ഒട്ടാവ: യുഎസ് പ്രസിഡന്റ് ഡോണാള്‍ഡ് ട്രംപ് പ്രഖ്യാപിച്ച പകര ചുങ്കം പുതുതായി കാനഡയെ അധികമൊന്നും ബാധിക്കില്ലെങ്കിലും ഏതെങ്കിലും തരത്തില്‍ ആശ്വസിക്കാനും വകയില്ല.
ലോകമെമ്പാടുമുള്ള രാജ്യങ്ങള്‍ക്ക് 10% യുഎസ് താരിഫുകള്‍ പൂര്‍ണ്ണമായും ബാധിക്കുമെന്ന് ട്രംപ് പറഞ്ഞിരുന്നു. അധിക 'പരസ്പര' താരിഫ് നേരിടുന്ന 60 രാജ്യങ്ങളുടെ പട്ടികയും അദ്ദേഹം പുറത്തിറക്കി, എന്നാല്‍ കാനഡ ആ പട്ടികയില്‍ ഇല്ലായിരുന്നു.
പകരം, കാനഡയിലെ അമേരിക്കന്‍ താരിഫ് സ്‌കീമിന്റെ ഭൂരിഭാഗവും അതേപടി തുടരും: നിലവിലുള്ള വടക്കേ അമേരിക്കന്‍ സ്വതന്ത്ര വ്യാപാര കരാറിന് കീഴിലുള്ളവ ഒഴികെയുള്ള എല്ലാ സാധനങ്ങള്‍ക്കും 25% പൂര്‍ണ്ണമായും നികുതി വരും. ഊര്‍ജ്ജത്തിനും പൊട്ടാഷിനും 10% കുറഞ്ഞ നിരക്കില്‍ താരിഫ് ചുമത്തുന്നു, അതേസമയം കനേഡിയന്‍ സ്റ്റീല്‍, അലുമിനിയം എന്നിവയ്ക്ക് 25% ലെവി നിലവിലുണ്ട്.
അധിക തീരുവ ചുമത്തുന്നതിനും അതിര്‍ത്തിയില്‍ അടിയന്തരാവസ്ഥ പ്രഖ്യാപിക്കുന്നതിനും കാരണമായി ട്രംപ് പറഞ്ഞത് കാനഡയില്‍ നിന്നും മെക്‌സിക്കോയില്‍ നിന്നുമുള്ള ഫെന്റനൈലിന്റെയും കുടിയേറ്റക്കാരുടെയും ഒഴുക്കുമാണ്. ആ സാഹചര്യം ഇല്ലാതാക്കിയാല്‍ നികുതികുറയ്ക്കുന്നത് പരിഗണിക്കാമെന്നാണ് യുഎസ് പറയുന്നത്.
ലോകരാജ്യങ്ങള്‍ക്കുമേല്‍ ട്രംപ് ഏര്‍പ്പെടുത്തുന്ന പകരച്ചുങ്കം 'അന്താരാഷ്ട്ര വ്യാപാര വ്യവസ്ഥയെ അടിസ്ഥാനപരമായി മാറ്റുമെന്ന്' കനേഡിയന്‍ പ്രധാനമന്ത്രി മാര്‍ക്ക് കാര്‍ണി പറഞ്ഞു.
, ഇരു രാജ്യങ്ങളും തമ്മിലുള്ള വാണിജ്യ ബന്ധത്തിന്റെ പല പ്രധാന ഘടകങ്ങളും നിലനിര്‍ത്താന്‍ ട്രംപ് ശ്രമിച്ചു എന്ന് ട്രംപിന്റെ പ്രഖ്യാപനത്തില്‍ പ്രതികരിച്ചുകൊണ്ട് കാര്‍ണി ചൂണ്ടിക്കാട്ടി. എന്നാല്‍ ഫെന്റനൈല്‍ താരിഫുകള്‍, സ്റ്റീല്‍, അലുമിനിയം എന്നിവയുടെ താരിഫുകള്‍, ഓട്ടോമൊബൈലുകള്‍ക്കുള്ള താരിഫുകള്‍ എന്നിവ നിലനില്‍ക്കുന്നുണ്ട്.
അമേരിക്കയുടെ ഏറ്റവും വലിയ മൂന്ന് വ്യാപാര പങ്കാളികളായ മെക്‌സിക്കോ, ചൈന, കാനഡ എന്നിവയ്ക്ക് മേല്‍ ട്രംപ് തീരുവ ചുമത്തിയിട്ടുണ്ട്, രേഖകളില്ലാത്ത കുടിയേറ്റക്കാരും ഫെന്റനൈലും യുഎസിലേക്ക് പ്രവേശിക്കുന്നത് തടയാന്‍ അവര്‍ വേണ്ടത്ര കാര്യങ്ങള്‍ ചെയ്യുന്നില്ല എന്ന് അവാകശപ്പെട്ടാണ് ഇവര്‍ക്കു മേല്‍ അധിക തീരുവ ചുമത്തിയിരിക്കുന്നത്.
ഫാര്‍മസ്യൂട്ടിക്കല്‍സ്, തടി, സെമികണ്ടക്ടറുകള്‍ എന്നിവയ്ക്ക് മേല്‍ യുഎസ് പരിഗണിക്കുന്നതായി പറഞ്ഞ അധിക താരിഫുകളും കാര്‍ണി ചൂണ്ടിക്കാട്ടി.
'നടപടികളുടെ പരമ്പര ദശലക്ഷക്കണക്കിന് കനേഡിയന്‍മാരെ നേരിട്ട് ബാധിക്കും,ഈ താരിഫുകള്‍ക്കെതിരെ ഞങ്ങള്‍ പോരാടുമെന്ന് കാര്‍ണി പറഞ്ഞു.
