സവോ പോളോ: ബ്രസീൽ മുൻ പ്രസിഡന്റ് ഫെർണാണ്ടോ കോളർ അഴിമതിക്കേസിൽ അറസ്റ്റിൽ. സ്വകാര്യ എണ്ണക്കമ്പനിയിൽനിന്ന് 35 ലക്ഷം ഡോളർ കൈക്കൂലി വാങ്ങിയെന്ന കേസിലാണ് 1990-92ൽ പ്രസിഡന്റ് പദം അലങ്കരിച്ച കോളർ പിടിയിലായത്.
വീട്ടുതടങ്കലിനു പകരം ജയിലിലടക്കാനും ഉത്തരവുണ്ട്. ബ്രസീലിൽ പാർലമെന്റംഗങ്ങൾ, പ്രസിഡന്റുമാർ, മന്ത്രിമാർ എന്നിവർക്കെതിരായ കേസുകൾ നേരിട്ട് സുപ്രീം കോടതിയാണ് കൈകാര്യം ചെയ്യുക.
ഓപറേഷൻ കാർ വാഷ് എന്ന പേരിൽ പുറത്തുവന്ന അന്വേഷണാത്മക റിപ്പോർട്ടാണ് കോളറിന് കുരുക്കായത്.
അഴിമതി ആരോപണത്തിൽ 2023 ൽ എട്ട് വർഷവും 10 മാസവും തടവിന് ശിക്ഷിക്കപ്പെട്ട ഫെർണാണ്ടോ കോളർ ഡി മെല്ലോയെ ഉടൻ അറസ്റ്റുചെയ്യാൻ വ്യാഴാഴ്ച (ഏപ്രിൽ 24, 2025) ബ്രസീൽ സുപ്രീം കോടതി ജഡ്ജി ഉത്തരവിട്ടിരുന്നു.
'ഫെഡറൽ സുപ്രീം കോടതിയിലെ (എസ്ടിഎഫ്) അലക്‌സാണ്ടർ ഡി മൊറേസ്, പ്രതിഭാഗത്തിന്റെ രണ്ടാമത്തെ അപ്പീൽ തള്ളിക്കളയുകയും ഫെർണാണ്ടോ കോളർ ഡി മെല്ലോയെ ഉടൻ അറസ്റ്റ് ചെയ്യാൻ തീരുമാനിക്കുകയും ചെയ്തുവെന്ന് കോടതി പ്രസ്താവനയിൽ പറഞ്ഞു.
1990 നും 1992 നും ഇടയിൽ രാജ്യത്തെ നയിച്ച 75 കാരനായ മുൻ പ്രസിഡന്റ്, 2010 നും 2014 നും ഇടയിൽ സെനറ്ററായിരിക്കെ 20 ദശലക്ഷം റിയാലുകൾ (നിലവിലെ വിനിമയ നിരക്കിൽ 3.5 ദശലക്ഷം ഡോളർ) സ്വീകരിച്ചതിനാണ് കുറ്റക്കാരനാണെന്ന് കണ്ടെത്തിയത്.
ഒരു നിർമ്മാണ കമ്പനിയും ബ്രസീലിയൻ സ്റ്റേറ്റ് ഓയിൽ കമ്പനിയായ പെട്രോബ്രാസിന്റെ മുൻ അനുബന്ധ സ്ഥാപനവും തമ്മിലുള്ള 'ക്രമരഹിതമായി കരാറുകൾ സുഗമമാക്കുന്നതിനാണ്' ഫണ്ട് സ്വീകരിച്ചത്.
ബ്രസീൽ മുൻ പ്രസിഡന്റ് ഫെർണാണ്ടോ കോളർ അഴിമതിക്കേസിൽ അറസ്റ്റിൽ
