ലണ്ടന്‍: വിക്കിലീക്സ് സ്ഥാപകന്‍ ജൂലിയന്‍ അസാഞ്ചിനെ ഉടന്‍ അമേരിക്കയിലേക്ക് കൈമാറാനാകില്ലെന്ന് ലണ്ടനിലെ ഹൈക്കോടതിയുടെ വിധി. വധശിക്ഷയില്‍ നിന്നുള്ള സംരക്ഷണം ഉള്‍പ്പെടെ അദ്ദേഹത്തിന്റെ ചികിത്സയെക്കുറിച്ച് വാഷിംഗ്ടണ്‍ ചില ഉറപ്പുകള്‍ നല്‍കണമെന്നും കോടതി കൂട്ടിച്ചേര്‍ത്തു.
2010-ല്‍ ഇറാഖ്, അഫ്ഗാനിസ്ഥാന്‍ യുദ്ധങ്ങളില്‍ നടത്തിയ അതിക്രമങ്ങളുമായി ബന്ധപ്പെട്ട രഹസ്യ യു എസ് മിലിട്ടറി, നയതന്ത്ര കേബിളുകള്‍ വിക്കിലീക്സ് പുറത്തുവിട്ടതോടെയാണ് ജൂലിയന്‍ അസാന്‍ജ് അന്താരാഷ്ട്ര പ്രശസ്തിയിലേക്ക് ഉയര്‍ന്നത്. 2019 മുതല്‍ ലണ്ടന്‍ ജയിലിലാണ് അദ്ദേഹം.
'യുണൈറ്റഡ് സ്റ്റേറ്റ്സ് ഓഫ് അമേരിക്കയുടെ സര്‍ക്കാര്‍ തൃപ്തികരമായ ഉറപ്പ് നല്‍കിയില്ലെങ്കില്‍' 'അപ്പീലിന് അനുമതി നല്‍കുമെന്ന്' രണ്ട് ഹൈക്കോടതി ജഡ്ജിമാര്‍ വിധിച്ചു.
യുണൈറ്റഡ് സ്റ്റേറ്റ്സ് ഭരണഘടനയിലെ സ്വാതന്ത്ര്യത്തെ സംരക്ഷിക്കുന്ന ആദ്യ ഭേദഗതിയെ ആശ്രയിക്കാന്‍ അസാന്‍ജിന് അനുവാദമുണ്ടെന്ന് തൃപ്തികരമായ ഉറപ്പ് നല്‍കാന്‍ അമേരിക്കയ്ക്ക് മൂന്നാഴ്ച്ച കോടതി സമയം നല്‍കി. അദ്ദേഹത്തിന്റെ ദേശീയത ഒരു യുണൈറ്റഡ് സ്റ്റേറ്റ്സ് പൗരനെന്ന നിലയില്‍ ആദ്യ ഭേദഗതി സംരക്ഷണം അദ്ദേഹത്തിന് നല്‍കിയിരിക്കുന്നുവെന്നും വധശിക്ഷ നല്‍കപ്പെടുന്നില്ലെന്നും അദ്ദേഹം പറഞ്ഞു.
2022ല്‍ ബെല്‍മാര്‍ഷ് ജയിലില്‍ വെച്ച് ജൂലിയന്‍ അസാന്‍ജ് വിവാഹം കഴിച്ച അദ്ദേഹത്തിന്റെ ഭാര്യ സ്‌റ്റെല്ല അഭിപ്രായപ്പെട്ടത് കോടതിയുടെ തീരുമാനം അമ്പരപ്പിക്കുന്നതാണെന്നും ജൂലിയന്‍ തന്റെ ആവിഷ്‌കാര സ്വാതന്ത്ര്യത്തിന്റെ നഗ്നമായ നിഷേധത്തിന് വിധേയനാണെന്ന് കോടതികള്‍ തിരിച്ചറിയുന്നുണ്ടെന്നും അദ്ദേഹത്തിന്റെ ദേശീയത ഓസ്ട്രേലിയന്‍ അയതിനാല്‍ വധശിക്ഷയ്ക്ക് വിധേയനാകുമെന്നുമാണെന്നും പ്രതികരിച്ചു.
