ഫിലഡല്‍ഫിയ: ഫിലഡല്‍ഫിയായിലും പരിസര പ്രദേശങ്ങളിലുമുള്ള മലയാളികളുടെ പരസ്പര സഹകരണത്തിനും സൗഹൃദത്തിനും ഒത്തുകൂടലിനും അത്യാവശ്യ ഘട്ടങ്ങളിലെ പരസ്പര സഹായങ്ങള്‍ക്കും ഊന്നല്‍ നല്‍കിക്കൊണ്ട് രൂപീകൃതമായ സൗഹൃദ സംഗമ കൂട്ടായ്മയായ 'സ്‌നേഹതീരം സൗഹൃദ കൂട്ടായ്മ'യുടെ കേരളപ്പിറവി ദിനാഘോഷങ്ങള്‍ നടത്തി.
സ്‌നേഹതീരം സൗഹൃദ കൂട്ടായ്മയുടെ കണ്‍വീനര്‍മാര്‍, മുതിര്‍ന്ന അംഗങ്ങള്‍, വനിതാ വിഭാഗം എന്നിവര്‍ ചേര്‍ന്ന് നിറദീപം തെളിയിച്ച് സ്‌നേഹതീരം സൗഹൃദ വേദിയുടെ കേരളപ്പിറവി ഉദ്ഘാടനം നിര്‍വ്വഹിച്ചു.
വിവിധ കലാപരിപാടികള്‍, സമൂഹാഗാനങ്ങള്‍ തുടങ്ങിയവ അരങ്ങേറി.