുന്നു
