തിരുവനന്തപുരം: മയക്കുമരുന്ന് പിടിച്ചെടുത്ത കേസുമായി ബന്ധപ്പെട്ട് രണ്ട് പതിറ്റാണ്ട് പഴക്കമുള്ള -തെളിവില് കൃത്രിമം കാണിച്ച കേസില്, തിരുവനന്തപുരം ജില്ലയിലെ നെടുമങ്ങാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി, ജനാധിപത്യ കേരള കോണ്ഗ്രസ് നേതാവും മുന് ഗതാഗത മന്ത്രിയുമായ ആന്റണി രാജുവിനെ കുറ്റക്കാരനെന്ന് കണ്ടെത്തി. ശനിയാഴ്ച (ജനുവരി 3, 2026)യാണ് കോടതി വിധി പ്രസ്താവിച്ചത്.
1990ല് രജിസ്റ്റര് ചെയ്ത മയക്കുമരുന്ന് കേസുമായി ബന്ധപ്പെട്ട് തെളിവുകള് വ്യാജമായി സൃഷ്ടിക്കുകയും അവ കേസ് ഫയലില് ചേര്ക്കുകയും ചെയ്തെന്നതാണ് ആന്റണി രാജുവിനെതിരായ കുറ്റം. ഈ കേസില് 19 വര്ഷം മുന്പാണ് കുറ്റപത്രം സമര്പ്പിച്ചിരുന്നത്.
നിലവില് തിരുവനന്തപുരം മണ്ഡലത്തെ പ്രതിനിധീകരിക്കുന്ന എംഎല്എയായ ആന്റണി രാജു, ഭരണകക്ഷിയായ ഇടതുപക്ഷ ജനാധിപത്യ മുന്നണിയുടെ (എല്ഡിഎഫ്) സഖ്യകക്ഷിയായ ജനാധിപത്യ കേരള കോണ്ഗ്രസിന്റെ പ്രധാന നേതാവാണ്. മുന്പ് സംസ്ഥാന ഗതാഗത മന്ത്രിയായും പ്രവര്ത്തിച്ചിരുന്നു.
കോടതി വിധി ഇടതുമുന്നണിക്ക് രാഷ്ട്രീയമായി കനത്ത തിരിച്ചടിയായാണ് വിലയിരുത്തപ്പെടുന്നത്. ശിക്ഷ സംബന്ധിച്ച വാദം പിന്നീട് കേള്ക്കും.
കൃത്രിമതെളിവുകള് ഉണ്ടാക്കിയ കേസില് ആന്റണി രാജു എംഎല്എ കുറ്റക്കാരനെന്ന് കോടതി , 19 വര്ഷത്തിന് ശേഷം വിധി; എല്ഡിഎഫ് എംഎല്എയ്ക്ക് കനത്ത തിരിച്ചടി
