വാഷിംഗ്ടണ്‍: ബൈഡന്‍ കാലഘട്ടത്തിലെ ഫോമുകളില്‍ മൂന്നാം ലിംഗ ഓപ്ഷന്‍ നല്‍കുന്ന രീതി യുഎസ് സിറ്റിസണ്‍ഷിപ്പ് ആന്‍ഡ് ഇമിഗ്രേഷന്‍ സര്‍വീസസ് അവസാനിപ്പിച്ചു. പുതിയ ഫോമില്‍ 'ആണും പെണ്ണും എന്ന രണ്ട് ലിംഗക്കാര്‍ മാത്രമേയുള്ളൂ' എന്ന് ഹോംലാന്‍ഡ് സെക്യൂരിറ്റി ഉദ്യോഗസ്ഥന്‍ പ്രഖ്യാപിച്ചു.
അമേരിക്ക 'രണ്ട് ജൈവിക ലിംഗങ്ങളെ മാത്രമേ അംഗീകരിക്കുന്നുള്ളൂ എന്ന് വ്യക്തമാക്കി യു എസ് സി ഐ എസ് നയ മാനുവലില്‍ മാറ്റംവരുത്തിയെന്ന് ഏജന്‍സി പ്രഖ്യാപിച്ചു.
'അമേരിക്കന്‍ ജനതയ്ക്ക് പ്രസിഡന്റ് ട്രംപ് സാമാന്യബുദ്ധിക്ക് അംഗീകരിക്കാന്‍ കഴിയുന്ന ഒരുമാറ്റം വാഗ്ദാനം ചെയ്തു, അതില്‍ യുഎസ് സര്‍ക്കാരിന്റെ നയം ലളിതമായ ജൈവിക യാഥാര്‍ത്ഥ്യവുമായി യോജിക്കുന്നുവെന്ന് ഉറപ്പാക്കുന്നതും ഉള്‍പ്പെടുന്നുവെന്ന് ഹോംലാന്‍ഡ് സെക്യൂരിറ്റി പബ്ലിക് അഫയേഴ്‌സ് അസിസ്റ്റന്റ് സെക്രട്ടറി ട്രീഷ്യ മക്‌ലോഫ്‌ലിന്‍ ഒരു പ്രസ്താവനയില്‍ പറഞ്ഞു.
'നമ്മുടെ കുടിയേറ്റ സംവിധാനം ശരിയായി കൈകാര്യം ചെയ്യുന്നത് ദേശീയ സുരക്ഷയുടെ കാര്യം എന്ന നിലയിലാണ്. അല്ലാതെ കുട്ടികളെ ശാശ്വതമായി ദ്രോഹിക്കുകയും യഥാര്‍ത്ഥ സ്ത്രീകളുടെ അന്തസ്സ്, സുരക്ഷ, ക്ഷേമം എന്നിവ കവര്‍ന്നെടുക്കുകയും ചെയ്യുന്ന ഒരു പ്രത്യയശാസ്ത്രത്തെ പ്രോത്സാഹിപ്പിക്കുന്നതിനും ഉള്‍ക്കൊള്ളുന്നതിനുമുള്ള ഒരിടം എന്നനിലയില്‍ അല്ലെന്ന് അവര്‍ കൂട്ടിച്ചേര്‍ത്തു.
മൂന്നാംലിഗക്കാരെ നിരോധിച്ചുകൊണ്ട് പ്രസിഡന്റ് ഡോണള്‍ഡ് ട്രംപ് തന്റെ സ്ഥാനാരോഹണ ദിവസം ഒപ്പുവച്ച ഒരു എക്‌സിക്യൂട്ടീവ് ഉത്തരവിനെ തുടര്‍ന്നാണ് നയമാറ്റം വരുത്തുന്നതെന്ന് ഏജന്‍സി പറഞ്ഞു.
'ഈ മാര്‍ഗ്ഗനിര്‍ദ്ദേശപ്രകാരം, ജനനസമയത്തോ അതിനടുത്തോ നല്‍കുന്ന ജനന സര്‍ട്ടിഫിക്കറ്റില്‍ പൊതുവെ തെളിവായി കാണിക്കുന്ന ആണ്‍ അല്ലെങ്കില്‍ പെണ്‍ എന്നതുമാത്രമേ ഒരു വ്യക്തിയുടെ ലിംഗഭേദമായി യു എസ് സി ഐ എസ് കണക്കാക്കുകയുള്ളൂ.
കഴിഞ്ഞ വര്‍ഷം, നോര്‍മലൈസേഷന് അപേക്ഷിക്കുമ്പോള്‍ കുടിയേറ്റക്കാര്‍ക്ക് ഒരു മൂന്നാം ലിംഗ ഓപ്ഷന്‍ അല്ലെങ്കില്‍ 'എക്‌സ്' തിരഞ്ഞെടുക്കാന്‍ കഴിയുമായിരുന്നു
'പണ്ടുമുതലേ യു എസ് സി ഐ എസ് ഫോമുകളിലും അനുബന്ധ രേഖകളിലും 'പുരുഷന്‍ (എം)', 'സ്ത്രീ (എഫ്) എന്നിങ്ങനെ രണ്ട് ലിംഗ ഓപ്ഷനുകള്‍ മാത്രമേ നല്‍കിയിരുന്നുള്ളൂ: ' ഈ ഓപ്ഷനുകളിലൊന്നിലും ഉള്‍പ്പെടാത്തഅപേക്ഷകര്‍ക്ക് ഇത് കാര്യമായ തടസ്സങ്ങള്‍ സൃഷ്ടിച്ചിട്ടുണ്ടെന്ന് യുഎസ് സിറ്റിസണ്‍ഷിപ്പ് ആന്‍ഡ് ഇമിഗ്രേഷന്‍ സര്‍വീസസ് അന്ന് പറഞ്ഞു. 'ജനന സര്‍ട്ടിഫിക്കറ്റുകളോ പുരുഷന്‍ അല്ലെങ്കില്‍ സ്ത്രീ അല്ലാത്ത ലിംഗഭേദമുള്ള മറ്റ് ഔദ്യോഗിക സര്‍ക്കാര്‍ നല്‍കുന്ന രേഖകളോ ലഭിക്കുമ്പോള്‍ ആനുകൂല്യ അഭ്യര്‍ത്ഥകരെ രണ്ട് ലിംഗ ഓപ്ഷനുകളിലേക്ക് പരിമിതപ്പെടുത്തുന്നത് യു എസ് സി ഐ എസ് -ന് ഭരണപരമായ വെല്ലുവിളികളും സൃഷ്ടിക്കും.
മൂന്നാം ലിംഗക്കാര്‍ പുറത്ത് ; യുഎസ് ഇമിഗ്രേഷന്‍ ഇനി മുതല്‍ ആണിനെയും പെണ്ണിനെയും മാത്രമേ അംഗീകരിക്കൂ
