പാരീസ്: ഫ്രഞ്ച് ഉടമസ്ഥതയിലുള്ള ഒരു കണ്ടെയ്നര് കപ്പല് ഹോര്മുസ് കടലിടുക്കിലൂടെ വിജയകരമായി കടന്നുപോയി. പശ്ചിമേഷ്യയില് യുദ്ധം ആരംഭിച്ചതിനുശേഷം ഇതുവഴി കടന്നുപോകുന്ന യൂറോപ്യന് സ്ഥാപനത്തിന്റെ ഉടമസ്ഥതയിലുള്ള ആദ്യത്തെ കപ്പലാണിത്.
ഫ്രഞ്ച് ഉടമസ്ഥത സ്ഥിരീകരിക്കുന്ന കപ്പല് ട്രാക്കിംഗ് ഡേറ്റയോടെ ദുബായില് നിന്ന് ഇറാനിലേക്ക് പ്രവേശിച്ച കപ്പല് ഖേഷ്ം, ലാറക് ദ്വീപുകള്ക്കിടയിലുള്ള ചാനലിലൂടെ ഇറാനിയന് തീരപ്രദേശത്ത് കടക്കുകയായിരുന്നു. വെള്ളിയാഴ്ച രാവിലെയോടെ ഹോര്മുസ് കടലിടുക്ക് വിജയകരമായി കടന്നതിന് ശേഷം മസ്കറ്റില് നിന്ന് പുറത്തുപോയതായി ബ്ലൂംബെര്ഗ് ന്യൂസ് റിപ്പോര്ട്ട് ചെയ്തു.
തെഹ്റാനും പാരീസും തമ്മിലുള്ള ഏകോപനത്തെയാണ് കപ്പല് ഗതാഗതം സൂചിപ്പിക്കുന്നത്. ഇത് നേറ്റോ സഖ്യകക്ഷികള്ക്കിടയിലെ ഭിന്നതകള് രൂക്ഷമാക്കും.
പ്രതിരോധ വില്പ്പന, തന്ത്രപരമായ മുന്ഗണനകള് തുടങ്ങിയ വിഷയങ്ങളില് പാരീസും വാഷിംഗ്ടണും തമ്മില് വളരെക്കാലമായി വ്യത്യാസങ്ങള് നിലനില്ക്കുന്നുണ്ടെങ്കിലും ഡൊണാള്ഡ് ട്രംപ് രണ്ടാം തവണയും തെരഞ്ഞെടുക്കപ്പെട്ടതിന് ശേഷം അവ കൂടുതല് രൂക്ഷവും പരസ്യവുമായി. ഗ്രീന്ലാന്ഡിനെയും നേറ്റോയെയും കുറിച്ചുള്ള തര്ക്കങ്ങള് ഉഭയകക്ഷി ബന്ധങ്ങളിലെ അസ്വസ്ഥതകള് കൂടുതല് ശക്തമാക്കി.
ജലപാത സുരക്ഷിതമാക്കാന് ബലപ്രയോഗം നടത്താനുള്ള നിര്ദ്ദേശങ്ങള് ഉള്പ്പെടെ ഇറാനെക്കുറിച്ചുള്ള ട്രംപിന്റെ നിര്ദ്ദേശങ്ങള്ക്കെതിരെ ഫ്രഞ്ച് പ്രസിഡന്റ് ഇമ്മാനുവല് മാക്രോണ് ഉറച്ച നിലപാടാണ് സ്വീകരിച്ചത്. ട്രംപിന്റെ ആശയം യാഥാര്ഥ്യത്തിന് നിരക്കാത്തതാണ് എന്ന് മാക്രോണ് പരസ്യമായി തള്ളിക്കളഞ്ഞു.
യു എസ് ജനങ്ങളുടെ പരമാധികാരത്തെ ബഹുമാനിക്കണമെന്നും ആളുകള് ഭരണകൂടം മാറ്റാനും പ്രതികരിക്കാനും മുന്നോട്ട് വരാനും ആഗ്രഹിക്കുന്നുവെങ്കില് അവര്ക്ക് അങ്ങനെ ചെയ്യാന് കഴിയുമെന്നും മാക്രോണ് പറഞ്ഞു.
നിര്ണായക വിഷയങ്ങളില് ട്രംപിന്റെ പതിവ് നിലപാടുകള് മാറ്റുന്നതിനും അദ്ദേഹത്തിന്റെ ഭാര്യ ബ്രിജിറ്റ് മാക്രോണിനെതിരെയുള്ള വ്യക്തിപരമായ പരാമര്ശങ്ങള്ക്കും ഫ്രഞ്ച് പ്രസിഡന്റ് മറുപടി നല്കി.