ടൊറന്റോ: ഇന്ത്യന്‍ അധികാരികളുമായി ബന്ധമുണ്ടെന്ന് സൂചിപ്പിക്കുന്ന ആരോപണങ്ങള്‍ ഇന്തോ- കനേഡിയന്‍ രാഷ്ട്രീയക്കാരി റൂബി ധല്ല ശക്തമായി നിഷേധിച്ചു. ലിബറല്‍ പാര്‍ട്ടി നേതൃത്വ ത്തിലേക്കുള്ള തന്റെ ശ്രമത്തെ അപകീര്‍ത്തിപ്പെടുത്താനുള്ള പദ്ധതിയാണ് ഇതെന്ന് അവര്‍ പറഞ്ഞു.
കാനഡയുടെ ചരിത്രത്തില്‍ പ്രധാനമന്ത്രി സ്ഥാനത്തേക്ക് മത്സരിക്കുന്ന ആദ്യത്തെ വര്‍ണ്ണക്കാരിയായ വനിത എന്ന നിലയില്‍ ബഹുസാംസ്‌കാരിക സമൂഹത്തില്‍ നിന്നുള്ള എല്ലാ വര്‍ണ്ണക്കാരേയും കനേഡിയന്‍ വ്യക്തികളെയും വിദേശ ഇടപെടല്‍ ചാര്‍ത്താന്‍ താന്‍ അനുവദിക്കില്ലെന്നും അത് അസ്വീകാര്യവും തെറ്റുമാണെന്നും അവര്‍ എക്‌സില്‍ എഴുതിയ പോസ്റ്റില്‍ പറഞ്ഞു.
ആരോപണങ്ങളില്‍ താന്‍ ഞെട്ടിപ്പോയതായി അവര്‍ ഒരു അഭിമുഖത്തില്‍ പറഞ്ഞു. ആരോപണങ്ങള്‍ പൂര്‍ണ്ണമായും തെറ്റാണെന്നും അവര്‍ വിശദമാക്കി. ലിബറല്‍ പാര്‍ട്ടി തന്റെ പ്രചാരണത്തിന് ഒരു കൂട്ടം ചോദ്യങ്ങള്‍ അയച്ചിട്ടുണ്ടെന്ന് സ്ഥിരീകരിച്ച അവര്‍ എല്ലാ ഉത്തരങ്ങളും സഹായ രേഖകളും നല്‍കിയതായും പറഞ്ഞു. പ്രചാരണ സംഭാവനകള്‍ നല്‍കാന്‍ ഒരേ ക്രെഡിറ്റ് കാര്‍ഡ് ഉപയോഗിക്കുന്ന രണ്ട് വ്യക്തികളുമായി ബന്ധപ്പെട്ട ചോദ്യങ്ങളില്‍ ജോയിന്റ് അക്കൗണ്ടുകളുള്ള ദമ്പതികള്‍ക്കിടയില്‍ സാധാരണമെണിതെന്ന്ന്ന് അവര്‍ വിശദീകരിച്ചു.
പ്രധാനമന്ത്രി നരേന്ദ്ര മോഡിയുടെ കീഴിലുള്ള ഇന്ത്യന്‍ സര്‍ക്കാരില്‍ നിന്നുള്ള വിദേശ ഇടപെടലുകളെക്കുറിച്ചുള്ള ധല്ലയുടെ പ്രചാരണത്തെ ലിബറല്‍ പാര്‍ട്ടി ചോദ്യം ചെയ്തതായി വ്യാഴാഴ്ച റിപ്പോര്‍ട്ട് ചെയ്ത ദി ഗ്ലോബ് ആന്‍ഡ് മെയിലിലാണ് ഈ ആരോപണങ്ങള്‍ ആദ്യം പ്രത്യക്ഷപ്പെട്ടത്.
ലിബറല്‍ പാര്‍ട്ടി ഈ അവകാശവാദം ഔദ്യോഗികമായി നിഷേധിച്ചു. ധല്ലയ്ക്ക് അയച്ച ചോദ്യങ്ങളൊന്നും വിദേശ ഇടപെടലുമായി ബന്ധപ്പെട്ടതല്ലെന്ന് ഒരു വക്താവ് സിബിസി ന്യൂസിനോട് പറഞ്ഞു.
