വാഷിംഗ്ടണ്‍: അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ ഏറ്റവും വിശ്വസ്തരില്‍ ഒരാളായി കണക്കാക്കപ്പെട്ടിരുന്ന റിപ്പബ്ലിക്കന്‍ പ്രതിനിധി മാര്‍ജോറി ടെയ്‌ലര്‍ ഗ്രീനെതിരായ കടുത്തവിമര്‍ശനമാണ് അമേരിക്കന്‍ രാഷ്ട്രീയ വൃത്തങ്ങളിലെ പുതിയ ചര്‍ച്ച. അപ്രതീക്ഷിതമായി രാജി പ്രഖ്യാപിച്ച ഗ്രീനെ കുറിച്ച് പ്രതികരിക്കുമ്പോള്‍ 'മാര്‍ജോറി മോശമായി പോയി' എന്ന് ട്രംപ് നേരിട്ട് പറഞ്ഞു. സ്വന്തം ഫോണുകളോട് പ്രതികരിക്കാതിരുന്നതാണ് താനിക്കെതിരെ അവര്‍ക്കുണ്ടായ നീരസത്തിന് കാരണമെന്നും ട്രംപ് പറയുന്നു.
ദീര്‍ഘമായ രാജിക്കുറിപ്പില്‍, 'ഞാന്‍ എന്റെ കുടുംബത്തോടും മണ്ഡലത്തോടും കാണിക്കുന്ന ആത്മാഭിമാനത്തിനും മാന്യതയ്ക്കും വിരുദ്ധമായി ഒരു വിഷമകരമായ പ്രൈമറി പോരാട്ടം നേരിടാന്‍ ഞാന്‍ തയ്യാറല്ല. റിപ്പബ്ലിക്കന്മാര്‍ ഇടക്കാല തെരഞ്ഞെടുപ്പില്‍ തോല്‍ക്കാന്‍ സാധ്യതയുള്ള സാഹചര്യത്തില്‍ അനാവശ്യകലഹം ഞാന്‍ ഉണ്ടാക്കാന്‍ ഇഷ്ടപ്പെടുന്നില്ല,' എന്നാണ് ഗ്രീന്‍ എഴുതിയത്.
ജെഫ്രി എപ്‌സ്‌റ്റൈന്‍ കേസിലെ രേഖകള്‍ പുറത്തുവിടണമെന്ന ആവശ്യം ഉന്നയിച്ച റിപ്പബ്ലിക്കന്‍ അംഗമായ ടോം മാസിയെ ഗ്രീന്‍ പിന്തുണച്ചതാണ് ട്രംപിന്റെ പ്രകോപനത്തിന് കാരണമെന്ന് റിപ്പബ്ലിക്കന്‍ വൃത്തങ്ങള്‍ പറയുന്നു. 'മാര്‍ജോറി, വഞ്ചകി' - ബ്രൗണ്‍-പോള്‍ സര്‍വേയില്‍ വയക്തമായ കുത്തനെ ഇടിഞ്ഞ ജനപ്രീതിയും, ട്രംപ് പിന്തുണയുള്ള ഒരു ശക്തനായ എതിരാളിയെ നേരിടാന്‍ ധൈര്യമില്ലാതിരുന്നതും ചേര്‍ന്ന്, അവള്‍ പിന്മാറുകയാണ്.' ഗ്രീനിന്റെ രാജിയെക്കുറിച്ച് ട്രംപ് തന്റെ ട്രൂത്ത് സോഷ്യലില്‍ എഴുതിയത് ഇങ്ങനെയാണ്.
'റിപ്പബ്ലിക്കന്‍ പാര്‍ട്ടിയുടെ നിലപാടുകള്‍ക്കെതിരെ പലപ്പോഴും വോട്ട് ചെയ്യുന്ന, 'റാന്‍ഡ് പോള്‍ ജൂനിയര്‍' എന്ന പേരില്‍ അറിയപ്പെടുന്ന കെന്റക്കിയിലെ ടോം മാസിയുമായി ഗ്രീന്റെ കൂട്ടുകെട്ടും അവള്‍ക്ക് ഉപകാരപ്രദമായില്ല,' എന്ന് ട്രംപ് ആരോപിച്ചു. ഫോണുകള്‍ക്ക് മറുപടി നല്‍കാതിരുന്നതും തങ്ങളുടെ ബന്ധം മോശമാക്കിയെന്ന് ട്രംപ് തുറന്നുപറഞ്ഞു: 'എന്റെ ഫോണിലേക്കുള്ള അവളുടെ നിരന്തര കോള്‍കള്‍ക്ക് ഞാന്‍ മറുപടി നല്‍കിയില്ല. അതാണ് അവള്‍ BAD ആവാന്‍ കാരണമായത്.'
എന്നിരുന്നാലും, തര്‍ക്കത്തിന് പിന്നാലെ പുനഃപരിശോധനയ്ക്കുള്ള സാധ്യതകളും ട്രംപ് തുറന്നു വയ്ക്കുന്നു. 'തീര്‍ച്ചയായും, എന്തിന് ഇല്ല? എനിക്ക് എല്ലാവരുമായും സുഖമായിരിക്കും, എന്ന് മാധ്യമപ്രവര്‍ത്തകരോട് സംസാരിക്കുമ്പോള്‍, ട്രംപ് പറഞ്ഞു. 'അവളുടെ രാഷ്ട്രീയ നിലപാടുകളോടാണ് എനിക്ക് യോജിപ്പ് ഇല്ലാത്തത്. അവള്‍ നമ്മുടെ ചരിത്രത്തിലെ ഏറ്റവും മോശം റിപ്പബ്ലിക്കന്‍ അംഗത്തെയാണ് പിന്തുണയ്ക്കുന്നത്,' എന്നും ട്രംപ് ചൂണ്ടിക്കാട്ടി.
അമേരിക്കന്‍ റിപ്പബ്ലിക്കന്‍ രാഷ്ട്രീയത്തിലെ വ്യക്തിപരവും ആശയപരവുമായ സംഘര്‍ഷങ്ങള്‍ക്ക് പുതിയ തീ കൊളുത്തിക്കൊണ്ടാണ് ഗ്രീന്റെയും ട്രംപിന്റെയും ഈ ഏറ്റുമുട്ടല്‍ ശക്തിയാര്‍ജ്ജിക്കുന്നത്.
'ഫോണുകള്‍ എടുക്കാത്തതുകൊണ്ടാണ് മാര്‍ജോറി വഴിതെറ്റിയത്' : രാജിക്കഥയില്‍ ട്രംപിന്റെ കഠിനപ്രതികരണം