ജൂലയിന്‍ അസാന്‍ജിന്റെ കാര്യത്തില്‍ യു എസ് ഉറപ്പു നല്‍കുകയാണെങ്കില്‍ അവ 'തൃപ്തികരമാണോ' എന്ന് തീരുമാനിക്കാന്‍ മെയ് 20ന് മറ്റൊരു ഹിയറിങ് ഉണ്ടാകും. യു എസ് ഈ ഉറപ്പുകള്‍ നല്‍കുന്നില്ലെങ്കില്‍ ഓസ്ട്രേലിയന്‍ വംശജനായ പ്രസാധക- പ്രവര്‍ത്തകന് പൂര്‍ണ്ണ അപ്പീല്‍ ഹിയറിംഗിനുള്ള അവകാശം നല്‍കും.
സ്വീഡനിലേക്ക് കൈമാറുന്നതില്‍ നിന്ന് രക്ഷപ്പെടാന്‍ 52കാരനായ അസാന്‍ജ് 2012ലാണ് ലണ്ടനിലെ ഇക്വഡോര്‍ എംബസിയിലേക്ക് പലായനം ചെയ്തത്. അവിടെ ബലാത്സംഗം, ലൈംഗികാതിക്രമം എന്നീ ആരോപണങ്ങളില്‍ അന്വേഷണം നേരിടേണ്ടിവന്നെങ്കിലും പിന്നീട് ഒഴിവാക്കപ്പെട്ടു.
2019-ല്‍ പോകണമെന്ന് പറയുന്നതുവരെ ഏഴ് വര്‍ഷത്തോളം അദ്ദേഹം എംബസിയില്‍ തുടര്‍ന്നു.
എംബസിയില്‍ നിന്ന് പുറത്താക്കിയ ശേഷം ബലാത്സംഗ അന്വേഷണവുമായി ബന്ധപ്പെട്ട ജാമ്യ വ്യവസ്ഥകള്‍ ലംഘിച്ചതിന് ലണ്ടനില്‍ അസാന്‍ജിനെ 50 ആഴ്ച തടവിന് ശിക്ഷിച്ചു. അദ്ദേഹമിപ്പോള്‍ ബെല്‍മാര്‍ഷ് ജയിലിലാണ്.
2010-ലെ വെളിപ്പെടുത്തലുകളില്‍ ചാരവൃത്തി നിയമം ലംഘിച്ചെന്നും പെന്റഗണ്‍ കമ്പ്യൂട്ടര്‍ ശൃംഖലയില്‍ ഹാക്ക് ചെയ്യാന്‍ ഗൂഢാലോചന നടത്തിയെന്നും ആരോപിച്ച് അസാന്‍ജിനെ ലണ്ടനില്‍ നിന്ന് കൈമാറാന്‍ യു എസ് ശ്രമിച്ചു.
2021-ല്‍ ലണ്ടന്‍ കോടതി ഒരു അമേരിക്കന്‍ ജയിലില്‍ നേരിടേണ്ടിവരുന്ന സാഹചര്യങ്ങളാല്‍ അസാന്‍ജിനെ ആത്മഹത്യയിലേക്ക് നയിച്ചേക്കാമെന്ന് പ്രസ്താവിച്ചുകൊണ്ട് കൈമാറല്‍ അഭ്യര്‍ഥന നിരസിച്ചു. എന്നാല്‍, പിന്നീട് അദ്ദേഹത്തെ കൈമാറാമെന്ന് ഹൈക്കോടതി ഉത്തരവിടുകയായിരുന്നു.
പിന്നീട്, വാഷിംഗ്ടണ്‍- ലണ്ടന്‍ നയതന്ത്ര അടയാളമായി 2022-ല്‍ അദ്ദേഹത്തെ കൈമാറാനുള്ള ഉത്തരവിന് ബ്രിട്ടീഷ് ആഭ്യന്തര സെക്രട്ടറി പ്രീതി പട്ടേല്‍ അംഗീകാരം നല്‍കിയെങ്കിലും ഇത് കോടതിയില്‍ ചോദ്യം ചെയ്യപ്പെടുകയായിരുന്നു.