സുല്ത്താന് ബത്തേരി: കോണ്ഗ്രസിന്റെ പാര്ട്ടി ലൈനില് നിന്ന് താന് അകന്നിട്ടില്ലെന്നും 17 വര്ഷം പാര്ട്ടിക്കൊപ്പം പ്രവര്ത്തിച്ച തന്നെക്കുറിച്ച് തെറ്റിദ്ധാരണയുടെ ആവശ്യമില്ലെന്നും ശശി തരൂര് എം പി. വയനാട് ലീഡേഴ്സ് ക്യാമ്പില് പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
പ്രായമായ ഒരാളെ ബഹുമാനിച്ചത് മാത്രമാണ് എല് കെ അദ്വാനിക്ക് ജന്മദിനാശംസ നേര്ന്നതെന്നു പറഞ്ഞ ശശി തരൂര് മോഡിയെ താന് പുകഴ്ത്തിയിട്ടില്ലെന്നും വിശദമാക്കി. തന്റെ അഭിപ്രായങ്ങളില് നിന്ന് ചില വാക്കുകള് അടര്ത്തിയെടുത്ത് മാധ്യമങ്ങള് വിവാദമാക്കിയെന്നും തരൂര് പറഞ്ഞു.
മുഖ്യമന്ത്രിയാവാന് അര്ഹതയുള്ള പലരും പാര്ട്ടിയിലുണ്ടെന്നും തെരഞ്ഞെടുപ്പിന് ശേഷം കൂടിയാലോചിച്ച് തീരുമാനമെടുക്കുമെന്നും പറഞ്ഞ തരൂര് ഓരോ വ്യക്തികളുടെ ഇഷ്ടപ്രകാരം ആയിരിക്കും എം പിമാര്ക്ക് മത്സരിക്കാന് കഴിയുകയെന്നും അതില് പാര്ട്ടി കണ്ടിഷനുകളുണ്ടായേക്കാമെന്നും വിശദമാക്കി. തെരഞ്ഞെടുപ്പ് പ്രചാരണത്തില് സജീവമായി പ്രവര്ത്തിക്കുമെന്നും അദ്ദേഹം കൂട്ടിച്ചേര്ത്തു.