ഇതൊക്കെയാണെങ്കിലും ധല്ലയും ഇന്ത്യന്‍ സര്‍ക്കാരും തമ്മിലുള്ള ബന്ധത്തെക്കുറിച്ച് സിബിസി ന്യൂസ് വിവരങ്ങള്‍ പുറത്തുവിട്ടു. 2017ലെ തെരഞ്ഞെടുപ്പുകളില്‍ മോഡിയുടെ ബി ജെ പിയെ സഹായിച്ചതും 2022ല്‍ ഒരു സിഖ് പ്രതിനിധി സംഘത്തിന്റെ ഭാഗമായി മോഡിയെ സന്ദര്‍ശിച്ചതും ഉള്‍പ്പെടെ അവരുടെ സോഷ്യല്‍ മീഡിയ പ്രവര്‍ത്തനം ഇന്ത്യന്‍ രാഷ്ട്രീയത്തിലെ അവരുടെ പങ്കാളിത്തം കാണിക്കുന്നുവെന്ന് ഔട്ട്ലെറ്റ് റിപ്പോര്‍ട്ട് ചെയ്തു.
2004ല്‍ ബ്രാംപ്ടണ്‍- സ്പ്രിംഗ്ഡെയ്ലില്‍ നിന്ന് ലിബറല്‍ എം പിയായി തെരഞ്ഞെടുക്കപ്പെട്ടപ്പോഴാണ് റൂബി ധല്ല ആദ്യമായി കനേഡിയന്‍ രാഷ്ട്രീയത്തിലേക്ക് പ്രവേശിച്ചത്. 2006ലും 2008ലും അവര്‍ വീണ്ടും തെരഞ്ഞെടുക്കപ്പെട്ടു. എന്നാല്‍ 2011 ല്‍ പരാജയപ്പെട്ടു. പിന്നീട് 2015ല്‍ ലിബറല്‍ പാര്‍ട്ടി ഭൂരിപക്ഷ സര്‍ക്കാര്‍ നേടിയപ്പോള്‍ മത്സരിക്കാതിരിക്കാന്‍ അവര്‍ തീരുമാനിച്ചു. കണ്‍സര്‍വേറ്റീവ് പാര്‍ട്ടി നിന ഗ്രെവാളിനൊപ്പം 2004-ല്‍ നേടിയ വിജയം ഹൗസ് ഓഫ് കോമണ്‍സിലേക്ക് തെരഞ്ഞെടുക്കപ്പെട്ട ആദ്യ ഇന്ത്യന്‍ വംശജയായ വനിതകളില്‍ ഒരാളായി അവരെ മാറ്റി.
ഇന്ത്യ തെരഞ്ഞെടുപ്പ് ഇടപെടലിന് വിധേയമായതായി കാനഡ ആരോപിക്കുന്നത് ഇതാദ്യമല്ല. കഴിഞ്ഞ മാസം കനേഡിയന്‍ കമ്മീഷന്റെ ഒരു റിപ്പോര്‍ട്ട് അവകാശപ്പെട്ടത് ചൈനയ്ക്ക് ശേഷം കാനഡയുടെ തെരഞ്ഞെടുപ്പ് പ്രക്രിയയില്‍ വിദേശ ഇടപെടലില്‍ ഏറ്റവും സജീവമായി ഉള്‍പ്പെട്ട രണ്ടാമത്തെ രാജ്യമാണ് ഇന്ത്യ എന്നാണ്.
കാനഡയും ഇന്ത്യയും പതിറ്റാണ്ടുകളായി ഒരുമിച്ച് പ്രവര്‍ത്തിക്കുന്നുണ്ടെങ്കിലും ്ബന്ധത്തില്‍ വെല്ലുവിളികളുണ്ട്. ഇവയില്‍ പലതും ദീര്‍ഘകാലമായി നിലനില്‍ക്കുന്നവയാണ്.
എന്നാല്‍ ഇന്ത്യ ഈ അവകാശവാദങ്ങള്‍ നിരസിച്ചു. വിദേശകാര്യ മന്ത്രാലയം 'അടിസ്ഥാനരഹിതം' എന്നാണ് ഇക്കാര്യങ്ങളെ വിശേഷിപ്പിച്ചത്.
ഇന്ത്യയുടെ ആഭ്യന്തര കാര്യങ്ങളില്‍ നിരന്തരം ഇടപെടുന്നത് കാനഡയാണെന്ന് ഇന്ത്യയുടെ വിദേശകാര്യ മന്ത്രാലയം പറഞ്ഞു.
അനധികൃത കുടിയേറ്റത്തിനും സംഘടിത കുറ്റകൃത്യങ്ങള്‍ക്കും കാനഡ വഴിയൊരുക്കുന്നുണ്ടെന്നും പ്രസ്താവനയില്‍ കുറ്റപ്പെടുത്തി.
