കൊല്ലം: പാസ്പോർട്ട് ഉൾപ്പെടെ നഷ്ടമായതിനെ തുടർന്ന് ഇറാനിൽ കുടുങ്ങി മലയാളി യുവാവ്. കൊല്ലം പ്രാക്കുളം സ്വദേശി അക്ഷയ് ഹരീഷാണ് ഇറാനിൽ കുടുങ്ങിയത്. അക്ഷയ്ക്ക് കപ്പലിൽ ആയിരുന്നു ജോലി. അലി ഷിപ്പിംഗ് കമ്പനിയുടെ പാം മറൈൻ എന്ന കപ്പലിൽ വാച്ച് കീപ്പർ ആണ് അക്ഷയ്. പാസ്പോർട്ട് ഉൾപ്പെടെ നഷ്ടമായതിനെ തുടർന്നാണ് അക്ഷയ് സഹായം തേടുന്നത്.
കൊല്ലം എംഎൽഎയും മന്ത്രിയുമായ ബിന്ദു കൃഷ്ണ അക്ഷയുമായി ഫോണിൽ സംസാരിച്ചു. മുഖ്യമന്ത്രി, കേന്ദ്ര വിദേശകാര്യ മന്ത്രി, ഡൽഹിയിലെ കേരളത്തിന്‍റെ പ്രത്യേക പ്രതിനിധി, ഇറാനിലെ ഇന്ത്യൻ എംബസി എന്നിവർക്ക് മന്ത്രി കത്ത് നൽകി. പാക് തുറമുഖത്ത് കപ്പൽ എത്തിയപ്പോൾ വെരിഫിക്കേഷന് പാസ്പോർട്ട് നൽകി. പരിശോധന കഴിഞ്ഞ് പാസ്പോർട്ട് തിരികെ നൽകിയില്ലെന്ന് യുവാവ് പറയുന്നു. പാസ്പോർട്ടും മറ്റ് യാത്രാ രേഖകളും ക്യാപ്റ്റനെ ഏൽപ്പിച്ചെന്നാണ് കരുതിയത്. കപ്പൽ ഇറാനിൽ എത്തിയ ശേഷം തിരികെ ഉള്ള യാത്രയ്ക്ക് തയ്യാറെടുക്കുമ്പോഴാണ് രേഖകൾ ക്യാപ്റ്റൻ്റെ കൈവശം ഇല്ലെന്ന് അറിയുന്നത്. അക്ഷയ്ക്ക് ഒപ്പം രേഖകൾ തിരികെ ലഭിക്കാതിരുന്ന ആറ് മ്യാൻമർ പൗരൻമാരെ അവരുടെ എംബസി ഇടപെട്ട് സ്വദേശത്ത് എത്തിച്ചു.
അലി ഷിപ്പിംഗ് കമ്പനിയുടെ പാം മറൈൻ എന്ന കപ്പലിൽ വാച്ച് കീപ്പർ ആണ് അക്ഷയ്. 11 മാസമായി ഇറാനിലാണെന്ന് അക്ഷയ് പറയുന്നു. ജോലി ദുബൈയിലാണെന്ന് പറഞ്ഞാണ് ഏജന്‍റ് കൊണ്ടുപോയത്. ഡിസംബർ 17ന് ജപ്പാനിലാണ് ജോയിൻ ചെയ്യുന്നത്. പിന്നീട് തിരിച്ച് ഇറാനിലേക്കാണ് വന്നത്. യുദ്ധം കാരണം നിലച്ച കപ്പൽ യാത്ര വീണ്ടും തുടങ്ങിയിട്ട് മാസങ്ങളേ ആയിട്ടുള്ളൂ. പാകിസ്ഥാനിൽ നിന്ന് അരി കൊണ്ടുവരാനാണ് പോയത്. രണ്ടാം തവണ പോയി വന്നപ്പോൾ പാസ്പോർട്ട് തിരികെ കിട്ടിയില്ല. ക്യാപ്റ്റനോട് ചോദിച്ചപ്പോൾ, ചില പ്രശ്നങ്ങൾ ഉണ്ടായെന്നും പാസ്പോർട്ട് വാങ്ങി വെച്ചുവെന്നും, ക്യാപ്റ്റന്റെ കൈയ്യിലാണ് പാസ്പോർട്ട് കൊടുത്തതെന്നും അക്ഷയ് പറഞ്ഞു. ഇറാനിലുള്ള ഒരുഹോട്ടലിൽ 45 ദിവസത്തോളം കഴിഞ്ഞു. പിന്നെ ഇന്നലെയാണ് അവർ വിളിച്ചത് പേപ്പറെല്ലാം റെഡി ആയെന്നും ഒരു കാർ വരുമ്പോൾ അതിൽ കയറി വരണമെന്നും അധികൃതർ പറഞ്ഞു. അവിടെ എത്തി 10 ദിവസം കൂടി തുടരണമെന്ന് ആവശ്യപ്പെട്ടെന്നും അക്ഷയ് പ്രതികരിച്ചു.
‘എവിടെ പോയാലും തിരിച്ച് ഇറാനിൽ തന്നെ എത്തുന്നു’; പാസ്പോർട്ട് നഷ്ട്ടമായി; ഇറാനിൽ കുടുങ്ങി മലയാളി യുവാവ്, ഇടപെട്ട് മന്ത്രി ബിന്ദു കൃഷ്ണ
