ഡാളസ്: ലിറ്റററി അസോസ്സിയേഷന്‍ ഓഫ് നോര്‍ത്ത് അമേരിക്ക (ലാന) യുടെ ആജീവനാന്ത അംഗവും ഡാളസ്സിലെ സാമൂഹ്യസാംസ്‌കാരിക രംഗങ്ങളില്‍ സജീവ സാന്നിദ്ധ്യവുമായിരുന്ന അജയകുമാറിന്റെ നിര്യാണത്തില്‍ ലാന ഭരണസമിതി അഗാധ ദു:ഖവും അനുശോചനവും രേഖപ്പെടുത്തി. കേരള ലിറ്റററി സൊസൈറ്റി പ്രവര്‍ത്തകനായിരുന്നു. നിരവധി മറ്റിതര സംഘടനകളുടെ നേതൃപദവി അദ്ദേഹം അലങ്കരിച്ചിട്ടുണ്ട്.
ലാനയുടെ പ്രവര്‍ത്തനങ്ങളിലും പരിപാടികളിലും സജീവമായി പങ്കെടുക്കുകയും പ്രത്യേകിച്ച് 2019 ഡാളസ്സില്‍ നടന്ന ലാന കണ്‍വെന്‍ഷന്‍ ക്രമീകരണങ്ങളില്‍ സഹായസഹകരണങ്ങള്‍ നല്‍കിയതും ഈ സമയം നന്ദിയോടെ സ്മരിക്കുന്നു.
ചെറുപ്പത്തില്‍ തന്നെ കലാ സാംസ്‌കാരിക രാഷ്രീയ രംഗത്തു നിറഞ്ഞു ശോഭിച്ച വ്യക്തിയായിരുന്നു. കേരളത്തില്‍ തലവടി പഞ്ചായത്തു ജനപ്രതിനിധി ആയി സേവനം അനുഷ്ഠിക്കവെ, ഗള്‍ഫില്‍ ഉേദ്യാഗാര്‍ത്ഥം പോകേണ്ടി വന്നു. തുടന്ന് 2002 ല്‍ അമേരിക്കയിലേക്ക് കുടിയേറുകയും ചെയ്തു.